رقيه ..
حياة بنيه بدون ام و اب صعبه، الاحساس الي يراوده للبنيه بذاك الوكت
فقط الضياع والهم،شنو مصيري بدون ام واب شنو مصيري عايشه بين عائله مترحم اليتيم
جنت اتفنن بفن تصميم الجنط كل جنطه اسويهه مصدرهه من قماش زايد بلبيت
او تشيرت مال تراكسود ماكصه ولالعب بي مجرد افتح الخياط مال الردان
والياخه الي تصير يم الركبه شويه اكوي القماش بمكويه بخاريه مال عمتي
انتظره يتعدل وابدي اشتغل وافصل براحتي تصميم الجنطه جنت حذره بكص قطعة
من القماش لان اذا رحت زايد يخرب التصميم، حذره اكثر بخياط القماش
فوك الخياط استعمل شمع علمود يلزم اكثر وبعدهه السحابه اخذهه من علبت السحابات
الي لونهه زركه افتح العلبه بكل هدوء واخذ السحابه الي تكعد ويا لون قماش الجنطه
اخيط السحابه وبعدهه اسوي يدة الجنطه ومرات استعمل زناجيل الكلايد الذهبيه والفضيه
نشتريهن من ابو حسن رجال جبير هم مثلي فرطت بي الحياة وخلته يبيع نساتل ويسوي
موطه من هاي عباره عن ثلج ولون بس صراحه جانت طعمهه تختلف عد ابو حسن وجان بمحله
علب كبار مال ابر خياطه وخيوط كومه بعلب مصفطهن شويه شويه كام يبيع كلايد
اثنين بربع وحده ذهبيه وحده فضيه جنت اشتري منهن علمود اصمم للجنطه
صح نوعية القماش متشجع بس جان التصميم من نوع اخر ومن شغل مرتب
يصير الليل الزم ابرتي وانظمهه بالخيط احطهه على جهه خاف يجي احد يتأذه بيهه
اجيب علبة النمنم جانت الالوان هوايه ، جنت بكوه اشيل وحده
لان النمنم على شكل دائره وصغيره وبنص الدائره زرف صغير
على كد الابره تدخل بي وتخيطهه اكمل التطريز بالنمنم اباوع لابداعي
بكل فخر وانجاز الحمدلله ربي فاتحهه عليه وعايشه بفلوس الجنط
ولو هو اخذ الفلوس منا نصهن لعمي وعمتي ونصهن اليه
بحجة المي الكهرباء واخر حجه سمعتهه من عدهم بعدكم صغار ميصير يبقن هلكد
فلوس عدكم احنا نجمعهن الكم عود ولهذا يومنا الفلس الي يروحلهم
مستحيل يرجع النا بعد، شغلات الذهب مثلا محبس او كلاده ماعدنا
رحم الله على ابو التكان ابو حسن يفرحنا اني وزهره بهاي الكلايد ام اثنين بربع
نشتريهن واحنا فرحانات مجانت عدنا بالغرفه ميز مثلا بي جرارات
علمود نحط بي كلايد او محابس، كمنا دكينا مسمار بالحايط وبهذا
أنت تقرأ
هيام
ChickLitدخلني للغرفه شمرني على الجربايه تفل عليه وجر حزامه وبكل قوته يضرب بيه وعيوني تتبع الحزام وين يتوجه واحط ايدي علمود ميوجعني، مو عادل هذا غير شخص مو انسان حيوان كل ضربه يضربه اليه اموت اشوف الموت واني عايشه اسمع عمتي وحماتي يضربون بزهره وعباس بحجة...
