عباس ..
نسدن عيوني صحيت على رشات قطرات من المي بشكل متقاطع وكم حركه من ايادي شخص
يتلمس وجهي وانحاء باقي جسمي ويصيح بصوت ممزوج بقلق
"ابني عبوسي اصحى ماكو شي"
فتحتهن شويه شويه كومني على حيلي طبطب على ضهري كال " يمعود سلامات شو دخل
نطلع من المتنبي لعبت بيه لعب " ضحكت واني دايخ كتله "عمي حسن متكلي وين جبتني هم
هيج متنبي وهيج ثقافه هم متراد " كال وهو ويضحك " اي عمي حقك تحجي هيج ماتعرف
شي عن المتنبي هذا الرجل تمثال العراقيين تدري عمي عبوسي المتنبي يعتبر رمز
من رموز حضارة العراق بلاد وادي الرافدين كتله " عمي مروتك خلي نطلع اول مادخلنا مفخخه
وتاليهه وكعت على راسي والله يعلم شنو راح
يصير بعد " كال " لا ماعتقد اكو شي بعد تعال اخذك للقشله " كتله "عمي شنو هاي القشله ووين
صايره " كال " بنص المتنبي لكن بافرع تعال نروح "
بدينا نمشي بشوارع المتنبي الريحه كانت الوحيده التفوح هي ريحة ورق الكتب اعاين على الناس
شلون يمشون ويتصرفون مرات احسهم هم يتصنعون يسون هيج
مرات اكول لا هي حياتهم بهل شكل اعاين على جهه الثانيه الواكفين على البسطه يبضعون بالكتب
يلزم الكتاب بيده يقره الورقه الاولى وبعدهه الثانيه ورئسا يقلب الكتاب على الجهه
الخلفيه يقره نبذه مختصره عن حياة الكاتب وكم شهاده ماخذ وكم عمره ماعرف ليش كانوا بهذه
الصيغه يدققون باصغر واكبر معلومه عن الكاتب اكثر من محتوى الكتاب
كان عمي حسن يعلمني ان هذه الكتب المرصوفه على رصيف المتنبي هي ليست اوراق وكذا وانما
هذه عقول وافكار محمله بالرقي حيث كل فصل يحمل رساله معينه
والقارئ المتمكن هو يكون الادرك بما يقرأ نمشي ليكدام بخطوات واثقه اعاين زين مجموعه من الرسامين او بالاحرى شباب موهوبين
بهذا المجال لازمين لوحات وفرش التلوين
وعلبة الالوان على الجهه الثانيه ياخذ اللون
المحدد في باله ويلون اللوحه وبعدها يبتعد عنها بطريقه شبه سريعه مع تنهيده بسيطه ينظر اليها
بزاويه معينه بعدها ابتسامه خفيفه تحتل وجه ويرفع ايده محدد بيها علامة النصر كأنه انتصر
على بقية الموهوبين والناس المحيطه به وبلوحته تصفق تصفيقات حاره مع صفير معلن
على التشجيع والحماس يتقدم باتجاه لوحته يحملها ليصعدها على صدره ويعاين للامام
أنت تقرأ
هيام
ChickLitدخلني للغرفه شمرني على الجربايه تفل عليه وجر حزامه وبكل قوته يضرب بيه وعيوني تتبع الحزام وين يتوجه واحط ايدي علمود ميوجعني، مو عادل هذا غير شخص مو انسان حيوان كل ضربه يضربه اليه اموت اشوف الموت واني عايشه اسمع عمتي وحماتي يضربون بزهره وعباس بحجة...
