رقيه ...
صراخ عباس بالشارع هبط كل كلوبنا والف الحمدلله مصار شي دخلنا جو بالبيت ومارسنا
عملنا بشكل طبيعي توجهت للمطبخ اكمل وين ماوصلت بطبخ الطرشانه كملته من تنكيع المي
بشكل اعتيادي وحسب مقادير خاله ام فلاح اشتغلت بيهن وحده وره الخ علمود تطلع طيبه
وبعدهه وجهته للنار ضفت كم ملعقه من الشكر بدال الملح علمود تطلع حلوه لان حلاتهه
من نحطلهه ملاعق من الشكر بعدهه جلست قرب خاله ام فلاح بدينا نسولف بموضوع معين او
بالاحرى ضاهره سائده بالمجتمع بعدين كعدت فكرت بامر فلاح وين ابنهه ليش ماموجود وياهه
سالته " اكولج خاله ولو هو السؤال شخصي "
قاطعتني " لاخاله سالي الي بالج وان شاء الله اجاوبج " رجعت سالته
" وين فلاح شو يصيحولج ام فلاح وفلاح ماهو "
مجرد ماسالتهه هذا السؤال نزلت دموعهه وحده وره الخ رجعت كلتله " خاله اني ماريدج تبجين وتنجرحين بسببي بس ردت اعرف
واسفه خاف ضوجتج " جاوبتني
" لا خاله انتي معليج بدموعي بس مشتاقتله
راح ومشى عني اتمنى يرجع باسرع وقت "
كلتلهه " ليش خاله هو وينه وعلمود يرجعلج "
كالت "يمه احنا كنا ساكنين بنفس المنطقه مال ابو زياد " قاطعتهه
" ليش خاله يعني انتوا وعمو عدي كاعدين بغير منطقه "
جاوبتني " اي يمه بغير منطقه واجينا هنا جدد كعدنا بهاي المنطقه " كلتلهه
" ها هيج السالفه كملي خاله كملي " كالت " المهم بيوم وفاة المرحومه ام زياد "
قاطعتهه واني حاطه ايدي على حلكي مصدومه " ياخطيه ليش ماتت "
جاوبتني " رقيه شنو ليش ماتت غير هذا يومهه "
كلتلهه " خطيه ميستاهل زياد كملي خاله كملي "
كالت " اي عيني من يوم وفاتهه بديت يوميه اجي لبيت ابو زياد اهتم بزياد ثالث يوم من وفاتهه
اجانه فلاح كال يمه راح اروح ادرس بالخارج الاسبوع القادم سفرتي "
قاطعته " خاله يعني هو متعلم عنده شهادة سادس "
جاوبتني " اي يمه عده شهادة سادس وعيني كاعدين اني وابو نقنع بي ان ميروح لان بس هو
الوحيد النا هو صار عصبي وضاج وحقه يضوج كل هذا التعب
مال السنين تاليهه يكعد ويسكت فاقترح يروح ياخذ الدكتوراه "
أنت تقرأ
هيام
Literatura Kobiecaدخلني للغرفه شمرني على الجربايه تفل عليه وجر حزامه وبكل قوته يضرب بيه وعيوني تتبع الحزام وين يتوجه واحط ايدي علمود ميوجعني، مو عادل هذا غير شخص مو انسان حيوان كل ضربه يضربه اليه اموت اشوف الموت واني عايشه اسمع عمتي وحماتي يضربون بزهره وعباس بحجة...
