رقيه ..
دورت بين الكتب لكيت كتاب حمديه فتحته علمود اشوف البدايه وكانت الصدمه اليه
ان لكيت صورة ولد نوعا ما يتراوح عمره بين العشرين والخمسه وعشرين كتلني الفضول اريد
اعرف منو هذا وشكو صورته موجوده بكتاب حمديه وبكتاب خالتي سديت الكتاب اخذته
بيدي اليمنى توجهت باتجاه الباب فتحته وطلعت اركض ركض لكيت باب الهول مسدوده فتحته
شلون ماكان وصلت للحديقه صحت بصوت مسموع نوعا ما "خاله خاله " رفعت راسهه من
الكتاب كالت " ها رقاوي الله يستر"
كلتلهه " خاله بدون لف ودوران صورتمن هاي "
كالت "ياصوره "
رحت تقربت يمهه وبيدي الكتاب كعدت على المرجوحه بجانبهه الايسر فتحت الكتاب كتلهه
"هذا الحلو الشاب " باوعت للصوره كامت على حيلهه كالت " ميصير رقيه تلعبين
بخصوصيات غيرج " كلتله واني اضحك " خاله اوكفي لحضه قابل ماكله عشاج هو سألتج على
هاي الصوره " كالت " خاله هاي سالفه طويله ومبيه حيل ابد اسولف بيهه ابد "
كلتلهه اكولج خاله هو دنيا ضهر لا اني عندي شي ولا انتي دتعاي سولفيلي شصار "تقربت عليه
عاينت على جهة اليمين واليسار كالت " بالبدايه انطيني وعد متحجين ولا حرف لاي مخلوق "
كلتلهه " وعد مني مو تدلليين "
كالت " ولو انتي تخوفين بس يلا راح احجيلج"
كلتلهه " يلا خاله عاد بلشي والله روحي خلصت"
بدت تحجيلي " باوعي خاله رقاوي اني اخويه اخذه النظام السابق من بيتنا "
قاطعتهه " لحضه خاله شلون يعني اخذوا من بيتكم " كالت
" خاله قبل الحيطان عدهه اذن " رئسا قاطعته
" خاله هي حيطان شلون عدهه اذن "
كالت " ولج رقيه قصدي ان الخوف مالكنه ملك يعني مجرد ماتحجين على صدام حسين ينزلولج
من السطح هم واسلحتهم من كثر الشك بانفسنا كمنا نكول الحيطان الهه اذن يعني
منو يوصللهم الحجي فماكو غير بس الحيطان "
قاطعتهه " خاله سكتي خوفتيني خاف يطلعونه من الياس مروتج "
ضحكت وكالت " لا وين هسه هذا الوكت اختلف عن ذاك الوكت هسه تكدرين تعبرين
عن نفسج وعن ارائج وحياتج وايضا اكو من يسمعج وحمدي ربج وشكري ست رقيه "
ضحكت كتله " كملي خاله كملي " كالت
أنت تقرأ
هيام
ChickLitدخلني للغرفه شمرني على الجربايه تفل عليه وجر حزامه وبكل قوته يضرب بيه وعيوني تتبع الحزام وين يتوجه واحط ايدي علمود ميوجعني، مو عادل هذا غير شخص مو انسان حيوان كل ضربه يضربه اليه اموت اشوف الموت واني عايشه اسمع عمتي وحماتي يضربون بزهره وعباس بحجة...
