هيام

الحلقه 8 ج2

كعد بمكانه المخصص كعدنا احنا هماتين كال بصوت عالي:

نظرا للسلطه التي منحتها لنا السلطات العليا وبموجب القانون المعنون لدينا

وبموجب قانون مفوضية حقوق الانسان قررنا بحق كل من شارك في جريمة الاعتداء

متعمدما على مقدمة الشكوى هيام سراج وبداية على المتهم

احمد كاظم بالسجن لمدة 3 اشهر والمتهم غسان احمد 3 اشهر والمتهمان امير باقر ،كرار باقر

بالسجن لمدة شهر ونصف رفعت الجلسه، وكف على حيله القاضي وكفنا احتراما اله

جدي وعمي ولد عمي كلهم يصيحون ويبجون ندم
" سيدي باطل هذا الحكم
" سيدي مالنا ذنب
" سيدي اسمعنا للمره الاخيره

مكان للقاضي اي رد فقط لم الملفات وطلع باسرع مايمكن من القاعه باوعت لماما كاعده بالكاع

بشكل رجل جو رجل وصايره كعدتهه مربعه وايده على وجهه تبجي

عاينت على رقيه تبجي حضنته بسرعه كدت ايدهه ركضت لماما

رقيه جرت ايدي رچت القاعه بهلهولة فرح ودموعه تنزل ويا ماما

دنكنا على امي بوسناهه وحضناهه نصيح باذناهه

" خلاص يروحي انتهى كلشي
"يمه مسحي دموعج بعد محد يحرمنه منج

صياح بيبي عمه يجر ويعر ويتوعدن ويتحسبن علينا بالحياة التعيسه طول العمر

كومنا ماما طلعنا بره لكينا زياد وعباس وعمو عدي
اجه عباس يركض

حضن ماما نزل باس ايدهه كالهه بصوت مبحوح
"الله يحفظج النا يرويحتي

عاين علينا ابتسم ابتسامه خفيفه، تقرب زياد باركلنا بجمله نصهه عربي ونصهه انكليزي

اني ورقيه وعباس مفتهمنا شي غير بس كلمة تنتهي بالسين اعتقد كال " ثنكس مدري فكس

مادري ليش حسيته من ذوله الي يتفنكحون وعود شوفوني احجي انكليزي

فززنا صوت بجي قيس مفزوع من الهوسه الي داير مدايرلنه

تقربت عليه رقيه كالت بصوت ناصي :

_ زهره ترجميلي فدوه هذا شنو يحجي

_ عوفينا من عده سكتي قيس يمعوده انشهرنا

تقرب من عدنا عمو عدي باركلنا وباس راس ماما كال بصوت ممزوج بتعب وفرح:

_ هاي الفرحه رايدلهه غده بمطعم الحياة شتكولون

جاوبته ماما بصوت ممزوج بفرح وسعاده ابديه:

_ اي والله بوكته الغده ابو زياد

_يلا لعد امشونه بسرعه خلونا ننسى كلشي

طلعنا نمشي متجهين للسياره لون السماء تغير العصافير كاعده تغني بصوتهه العذب

صوت الهلاهل المعنلةِِ من قاعات الطلاق، صوت صراخ فراق ام من ابنها بسبب لاتمتلك