#جنتـي ❤ | الـحـلـقـه الثــالـثه :
وطلع اللي كان مخفي أيده من اليمين اللى اليسار جرح قطعي عميق
اني شهقت من المنظر وشفتله : وقاعد ساكت عليه هذا
معتصم : وشن يعني نندب ولا نبكي ؟
أني : أهمالك هذا يعرض أيدك حتى للبتر راه
معتصم مش معدل ولا كانه جرح ولا ينزف ولا شي جبت المعدات ونحا بدلته اللي كان كمها ممزق من الجرح وواضح انه حد ضربه بموس ، وقعدت لابس كت وقعمز عـ الكرسي وخيطتله الجرح وقعدت نعقم فيه ومرتبكه من نظراته ليا واني نعقم فـ الجرح
اني حطيت القطنه اللي فيها المعقم : كملت ، متخليش الجرح مفتوح ومتعرضاش للهواء الملوث
معتصم يلبس ف سوريته : مشكورة
اني : ولو هذا الواجب
وطلع ورجعت اني للحوش قعدت نطقطق ونطقطق وبعدين تفكرت المفتاح ناسياته فـ الحوش خديت تليفوني وقعدت نضرب لماما
ماما : أيوه جنات ؟
أني : ماما وينكم ليا ساعه نطقطق ومردش عليا حد
ماما : أحني فـ حوش عمتك خديجه
اني : مازال معطلين ؟
ماما : كيف جينا توا ! تعالي
أني : باهي منزبطش مكان الحوش !!
ماما : استني ، أهو معاك ولد عمتك خديجه توا ينعتهولك
اني : شـ...شنو ؟
وتكلم معتصم بصوت شق قلبي من الخوف : أيوه جنات ؟
أني قعدت ساكته وكتكلمتش
معتصم : ألو؟
أني : نعم نسمع فيك !
ولعت السياره وانطلقت وهو قعد ينعتلي فـ الطريق لعند وصلت خشيت داخل لاقيت ماما مقعمزه وقعمزنا بحدا صابرين وقعدنا نهدرزوا نضت مع صابرين للمطبخ وقعدت نوتي معاها
صابرين : انتي اللي خيطتي الجرح لـ معتصم ؟
أني ضحكت : أيه عنده دم بارد وميدورش هلبا
خش معتصم للمطبخ وهو لابس كت وذراعه ملفوفه بـ فاشه ويتكلم بصوت عالي : يعني نوض نندب ؟
اني انخلعت وتكسرت الطاسه ف أيدي ، صابرين انخلعت وحطت ايدها ع قلبها
صابرين : بسم الله !
ومعتصم قرب مني ومسك أيدي بسرعه وفتحها يشوف فيه جرح او لا
معتصم : انتي كويسه ؟
أني : ايه
ونحيت ايدي بسرعه وطلعت من المطبخ واني متحشمه ومعتصم مبتسم
صابرين ضرباته عـ كتفه : خزي عليك رعشتها البنت !
معتصم : وحشوميه معاها ياحليلي ♥
صابرين : معتصم متأكد انك تحبها ؟
معتصم حط ايديه عـ الرخامه ونقز قعمز فوقها : ونموت فيها ♥
صابرين : شن رايك نقول لعمتي تخطبهالك
معتصم حك راسه : لالا مش توا فوتيها
صابرين : براحتك
معتصم : وين كبيدتي ؟
صابرين تحرك فـ القهوه : كبيدتك زعلانه
معتصم : من مزعلها ؟ نقتله اني ؟
صابرين : زعلانه من كبيدتك الثانيه ! تقدر تمشي تقتلها ؟
معتصم : الموضوع اصعب من من اللي جي قبل الدجاجه ولا الدحيه
صابرين ضحكت : مبردك
معتصم : هاتي المفتاح بنركب نشوفها
صابرين اعطاته المفتاح وركب فتح الباب عليها : خيرها حلوتي اليوم
ملك : نبي اعميمه جنات ومبتش تجي للمدرسه
معتصم نهضها : وتزعلي مني حتى اني ؟
ملك بدت تبكي : قوللها يـ عمو !
معتصم حضنها : خلاص أسس معادش تبكي باهي ؟
ملك : باه
أنت تقرأ
#جنتـي ❤ بقلـم "آلاء التيـر " (مكتملة)💚
Romanceتحكي عـ قصة حياه بنت طموحه ومليهااش فـ الحب بكل وكيف جاهـا الشخص المناسب وحباته فـ ظرف غير متوقع وبشكل غير متوقع " وطبعـاً الـروايه فيها نمط مـن التجديد ومش حـ تكون مشابهه لـ غيرها ،
