#جنتـي ❤ بقلـم "آلاء التيـر " (مكتملة)💚

الحلقة14

جنتـي ❤ | الحلقـة الـرآبعـةة عشـر :

     "✨بــعــد مــرور 3 شــهــور "
ف عرس صفاء " " يوم الزفه"

نستقبلوا في للمعازيم لين خشت ضرةة قلبي"رتاج" وبطنها قدامها،الله نساني واهي جايبتلا ولد او بنت بيبدوا نسخه حبيبي المصغره !
ماقدرتش نقعد اكثر شافتلي مروة وكانها تجس في النبض 

مروة:جوجو خيرك؟
أني بصوت يرجف:بنمشي نشرب اميه عطشانه هلباا
مروة شافتلي :اوكي

مشيت خشيت للحمام "يككرم القارئ" وبديت نبكي،نساني! ماتوقعتش انه يديرها ويلمسها وهي حاليا حامل منه وبتجيب العيل، واني ناسيه ومنسيه ، رفعت ايدي وشفت للدبله اللي ف ايدي قاعده وصاحبها مهناش،قلبي يضخ بدل الدم وجع،نححس في روححي منتهيه خلااص بنموووووت، ياربي فيقني من الحلم هدا ونلقا روححي ف عيلتي وقاعده اني ومعتصم وماحد يشاركنا ف بعضنا، ياربي اني نبيه ، نبيه محتاجاته،لكن مش قادرةة نقعد معاه وهو ع ذمته قاعده وححده ثانيه، نضت وسايست روححي ووقفت ع الاوندينو،رفعت راسي للمرايه شفت الايلاينر سايح والبودرةة ملخبطةة حال وجهي كلا!
سايست روحي ومسحت المكياج وخشيت للدار اللي فيها للعروس،وين ما كانت مقعمزه صفاء ف الدار والمزينةة تحطلها ف اللمسات الاخيرةة من المكياج،خشيت واني مكياجي ملخبط وقاعدةة نبكي وحالتي حاله 

صفاء للمزينه:شوي معليش

حولت المزينه من عليها وناضت صفاء وقفت قدامي

صفاء حضنتني:خيرك جوجو من مزعلك؟
أني:نساني يا صفااء، مرته حااامل
صفاء مسكتني:انسيه  يتمنالك هو وسيد سيده

اني مسكت فيها اكثر، ع قد ما يقولوا انه حااارةة ووتوجع لكن متبداش حاس بيها الا لما تجربها،خلاااص شعفت ماعادش نحب ولا نبي ننحب  

صفاء قعمزتني ف كرسي بحداها:اليووم عرسي ماتبكيش
اني مسحت دموعي: حتى انتي صفصف بتمشي وتخليني
صفاء:عقبالك ياقلبي نشوفوك عروووسه حلووة
اني مسححت دموعي:لا وراسك مانبيش لا عروووسه لا عرووسات
صفاء ضحكت:هيا ساوي مكياجك قبل ماتجي ماما

اني قعمزت وعاودتلي الكوافيرة المكياج من جديد وطلعت،نشوف ل رتاج كيف مقعمزه بحدا ام معتصم وتضحكلها ويهدرزوا مع بعض ، وهي اللي كانت المفروض ضحكتي اني، اني اللي نكون حامل من حبيب قلبي بنت او ولد يشبهلا، نتباهي بيه وهو يبدا بوه

تمت الحفلةة وجي دوري نودع صفاء، مسكت فيها وبكيييييت بالقووووووة بحححرقةةة ، يمكن كنت نبكي ع روححي اكثر منها، وقعدت الححفله كلها واني وين ما تكون رتاج نكون، طلعت من الغرفه لقيتها كيف تفتح ف الباب بتطلع وقفت وراها نبي نشوف معتصم كيف حالا،لمحته غزالي واقف وهو لابس تي شيرت ابيض وبنطلون جينز اسود وضاعف

واول ما طلعت رتاج ساعدها باش تركب ف السيارةة، احيييييييييييه ع شعووري وقتها، تمنيت نمووت ولا نحس بالشعور هدا، قلبي بدي يضخ ف الدم نححس يمشي ف عروقي وجع،اصلا دقةة قلبي بروححها بدت وجع،حسيت روحي مهزبه هو عايش حياته واني قاعدةة عايشه ع ذكراه،مسحت دموعي وخشيت لبست عبايتي وطلعت لححوش ورجع السيناريو اليومي متاع البكااا