#جنتـي ❤ بقلـم "آلاء التيـر " (مكتملة)💚

الحلقة10

جنتـي ❤ | الحلقـة الـعاشـرةة :

  وركبوا في السيارةة

منصف مغمض عيوونه بتعب : معتصم حطني ف الحوش
معتصم: خيرك مش بنكسدوا مع بعض؟
منصف: نحس ف روحي متهتك بكل ، روحح بيا
معتصم: اوك

  وقعد يسوق لحد ماوصل لحوش منصف

منصف: انزل
معتصم: لالا بنرووح، توصي حاجه؟
منصف: سلامتك ياطيري
معتصم: طيرررر شكلك محصل بردةة
منصف رشف خشمه: شكله
معتصم: سلاام
منصف: تشااو 

ورجع معتصم لحوشهم لقي عماته وعمامه وخواله وخالاته وجدوده كلهم ملتمين عندهم وبدوا كل واحد ينوض يسلم عليه ويستحمدوا فيه ع سلامته
ورتاج تشوفله من بعيد وتبتسم وقلبها ينححرق ومش قاادرة تسلم عليه لأسباب مش معروفةة   وبدت تمشي بأتجاهه بخطوات متزعزعه ، وقفت قدامه وهي تحس في روحها تبي ترمي روحها ف حضنه وتبكي، مدت ايدها وبصوت يرجف

  رتاج: الحمدلله ع السلامةة
معتصم سلم عليها وهو مستغرب من رجفه صوتها: الله ايسلمك
صابرين تنادي فيها من المطبخ: رتااج تعالي خودي السفرةة هادي

نزلت راسها ومشت للمطبخ وعيونها بدوا يدمعوا، خشت للمطبخ واتكت ع الثلاجةة 

صابرين: هيا يافالحةة انهضي السفره هادي
ولفت عليها شافتها وعيونها يدمعوا: خيرك توجي ؟
رتاج: مش قادرةة نشوفه وهو متملكاته وححدةة غيري ، بترقد ف حضنه وبيلعبلها بشعرها ، بيحكيلها اللي يضايقه وبيطلعوا مع بعض وهم شابكين ايديهم ف بعض وبيقهروا ، بيقهروا كل شخص قاللهم انهم مش ح ياخدوا بعض، بيقهروني اني اللي كنت نحب معتصم وحبه عاميلي عيووني ع كل جنس ادم ، رغم انه ما قالليش ولا كلمه ولا ارتبط بيا ولا قاللي حتى انحبك مرةة بعاطفته لكني انحباااا،،، انحباااا ، منقدرش نشوفه مع غيري والله ، ليله البيان نمووت الف مرةة مع كل يبتسملها ولا يبوسها ع خدها ولا يحضنها، ايلمها بين ايديه تمنيت اني مكانها ، اني واولى بيه منهاااا ، علاش هكي يااااربي انحرق قلبي عليه

صابرين مصدومه من كلام رتاج، صح كانت تعرف انها تحبا لكن، متعرفش انها تحبه لهدرجه، لدرجه انها تتمنى المووت من حرقه قلبها عليه، دمعوا عيونها ع خاطر بنت عمها وقلبها المحروق وحطت ايدها ع كتفها

   صابرين: ربي ح يعوضك حد احسن منه، يحبك ويستاهلك ومكتوبلك  ليك انتي وبس ، معتصم ميستاهلكش انتي تستاهلي خير منه ، معتصم توا نصيب جنات ، جنات هيا اللي مكتوبتلا ، مش انتي توجي ديري بالك تحطيه ف راسط وهو نصيب غيرك راه حرام ، خلاص انسيه هلباا اللي زيك تعدبوا وحبوا وقفدوا غاليهم لكن ف الاخير ربي عوضهم بحد يداوي ف جروح قديمةة ليهم ، خلي املك بربي كبيرررر
رتاج ابتسمت بوجع: الكلاااام ساااهل ياصابرين ، شن ح نكون ردةة فعلك لو لا قدر الله مؤيد حبيبك وراجلك وبو بنتك يطلع نصيب غيرك ، يحب وححدة ثانيه وانتي تحييه واتموتي فيه ، كيف ح تحسي ، ح تحسي بكسرةة خاطر ولا؟  تحسي انك تموتي الف مووته وتتمني انك تمووتي بجديات والله كسرةة قلبي ماحاس بيها واحد غيري ، والله ما حد قادر يعبر ع اللي نحس بيه ويحس بيا الا ربي اللي كتبلي نتعدب هكي

  صابرين حضنتها وقعدوا يبكوا مع بعض ، خش عليهم مؤيد وشاف صابرين تبكي هيا ورتاج فكهم من بعض وقعد يشوفلهم ومصدووم من بكاهم  

مؤيد: صابرين، رتاج؟ خيركم شن فيه؟
صابرين: مؤيد عادي تروح ب رتااج لحوشهم لانها تعبانه
مؤيد: حاضر لكن انتي وياها علاش تبكوا؟
صابرين: لا بس تفكرنا حاجات قديمةة
مؤيد: مش علياا انتي وياها راه، هيا رتاج اطلعي قدامي

خدت رتاج شنطتها، وطلعت للصاله اللي مقابةة المطبخ وشافوها، بحكم انها بيضة هلبا ووجهها وعيونها قعد تحتهم احمر من البكي وقعدوا يسالوا فيها ع بكاهها 

اب رتاج وهو حاضن بنته: توجي خيرك بنتي من مزعلك بس
رتاج وهي متمسكةة ف بوها: لالا شي بابا بس خايفةة من امتحان غدوا واني ماقريت شي
اب رتاج: مؤيد، روح بيها واني شوي وجاي
مؤيد: حاضر ياعمي ، هيا رتاج

وطلعت رتاج وطلع مؤيد معاها ، شافوا ل معتصم اللي واقف و ويضحك ع التليفون عرفوه يكلم فيا ، اعطاته رتاج نظرةة خيبه امل لدرجه ان معتصم حس بالذنب ، كانه هو مدايرلها حاجه ولا غلط ف حقها مع انه مش غالط فيها مطلقا

  ركبت ف السيارة من تابي وركب معاها مؤيد 

مؤيد: خيرك رتاج متعاركه انتي وبنات عمك
رتاج حاطه ايدها ع خدها وتتفرج ع الطريق: لالا ماتحطش في بالك قلنالك تفكرنا حاجات قديمةة بس
مؤيد وهو لاهي ف السواقه: لو متبيش تحكي براحتك! بس ماتكدبيش عليا وتقولي كل مرةة عذر لاني زابطك 

ارتبكت رتاج من كلام مؤيد وسكتت ، وقعدوا الطريق كلها والصمت سيد الموقف ، وصل للحوش ونزلت رتاج وخشت للحوش

  مؤيد: تبي نقعد معاك لين يجي بوك؟ رتاج: لالا عادي مانخافش بروحي توا بنرقد ونوض نقراا شوي
مؤيد: براحتك ، توصي حاجه؟
رتاج:سلامتك بس 

وطلع مؤيد وصكر الباب ، وخشت رتاج داخل بتقرا طلعت حوايجها وخشت دارت دووش سريع ، طلعت لبست بيجاما شتويه لونها اسود وخلت شعرها الطويل الفاتن نازل ع ظهرها  ❤سمعت صووت حد قربع ع الباب ، بدي الخوف يتسلل ف قلبها ، نزلت للدور الارضي وف ايدها متاع الصلاةة، ومتسمعش الا صوت حد يتحرك وراها ، لفت لقت  سراج وراها

  رتاج بخوف: شدير انت هني ؟
سراج يشوفلها ب نظرات غريبه: ومزال تسالي فيا شندير اهني؟ جاي بناخد اللي خاطري فيه من  سنتين
وبدي يقدملها ":  وانتي ياححلوةة ما بيتيش تعطيهولي بالساهل

رتاج بدت توخر وبتبكي خلااص، عارفه لو سراح حط حاجه فراسه يكملها لين ياخدها

رتاج: متحاولش انك تاخد مني شرفي، لان بعدين حيصير شي مش ح يعجبك!
سراج ضحك بهزوة : لا والله ، ماعرفتكش
سراج نزل جنب ودنها: مش برضاك هيا، كم مرةة رفضتيتي لنا كنت نبيك حلالي لكنك رفضتي يا توجي

رتاج خشت للدار بسرعةة وصكرتها عليها وسراج يطقطق ع الباب بالقويةة ، وهي ايديها يرعشوا وتدور ف الرقم ومش عارفه كيف تتصرف

لعند ماكسرةة سراج ببنيته الحسنيه اللي مانت كلها عضلات رغم انه يشرب وفاشلات بعند ماقرب عليها ولمسها !!! وصار اللي صار 

...يتبــع

#Aloo Ettir