#جنتـي ❤ بقلـم "آلاء التيـر " (مكتملة)💚

الحلقة15

جنتـي❤| الحـلـقـةة الـخـآمسـةة عـشـر:

  معتصم بأسف:وهدا اللي صار،مالياااش شي ف الموضوع واني رتاااج اصلا بحد ذاتها مش طايقها
اني شفتلا وعيوني معبيات دموع:مممـ · · معتصـم
معتصم وقف وجبدني لحضنه واني مسكت فيه ودفنت راسي ف حضنا حاوطني بأيديه وحاصرني عطرا،بكيت ودموعي نزلوا ع كتفا وهو ماسك فيا بالقوةة وكاني بنريح بين ليديه

معتصم مسك وجهي بأيدا وقعد يمسحلي في دموعي

  معتصم:اني قلتلك من قبل ح نكون راجل معاك ومش ح نرخي بيك،قلتلك مش ح تنزفي لغيري والحمدلله،قعدت كلمتي
اني شفتلا:لعلمك اني محيتك من راسي،معادش فيه شي نعرفا اسمها معتصم، ولا قلبي يرجف لما نسمع صوته،ولا يتلخبط حالي لما نشوفا
معتصم ضحك بهزوة:مش عليااا اني جنات راه
اني شفتلا:واثق من روححك هلبا!
معتصم:متأكد من روححي اني،اناكدلك انك قاعدةة تبيني،انتي من غيري ولا شي، انتي من غيري تموتي راه
اني شفتلا:هاني قدامك من غيرك ومتت؟
معتصم رفع ايديا وايدي اللي فيها الدبلةة:وهدا شنوو؟لو كنتي نسيتيني كنتي سلبتيها ، لوحتيها، حرقتيها، راك مش مخليتيها ف ايدك، صح كلامي ولا مش صح
اني صوتي بدي يرجف ونشوف للارض:لا مش صح
معتصم عقد حواجبه ورفعلي راسي بأيدا:لا صح، شوفي لعيوني وقوليلي،نسيتك ، قولي كرهتك اني شفت لعيونه
واني خايفةة:اني نك....نكر...نكككك
معتصم يشوفلي:كملي خيرك مرتبكه؟
اني بديت نبكي اقوى، ماقدرتش نمسك ضعفي ولا نكدب اعليه ونقولله نكرهك،مش بأيدي والله مو بأيدي!
معتصم تنهد:اكرهيني لو تبي بس ما تخلينيش بعيد اعليك،حتى لو تكرهيني ح نوهم روححي فيك ومستحيل ح نخليك لغيري،ضحيت بكرامتي ع خاطر حبي ليك،لو تتوقعي حد ثاني كان استحملك لين تعودتي اعليه وكلمتيه، وتحمل فصلاتك واعنادك وحركاتك اللي ماليهآش لازمه،في حد؟

اني رفعت اعيوني اللي مليانات أدموع وشفتلا وقلبي ينزف، كان كلامه صحح تريليون ف الميه،هو الوحبد اللي تحملني بعنادي بمزاجيتي وبعياطي وصوتي العالي،يبكاي وضحكي،ومخلانيش يوم نرقد زعلااانةة حتى لو مش منه

معتصم رفع فونه وشاف الساعةة:وقت!لازم نروح توا،وتي روححك لعرسنا لاني مستحيل ح نأجلا

أني شفتلا بكسرةة خاطر،كان خاطري يلمني بين ايديه رغم اني كبدي اعليه دم،كان خاطري نبكي ف حضنا ونعاتبا ع اللي دارهولي،ع اللي صار بيناتنا،ونشكيلا،قدااش ماباتت دمعتي ع خدي وماحد مسحهالي بعد ما مشي 

معتصم صب من الاميةة وشربها وحط الطاسةة:ديري بالك ع روححك ياجنتي❤

وباسني من راسي بالقويةة وفتح الباب وطلع   واني قاعدةة مصدومةة من حركتا ونفكر في كلاما،واقعي مقتبس من الوقع المرير اللي عشتا، مسحت ادموعي وشفت من الروشن لقبت معتصم كيف يفتح ف الباب لعمتي خديجةة،وملك راكبةة ع اكتافه وماسكه ف وجهه،وهو مبتسم،ابتسمت تلقائيا لما شفته مبتسم، معقوووولةة قلبي ايحن عليه بعد اللي صار؟

طلعت فوني وقعدت نشوف لوجهي لو اعليه اثار البكي، غير خشمي وخدودي الموردات وماعندي كيف بنخفيهم

حطيت ايدي ع الباب وكيف جيت بنفتحا،رشفت خشمي وساويت وشاحي وطلعت ، لقيت صفااء ومروة كيف خاشات مع بعض

  صفااء:جيجي ✨❤❤...
مشيت وجريت اعليهم وحضنتهم:استاحشتك،حتى التليفون ماتشدوهش
صفاء ضحكت:بالنسبةة ليا هااايمةة مع السموحي
مروة ضحكت:الله الله
اني:ربي يعقد عسلكم ياقلبي
صفاء:امين يارب،خليني نبدل حوايجي ونركبوا نحكوا مع بعض
اني شفت لفوني :الساعةة توا 9:30
مروة:طيبتوا عشي ولا نبدا فيه اني؟
اني شفتلها:عندي همبرجر وتيت اللحمةة وسيف مشي يجيبلي في الخبزة
مروة:اوووووه، امالا حلي نغير حوايجي ونقلي البطاطا
اني:فرختك وين؟
مروة:بوها طلعها،قاللي وقت ترقد توا انجيبهالك
اني ضحكتلها:بدي ايحبها اكثر منك
مروة سلبت عبايتها وضحكت:اي حالةة، حتى نقولله مهيب تقوللي معادش تقزلي مهيب قولي بابا اني ضحكت:الله محلاها كلمةة بابا،يحسسك انك بنته
مروة ضحكت:طبعا مش حيجي ف مكان بابا ابدا
اني:مستحيله هادي، اني بنركب اندوش نحس في روححي اسخونه
مروة:تمام 

وكيف نركب ف الدروج تلاقينب صفاء نازلةة وهي لابسهه بيجاما نص كم لونها وردي وفيها دبدوب بلابيض ف النص والسروال متاعها،كامل وفيه غيمات بلابيض 

صفاء مسكتني من ايدي:شن اخر التطورات،امتي عرسك؟
اني شفتلها:قالوا ف اقرب فرصةة وكل شي واتي حتى الحلويات داروهم طلبيات بكري بكري صفاء:اللطف ياربي،مسرع
اني:ماكنتش نبي نوافقك من الاول
صفاء شافتلي بكسرةة عين وضحكت:من الاول هااا، شنو جوجو القلب ع الغوالي حن
اني ضحكت بهزوة:حن؟؟؟لمن ولا لمن الحن هدا؟
صفاء باستغراب:لمعتصم !ولا فيه غيرا؟
اني اعطيتها بظهري وركبت في الدروج:لا قلبي مات وتصكر بابه ومعادش يستقبل في حد لا معتصم ولا بطيخ!

   وركبت للدار وحطيت فوني ف الشحن ودوشت،لبست بيجاما لونها دم غزال، ومسكت شعري كعكةة ونزلت معاهم للمطبخ لقيتهم يحوسوا مروة تقلي في البطاطا وصفاء تتبل في الدجاج

صفاء:خسارةة مادوشتي توا بتعلق فيك ريحةة الفحم والشوا
اني:ايحح عاد،ندوش مرةة ثانيه شن فيها
خش سيف وفي ايدا كيسات:السلام عليكم،اووووو صفصف وميرووو عندنا؟

ومشوا سلموا عليه

سيف:شدي مني جوجو
اني خديتها منه وبسته ع خدهه:سلمك جياب
سيف ضحك:بتقيموها بينا لليوم عاااد
مروة تصفي ف البطاطا من الزيت:اي وهي مقيومه بناسها
سيف:جيبوا نقعمزلكم ع الشوايه
صفاء تتنحنح:لا كان قعمزت عليها تاكلها بالك؟
سيف:بلاااا برادةةة ترا، جيبي جااي

وخدا الشوايه وطلع البياض للجنان،وقعمز يولع فيها   وشوينا وضحكنا ولعبنااا وسهرنا الليل مع بعضنا، والساعةة 2 ف الليل مروة ترن ع مهبل ويطلع مقفل، ةقعدت تبكي وحالتها حالةة 

سيف:باهي يابنت ياسرك بكااا ان شاء الله ماصاير الا كل خير
مروة تبكي بحرقةة:بنتي نبيها وييين،مهيب علااش مايردش؟
سيف:وين قاللك بيمشي هوا؟
مروة:قاللي بيطلع هو وهديل واني قلتلا يحطني اهني ، معادش رد عليااا بعدين بدي مقفل سيف سمع الباب يطقطق:استني دقيقةة،نشوف الباب ونجي
بابا يطبطب ع كتفها:اهدي يابنتي انشاءالله مايصير الا كل خير

...يتبع

#Aloo Ettir