#جنتـي ❤ | الحلقـة الثامنه عشر والاخيرةة :
حسيت بيه انخض بين ايديا ، حطيت ايجي ع ظهرا لقيته دم لين طاح ع الارض اني وعيطت بقوة صوتي : معتصمممممممممممم
وقعدت نضرب فيه ع وجهه ونبكي بهستيريا : معتصم حبيبي فيق متخلينيش ابروحي ، فيق الله يربحك محتاجاتك اني ، نبيك بحداي ومعاي ، لمن بتخليني اني وبنتك لمن
معتصم فتح اعيونه وكان يسمع فيا شوي بس متدروخ يتكلم ويصكر في اعيونه
رفع ايده اليمين بصعوبه ومسحلي ادموعي : كم مرة قلتلك اني معادش تبكي ، عيونك البحر اللي غرقني ديما في حبا معادش نبي نشوف فيه دموع، عيشي حياتك حبيبي
اني قعدت نشوف للاسعاف اللي كانوا جايبين البريلا وجايين اتجاهنا
اني :بسرررررعةةة ، معتصم حبيبي امسك روحك ياعمري
معتصم يلتقط في انفاسه بصعوبه:كان معنديش عمر، ماعندي علاش انعيش
اني : لا معتصم انت بتقعد معايا ، و ح نربوا بنتنا مع بعض ، امسك روحك شوي حبيبي بس وقعدت انبوس في ايدا بالقوية وحاضنه راسا ، لين وصلوا الاسعاف وفكوه مني ، وقعدت ماشيه وراهم لين جوا بيخشوا لغرفة العمليات وجيت بنخش معاهم
الممرضة وقفتلي : يا يامدام راهو ما تقدريش تخشي
اني : حولي نبي نخش ، نبي انشوفا
الممرضه : يامدام يا حبيبتي ، افهمي راهو منقدروش اندخلوك لو كان في ايدي كنت دخلت لكن الله غالب ، انت قعمزي هني وادعيله وان شاء الله يمشي الحال كويس
وخشت للغرفة واني قعمزت نبكي بحرقة ع معتصم ، ونحاول نشوف من اهني ولا اهني ، يمكن نقدر نخشلا او نطمن اعليه ودامت العملية ساعتين ، واني ف الساعتين قاعدة نبكي ، جت عمتي خديجة وهيا حالتها اشر مني ، وقعدنا نستنوا فيهم يطلعوا ويطمنونا وقفت اني وقدام المرش والستار مبين الشويه من الغرفه وقعدت نشوف فيهم شن يديروا و فجاه وقف جهاز النبض ، واني قعدت نضرب ب ايدي ع المرش
اني : للااااااااااااااااا معتصم للاالاااااا ياااااااررررربي
طلعولي زوز ممرضات وخدوني للغرفة واني ندف فيهم نبي نخش لمعتصم فكيتهم وخشيت لغرفة العمليات وكانت كتفه اليسار وقريب من جيهه القلب ، مسكته بدمه و حضنته
اني: عصومي حييبي فيق ، فيق ياعمري قاعدة نبيك بحداي فييييق
ومعتصم كان لا رد ، بعدوني الممرضات شويه وقعدت نتحرك نبي مقرب وهما يديرولا في الصاعق لعند ما رجع النبض
اني حطيت ايدي ع قلبي : الحمدلله ياربي ، الحمدلل
ه الدكتور : خلاص يامدام اطلعي لو سمحتي
اني : ممكن نقدر نقعد اهني
الدكتور : لا للاسف ماتقدريش ، بس كل شوي ح نكلم الممرضة وتقوللك شن صار معانا
اني : تمام ، مشكور دكتور
الدكتور : ولو هدا الواجب
وطلعت قعمزت بحدا عمتي خديجه ، وقعدت نبكي وهي تبكي معاي وعمي حاط راسه ع الحيط وهو مقعمز
عمي الدموع تجمعوا في اعيونا : يارب نوضهولي سالم ، يارب انت ارحم الراحمين ارحم ولدي نبيه يسامحني راني ظلمتا هلبا ، ياربي سامحني
عمتي تبكي وتندب واني عاصره ع ايد الكرسي ونحس في وجعة في بطني اني حطيت ايدي ع بطني ومتحشمه نقول توجع فيا قدام عمي وعمتي ، عمتي حست عليا ومسكت ايدي
أنت تقرأ
#جنتـي ❤ بقلـم "آلاء التيـر " (مكتملة)💚
Romanceتحكي عـ قصة حياه بنت طموحه ومليهااش فـ الحب بكل وكيف جاهـا الشخص المناسب وحباته فـ ظرف غير متوقع وبشكل غير متوقع " وطبعـاً الـروايه فيها نمط مـن التجديد ومش حـ تكون مشابهه لـ غيرها ،
