#جنتـي ❤ بقلـم "آلاء التيـر " (مكتملة)💚

الحلقة11

#جنتـي ❤ | الحلقـةة آلحـآديـه عشـر : 

  لعند ما قرب عليها ولمسها، وصار اللي صار

  رتاج تبكي بأعلى صووت، وسراج يصكرلها ف فمها

رتاج: ابعد عليا يلي ما تخافش ربي، خزي ولا ماك راجل
سراج ضحك بهزوة وهو يصكر ف سوريته : لو ماكنتش راجل ، راني ماغصبتكش ع شي ما تبيهاش
رتاج تبكي: حسبي الله ونعم الوكيل فيك ، حسبي الله ونعم الوكيل ف كل ذكر زيك خدي من بنت اغلى شي عندها ، حنقعد نتحسب فيك ليوم مانموت وربي ياخد امانته ، ربي يوريني فيك يوم اسود اكثر من اليوم هدا

سراج نزل عليها وهي كانت طايحةة ع السرير ومش قادرةة تنهض روحها

سراج يمشي ع شعرها ويشوفلها بنظراات خبيثة: كلمتك بالشوي وانتي مافهمتيش، اضطريت ناخده بالغصب ياحلوتي، خليك هكي لخبطلك شرفك ودوري من يتزوج لاني بعد يومين مساافر وباسها ع خدها بالقويةة: باي

عيطت رتاج بقوة صوتها، وسراج شافلها باستفزاز: عيطي مش حيسمعك حد

وطلع وصكر الباب ورتاج حالتها متنعطاش ليهودي ، تبكي وتعيط وتلعن ف حظها الاسود وتفكر ف مصيرها لو انتهت القصه بفرخ حرام! خداكا الوقت ح تنتهي حياتها معاه 

ناضت بالشوي خدت حوايجها بتخش تدوش، وهي اصلا قاعده ما جفتش من  الاول دوشت مرةة ثانية دموعها  

وطلعت من الدوش بعد ما غسلت عارها! وهي خايفة لو عرف بوها شن حيصير وشن ح تكون ردةة فعله ، لاننا احني ف مجتمع البنت هيا اللي تعيب والولد مايعيبه شي ، غيرت الورغان متاع سريرها ولو كان بأيدها غيرت السرير بحد ذاته لانها بدت تكرهه اتكت ع الارض وهي تبكي بحرقةة لين رقدت  

~~~~~~~~~~~~~~~~~~~ 

بعد مرور 3 شهور

  معتصم واقف ع المرايه ويبخ في برفانه: مش قادر نصدق انه بنجوا نحددوا موعد العرس توا ! اني: ولا اني مصدقةة، حبيبي بادي فيا الخووف من توا
معتصم: معليش ياعمري مش حناكلك اني !
اني ضحكت: حاولت نستوعب الفكرةة لكن مقدرتش
معتصم ضحك: امالا خليك بنفس الفكرة لعند ما تجيني وناكلك
اني درت الكتم لان ماما تنادي فيا : هيا ماما جايه
وفتحت الكتم : حبيبي توا بنصكر ماما ، تنادي فيا
معتصم: ديري بالك ع روحك يا جنتي، قاعد نبيك
اني : حتى انت ياروحي باي
معتصم: انحبك ، تشاو

وصكرت الخط ونزلت فتحت الباب لقيت مروة ومهيب و هديل بنتهم

اني : هدولتي

ونهضتها وقعدت نبوس فيها ، وسلمت ع مروة ومهيب وخشيت داخل واني ناهضتها خداها سيف مني وقعد يلعب فيها
واني ركبت للدار ندير ف تشك اخير ع روحي ، طقطق الباب وكان بابا ووجه ميتفسرش

  بابا: اسماء تعالي معاي شوي

وناضت ماما وخداها مش عارف وين ، قلبي قعد يدق بسرعةة رهيبه بكل ، قعدت خايفه بكل وصفاء كانت تبي تعرف شن يصير بس مش قادرةة تحط ودنها ع الباب وتسمع شن صار