#جنتـي ❤ | الحلقـة الـسآبعـةة عشـر
"الحلقةة ما قبل الاخيرةة"
" ليلةة الفاتحة"
مقعمزه ف المزين ومعاي صفاء اختي،جت وهي جايبتلي القفطان
صفاء:تلبسي توا ولا شنو؟
اني حولت شعري ورا ودني:مزال بكري صح؟
صفاء:لالا الساعةة 8 راه خلاص
اني:حطيهولي ع الكرسي توا نلبسا
حطتهولي وخشيت للغرفه لبستا، كان لونه سماوي هادي فيه وردات بسيطات بلوردي، وشعري درتا تسريحةة بسيطةة ومكياجي ابسط منا
صفاء تحوللي ف شعري للخلف:ماشاء الله اعليك
اني ابتسمتلها ورن تليفوني، نهضتا لقيتا مسج من معتصم "تزوووووجناااا❤❤❤❤❤❤مبروووك ياحلاااالي
صفاء جضنتني:مبرووووك جوجو
اني مسكت فيها:الله ايبارك فيك
صفاء تمسحلي في دموعي:خلاص اهو بديتي ملكةة انتي وبس
اني مسحت ادموعي وحضنتها من جديد: خايفةة،كيف بنعيش معاه بروحي،وخايفة اكثر لما سمعت انا رتاج قاعدةة ع ذمتاا
صفاء:هيا مؤقته اما انتي اللي دايمتلا،حبيبتي ماتحطيش ف بالك ماتخليش روحك سلبيه
اني مسحت دموعي وضحكت،سمعنا صوت تبيب ، وصفاء اشرت بايدها ع الباب
صفاء:بنطلع نشوف مراات سيف
وخدت وشاحها ورماته ع راسها ومشت طلعت راسها شوي ودخلاته
صفاء لبست عبايتها وجابت الكاب لبستهولي:هيا سيف يستنا برا ا
ني لبستا وقعدت تسايس فيا لين وصلت قدام الباب،ومسكت في سيف ركبني في السيارةة وفاتح اغاني ويغني وجوه امليح،واني مفكر اليوم نزلت ضرةة ع رتاج بعد ماهي نزلت ضرةة ع قلبي،زعما كيف بتكون حياتي معاها؟وهل لما يطلقها معتصم ح ننسجموا مع بعض ام بتكون علاقتنا متوترةة
وماوعيتش الا ع صوت سيف :ياجنااااات
اني انتبهتلا:نعم؟؟؟
سيف:هيا ليااا ساعةةة نحرط انزلي
اني ضحكت:باه
ومسطت في ايدا وخشبنا للقاعةة احني الثلاثةة،وجت ماما تبخر فيا وهي تبكي وهديل تشوف في جدتها تبكي بدت تبكي معاها ومسكت في قفطان ماما من تحت
سيف نهض هديل:علااش تبكي توا ياخالو؟ اه علاش؟
هديل مسكت فيه وقعدت تبكي وسيف ماسك فيها ويضحك ويمسح ع ظهرها
ماما:هيا دخلها وشوي وبيجي معتصم
سيف يساوي ل القرافا متاعه ع المرايا:هيا اني واتي
صفاء تعدللي في البودره لان خربت شوي من البكي:هيا دقيقه،
وصكرت البودرةة:كملت
ومسكت في ايد سيف وخشينا ع اسماء الله الحسنى،ورافعةة راسي ومبتسمه والناس يتكلموا ومن بين كلامهم "قهر كل من قالله يجري بيها" قعدت نتفكر في مدةة علاقتنا اني و معتصم ولا مرةة غلط في حقي، ولا مرةة شك فيا، ولا مرةة خانني ، بجدياات راجل
قعمزت ع الكوشه وشوي وخش معتصم،وكان جدااب جداً، لابس بدلة كحلة وسوريةة بيضاء مفتوحه البطمةة الفوقيه وماسك في ايدا بوكيه ورد رغم انه مش ليلةة الزفة بس خش وهو ماسك باقةة،وكانت كلها بالورد اللي انحباااا" الجوري الاحمر"
وقعد يشوفلي ومبتسم لين وقف قدامي وباس راسي:مبروووك اعلينا ياجنتي
اني ابتسمت:الله ايبارك فيكك
ومسك وجهي وتجرأ وباسني واللي ف القاعةة بدوا يعيطوا معتصك ابتسم ع جنب وقعمز بحداي
معتصم مسك ايدي:شنو جووه حبيبي اليوم؟
اني:الحمدلله اكويس!وانت؟
معتصم:فووق الرواق، انحبك يا بنت قلبي
أنت تقرأ
#جنتـي ❤ بقلـم "آلاء التيـر " (مكتملة)💚
Romanceتحكي عـ قصة حياه بنت طموحه ومليهااش فـ الحب بكل وكيف جاهـا الشخص المناسب وحباته فـ ظرف غير متوقع وبشكل غير متوقع " وطبعـاً الـروايه فيها نمط مـن التجديد ومش حـ تكون مشابهه لـ غيرها ،
