#جنتـي ❤ بقلـم "آلاء التيـر " (مكتملة)💚

الحلقة12

#جنتـي❤ | الحلقـةة الثـآنيـة عشـر :

   وصكرت صابرين الخط واني انفلقت عيااط من جديد ، حضنتني لعند ما غفيت وحطتني ف السرير ورقدت ولاول مرةة قلبي مكسوور من حد من جنس ادم !

" عند معتصـم ✨" 

مقعمز ف السيارة متاعته ويبكي بقووة صوته ، اول مرة معتصم يبكي من لما كاان صغير ، ومنصف بحدااه يهدي فيه 

منصف: استهدي بالرحمان ياراجل ، ماتجيرش في روحك هكي
معتصم بدي يعيط: كيف ماانديرش ف روححي هكي ، بنلاقيها منها ولا من اماليا، منها هيا ولا من خووي اللي من لحمي ودمي طلع ككككككلب
منصف: زواجك مؤقت ياولدي مؤقت، بعدها تزوج جنات معاجش تحط في راسك غير هكي معتصم عروق رقبته يبانو من العصبيه والعياط :ربي ينتقم منهم كلهم وبجي يخبط ع الدركسيون ويضرب ف كلاكس: كككككككلهم

منصف حط ايده ع كتف صاحبه ، ماحسش نفس الاحساس لكن كان احساس صعب بالنسبه لمنصف انه يشوف صديق عمره اللي ماعمره حركتله بنت احساس يبكي بسبب، آلحـب وصوت شهقات معتصم يخشوا امواس ع قلب منصف

  منصف : ياراجل ياسرك ، من بكري وانت ع هل حاله

معتصم كان يبكي بقلب ورب ، يبكي بكا راجل هزمه القدر ،راجل عذبه الحب وباوعه

منصف طبس باش يشوفه: نسوف اني مكانك
معتصم: ما نبيش نروحح تعال سوق خودني في اي خلووووة برووححي مانبيش نروح
منصف: خلاص انزل

ونزلوا وبدلوا المكانات وقعمز مكانه ، وقعد يسوق وهو يشوف في معتصك مرة مرة تطيرله ويضرب ف الباب بايده   حطه قداام حوشهم ووقف السيارةة ، معتصم شافله 

معتصم: خير عمك اني مش قلتلك منبيش نجي هني
منصف: بالشوي عاااد ماتفصلش ف وجهي ، دقيقه ونجي
معتصم: انزل بروحك اني مانيش نازل
منصف: نازل بروحي من غير ما تعطي رايك 

ونزل منصف وصكر الباب ، طقطق وفتحله بو معتصم 

منصف: خير ياعمي كيف حالك
بو معتصم: أنصوفه ، بخير ياولدي
منصف: غير جيت بنعطيك علم بناخد معتصم معاي ونسافروا لانه لازمه تغييرت جو
بو معتصم: صح هو ماهوش صغير باش نوافق يمشي ولا لا ، لكن توا عنده مرته شن بيقولوا الناس علينا ،، مسيب مرته وطالع من اول يوم زواج؟
منصف: ايحح ياعمي راهو معتصم اهم من كلام الناس راااهوو ولدك واللي صارلا اليوم ماهوش شوي ، خليه يمشي وبعد نحسه تحسن نرجعوا
بو معتصم: خلاص تمام
منصف: لو قاعده خالتي قوللها توتيله حوايج ع السريع
بو معتصم: لا والله خالتك طلعت
منصف: نخش اني لو مافيهاش مانع
يو معتصم: تفضل الحوش حوشك
منصف: يزيد فضلك 

وخش منصف لدار معتصم ولقي للاثاث كله طاير ومتكسر

  منصف انصدم:  طحت ياصاحبي طحت ويا عليك طيحه حرفه