#جنتـي ❤ بقلـم "آلاء التيـر " (مكتملة)💚

الحلقة1

#جنتـي ❤ ~ الحـلـقـه الأولـى :

فقت الصبح ع صوت منبهي ، قعمزت ونهضت شعري وقعدت نتكسل وطفيت المنبه ، خديت الديشمبر متاعي وخديت دوش سريع ولبست سروال جينز فاتح وبلوزه بيضاء ووشاح اسود ، خديت شنطتي ونزلت للدور الأرضي لقيتهم مقعمزين يفطروا

أني : صباح الخير
الكل : صباح النور

ووقفت واني نصب ف النسكافيه ف المق الحراري متاعي

ماما : كولي حاجه وانتي دابك داب القهوه شوفي وجهك كيف رايح
اني نصكر ف المق : وقت عليا
سيف وقف وخدي مفتاح سياره : نوضي نوصلك واني ماشي
اني : تمام

وطلع يسخن ف السياره وطلعت وراه ، حطني ف العيادة

سيف : لما تكملي كلميني نجي نروح بيك
اني : تمام

وخديت شنطتي ونزلت من السياره وخشيت للمستشفى ووقفت ف الريسبشن وقعدت نستقبل ف الحالات

_______________________________

عـنـد مــروة

نزلت من سيارتها متجهه للمدرسة، خدت كتاباتها وخشت للكلاس

مروة: صباح الخير
الطلاب :صباح النور
مروة : كيف حالكم اليوم ؟
الطلاب : الحمدلله
مروة : تفضلوا قعمزوا

وقعمزوا وكملت حصتها وكان عليها الاشراف اليوم ، طلعتهم للساحه وقعدت تشوفلهم وخدت تليفونها تمشي بيه وقت لعند ما دتها وحده من الطلاب وهي تجري

ساره : مس !
مروة صكرت تليفونها وقعدت تشوفلها وهي عاقده حواجبها : نعم ي ماما
ساره : ملك طاحت من اللعبه وراسها بدي دم !

مروة مشت تجري ووقفت قداكها لقتها طايحه والدم ينزل من راسها بغزاره نهضتها وحطتها ف السياره متجهه بيها للمستشفى

______________________________

عـنـدي انــي

كنت نشتغل لعند ما جت مروة تجري وف أيدها البنت وراسها ينزف وملبز حوايج مروة وايديها

مروة : جنات دخليها للدكتور بسرعه

جابوا بريلا وحطيتها واستلمها الدكتور مازن ، خيطلها الجرح وطلع وقعدت اني نعقملها فيه وهي تبكي

اني : خلاص يا شطوره معادش تبكي انتي قوويه
ملك : كلميلي عمو نبي عمو اني

اني شفت لـ مروة و استغربت علاش تبي عمها وبوها لا رغم ان مروة قالتلي انه عايش

مروة : حافظتيه رقم عمو انتي ؟
ملك هزت راسها ب اها : ايه نعرفه
مروة : جنات وين تليفونك تليفوني نسيته ف المدرسه
اني : تلقيه ف شنطتي

وطلعت مروة جابت فوني وجت اعطاته لـ ملك واتصلت ب عمها وشوي وجي خاش
رجل ف بدايه الثلاثينات لابس عسكري وواضح عليه العصبيه وقوة الشخصيه خش الداخل واول ما شافاته ملك مشت تجري حضناته ونهضها وهو يمسح ع شعرها