جنتـي❤ | الحـلـقـةة آلثـآلثـة عشـر :
صابرين: توصب حاجه عمتي؟
ماما: سلامتك بس، سلميلي ع عمتك خدبجه وبوسيلي ملك
صابرين: يوصل ان شاء الله سلام
ماما: سلام
وفتحت الباب ولافتها نسمه هواء شتوي بااارده ، حطت ايديها ف جيبوطيها وطلعت ل مؤيد اللي طان واقف قدام السيارةة ولما شافها جي جيهتها
مؤيد: شن جوك توا؟
صابرين شافتله بالجنب:تحسابني نسيتهالك ؟
مؤيد ضحك: والله لمصلحتك ياهبله
صابرين: باه باه مصلحتي
وركبوا ف السيارة وصابرين مربعه ايديها وتتفرج ع الروشن ومؤيد ماسك ف ايدها ويبوس فيها
صابرين جبدت ايدها: اطلقني
مؤيد شافلها وهو يبتسم بالخفيف: وكان نقوللك لا؟
صابرين: والله ننزل من السيارةة راه !
مؤيد درس السيارة : أصلاً وصلنا !
نزلت صابرين من السيارة وركبت لشقتها، وركب وراها مؤيد وهو يضحك فتحت الباب وخشت خشت لدار ملك لقتها راقده ، قعمزت بحداها وباستها ع خدها! وقعدت تمشي ع شعرها
مؤيد: قعدت تبكي تبي تمشي معاك لكن ربي حطها بنت لام شريرة
صابرين شافتله وضحكت بهزوة: لاوالله ، من الشرير اني ولا انت ؟
مؤيد: باهي توضي معاي
صابرين:منيش نايضه اليوم بنرقد هني!
مؤيد: عينك
صابرين شافتله :قلت اني مش حننوض
مؤيد قرب ونهضها ليه وخش للغرفه وحطها قدامه
صابرين بدوا عيونها يدمعوا: حوووول منحبكش اني
مؤيد محاوط خصرها بايديه ويشبحلها وهي منزله راسها وضحك: هادي اخر نكته نسمعها ! صلبرين تضرب فيه ع صدره وتبكي: حووول من قدااامي
مؤيد رفعلها راسها بصبعه : خيره حبيبي بس احكي !
صابرين قعدت تبكي بس، وهو حضنها وهي ماسكه فيه
مؤيد: هدا كله ع خاطر كسرت الكعب باش متلبسيهش؟
صابرين: ايه عجبك هكي
مؤيد:لا حبيبي مانعرفكش هكي اني ، اكيد في حاجه ثانيه
صابرين مسكت فيه اكثر وحطت راسها ع صدرا : متضايقةةةةة مش عارفه كيف بنكمل حملي هكي مؤيد زاد عصرها ليه: يلقلبي اني قاعد معاااك ومش ح نسيبك ، بس انتي ريحيلي روحك ومعادش تتحركي هلبا بس انتي معانديه
وطلقها ومسكها من ايديها: خليك هني بنمشي نجيب اميه
صابرين: بنمشي للغرفه نغير حوايجي
مؤيد : تمام واني بنطلب ديليفري من كودو
~~~~~~~~~
" بـــعـــد مـــرور شــهــريـن"✨
" عــنــدي آنـــي✨ "
مقعمزة قدام المرايا ونساوي في روحي ل لمةة ولد صابرين، لبست قفطان اسود طويل وكمامه طايحات، وخليت شعري نازل ع ظهري
ماما خشت علينا: واتيات يابنات؟
اني: بالنسبه لياا اني كملت
صفاء: وحتى احني كملنا
ماما: هيا البسوا بوكم يستنى فينا ف السيارة
أنت تقرأ
#جنتـي ❤ بقلـم "آلاء التيـر " (مكتملة)💚
Romanceتحكي عـ قصة حياه بنت طموحه ومليهااش فـ الحب بكل وكيف جاهـا الشخص المناسب وحباته فـ ظرف غير متوقع وبشكل غير متوقع " وطبعـاً الـروايه فيها نمط مـن التجديد ومش حـ تكون مشابهه لـ غيرها ،
