#جنتـي ❤ | الحلقـة الـخامسـة :
فـ الليل الساعة 2 مقعمزه عـ سريري ونشتغل عـ اللابتوب وبحداي مق نسكافيه ساخن مناسب للجو البارد برا ❤ طلعت صفاء من الدوش وهي تجفف فـ شعرها وقعمزت عـ الزيانه وتمشط في شعرها و فجاه بدت المطر تصب
صفاء تنهدت : الله محلاها المطر تريح البنادم ❤
اني : ماشاء الله قويه بكل ❤
صفاء جففت شعرها و قعدت تدهن فـ لوشن عـ ايديها ، رن تليفوها بطأت حركت دهنها وشافت للفون " وسام " ابتسمت وخداته وفتحت الخط وبدوا في حصة الحب والغرام اليوميه
رجعت قعمزت بعد ما كنت نطلع على المطر من الروشن ، رن تليفوني وكان المتصل " معتصم " ضحكت وحطيت اللابتوب عـ رجليا وفتحت الخط
معتصم : حبيبتي الحلوة ❤كيف حالك يا كل أحوالي ؟
أني ابتسمت : الحمدلله وانت ؟
معتصم : تمام بسماع صوتك يـ نبضي ❤ مستعده للموضوع ؟
أني : معتصم ممكن تمشي لمكان فيه تغطيه لان صوتك فيه حركه بحداه ! قاعد في الحوش انت ؟
معتصم : اني توا قدام حوشكم بالزبط
أني انصدمت : كيف ؟
" ومشيت وقفت على الروشن ولبست برنوصي " : طالع في المطر هادي مجنون انت ؟
معتصم نزل من سيارته وكان لابس وتوب وسروال اسود وبوت اسود وطاقيه سودا
معتصم : لو كنت مجنون فأني مجنون بيك، ولو كنت عاقل أنتي هديتيني جيجيتي ❤
اني ضحكت : لا والله إلا مجنون باهي ! بليز معتصم اركب في سيارتك لانه منبيكش تمرض بسببي
معتصم يفتح في باب السياره : تعرفي نظام العسكريه ولا ؟
أني : أيه ! لكن سوألك غريب شوي تعرف
معتصم : توا تعرفي سببه ! أني ماشي لدوره ولمده سنتين على الاقل !
أنصدمت وتوسعوا عيوني ! ماشي للعسكريه ! ولمدة سنتين ! توترت وصوتي بدي يرجف
اني بصوت يرجف : سنتين ؟
معتصم عض شاربه اللوطي : اها سنتين ! وسبب اني خبرتك لاني ناوي نخطبك رسمي باش ما نجيش ونلقاهم زافينك لغيري ! بعدين والله مش عارف شن يصير فيا ؟ ، تقدري تستنيني سنتين ؟
أني طول اتخدت القرار الصح : اكيد حـ نستناك !
معتصم ابتسم : ربي يقدرني ونكون عند حسن ظنك يا جيجيتي ❤ ___________________________________
بعـد مـرور يـوميـن
" عنـد معتصـم "
مقعمزين فـ الشاليه اللي حجزه بوه بيدير فيه عزومه لعمامه قبل ما يمشي معتصم ، خش معتصم للمطبخ في الشاليه وفتح الثلاجه ، خشت رتاج " بنت عمه اللي مكبده عليه " ووقفت عـ الدولاب
رتاج : عصوومي ❤
معتصم رفع راسه من الثلاجه وشافلها عـ الجنب : شن عصومي اهيا ؟ رتاج شدي روحك !
رتاج أرتبكت : ولد عمي وزي خوي شن فيها ؟
معتصم طلع باكو العصير من الثلاجه ومشي جيهة الدولاب اللي واقفه بحداه رتاج وطلع طاسه ، ورتاج تخدرت من ريحة عطره اللي كانت قووية وجذابه معتصم فتح باكو العصير وقعد يصب منه فيه الطاسه
أنت تقرأ
#جنتـي ❤ بقلـم "آلاء التيـر " (مكتملة)💚
Romanceتحكي عـ قصة حياه بنت طموحه ومليهااش فـ الحب بكل وكيف جاهـا الشخص المناسب وحباته فـ ظرف غير متوقع وبشكل غير متوقع " وطبعـاً الـروايه فيها نمط مـن التجديد ومش حـ تكون مشابهه لـ غيرها ،
