رَن الهاتف ..
_الو هلا حرير
_خالة شمس لحكي ضَي تخربطت واخذناها للمستشفى الي بصف الكليه
_شنو؟؟؟جايه جايه
هرعت مسرعه الى موقف سيارات المشفى صادفت في طريقي دكتور علي
_دكتور ارجوك انطي خبر للأداره آني رايحه ضي وكعت بالجامعه وسعفوها للمستشفى
_سلامات سلامات دكتوره الله عليج محتاجه شي اروح وياج؟؟؟
_لا دكتور ماتقصر بس اشرح الهم حالتي
_ان شاء الله هاي هي اعتبري وصل ..وديربالج من تسوقين وارجوج طمنينا عليها
_ ان شاء الله
صعدت في السياره ووضعت حزام الأمان وانطلقت الى المشفى من حُسن حظي الطريق في هذا الوقت من النهار غير مزدحم ..وصلت الى باب المشفى وكان مزدحم كالعاده لم اجد مصف لأصف فيه سيارتي اضطررت الى ابراز هويه نقابه الاطباء ليفسحو لي الطريق ونجحت كالعاده لانني طبيبه
بعدها قمت بالهرع الى باب الطوارىء دخلت للردهه ووجدت ضي راقده كالاميرات الجميلات في السرير مربوط بيدها المغذي ..فور رؤيتها قمت بتقبيلها واطمنها على صحتها ..
قبلوني جمانة وحرير فور رؤيتهم لي..قمت بسؤالهم..
شمس :بنات احجولي شنو صار بتفصيل
جمانة:اجت ضي بلا اكل حاولنا نقنعها تشرب العلاج كالت ممشتهيه ضلينه نلح نفس شي ..دخلنا كم محاضره وهي مالها نفس تاكل اخر شي واحنه بالمحاضره ضلت ترجف ووكعت وماكدرنا نسوي شي ساعدونا وجبناها للمستشفى
شمس :اوف ياضي اوف لشوكت تبقى مثل الاطفال لازم اركض وراها ولا تهتم الكلامي هسه ع عموم اروح اشوف طبيبها شنو يكول ع حالتها.. و ان شاء الله بس يخلص السيروم ترجع طبيعيه وحيستقر مستوى سكر بالدم
جمانة وحرير :اوك خاله ح ننتظرج
.الخوف الذي في داخلي اتجاه ضي اقوى خوف في العالم .
ضي أمانه لدي منذ طفولتها وانا اتكفل بكل شيء يخصها ..انها ابنتي الي لم تخرج من رحمي ..انا ابنتي واختي وقطعه من روحي انها امانة اختي سهى *رحمها الله*
تحدث مع الطبيب وطمئنني على حالها..بعدها رجعت الى الردهه وجدتها جالسه بهدوء
جلست بجانبها وقمت بحظنها :
شمس:اوف حبيبتي متعرفين شكد ضل بالي يمج ابوسج ياروحي
ضي:اسفه خالة اسفه بنات خليتكم تعيشون هالشي بسببي آني وجودي بس تعب واذية و...
حرير:أهو ش كاعد تحجين ياعيني اني ميته من جوع من وراج ست ضي ماماكله شي وانتي تكولين اسفه شنو يفيد الأسف
شمس:حقج حرير حقج ..بهيج حاله لازم نعوضج نيابة عن ضي لانها مريضه هسه اني راح اعزمكم على غده بمناسبه سلامة ضي وهم تعويض ع تعبكم
جمانة:ياعمري ياخاله هي اختنا ميحتاج لاعزيمه ولا شي حرير د تشاقه ..وبكل الاحوال اني ماكدر اروح وياكم تعذروني لان امي وحدها بالبيت وتعرفون الضرف
أنت تقرأ
حتى شروق الشمس
General Fiction_ لهذه الدرجة ؟! _ واكثـر ... إنها بريئة جدآ ، لاتستطيع صياغة الكلمات المعسولة كالأخريـات ، لاتعرف كيف تشرح احساسها بالتعب ..💙 او كيف تبرر غلطاتها كما يفعل الاخرون ، والحقيقة انها تتجاوز اسوأ اللحظات في صمت تام ؛ كأنَّ لو أن شيئا لم يحدث ! كما لو...
