حتى شروق الشمس

الفصل الثامن عشر

قد لا تفكرين بي ولو بشكل جزئي ،
أو قد أكون عابرًا عليكِ في أغنيةٍ
لم تختاري سماعها

لكني أشعر بكِ كـ كل يوم
عميقة في الطين والدم
عميقة بالقدر الذي يصعب عليّ مسكُك
لا جزء لك يمكن تحجيمه حقًا كي يُبتر
ويحزنني أني قد أعيش عمرًا
خالياً منكِ .
" مقتبس
.
.
.
عمر..
كنت جالس في المنزل ..اتصلت حرير بي..قبضني قلبي لانها لاتتصل بي منذ اخذ هاتفها منها..

فور رفعي لخط الاتصال..
شهقت وبكت..

طلبت مني المجيء فوراً الى منطقتهم...

لم اعي شيئاً مما حدث ..وبدون تردد اخذت مفتاح السيارة وهرعت مسرعاً اليها

فور الوصل ..

وجدتها جالسه على الرصيف مُحنية رأسها الى الارض..ملابسها السوداء يملئها للغبار
وبجانبها حقيبه سفر

ركضت اليها فور رؤيتي قامت بوضع رأسها على كتفي وبكيت بكل حُرقه وقالت:

_عمر حتى بيت مابقى اليه

استغربت من كلامها وبكائها وحاولت مسح الدموع من على خديها الرقيقين ثم قلت:

_ياعمري احجيلي شنو صاير احس كلبي ح يوكف احجيلي شنو صار وشنو هاي الجنطه وليش بشارع وتبجييييين هذا العار  اخوج شنو سوه

اخذتها الى سياره وجلسنا لتاخذ راحتها في الحديث..

_هذا مو اخويه متبرية منه الى يوم الدين..طردني من البيت

_على اي اساس يطردج؟ البيت مثل ماهو وريث بي انتي همين

_ماكوو حقي راح

_شنو حقج راح ..شبيج شهالحجي

_مو انيي...

_احجي شنو ؟
_ ب اول فتره من الفاتحه كال يحتاجون روحتنا علمود قسام شرعي حتى نكدر نتحكم ب اموال ابويه..وكال بلا دوخه المحكمه سويلي وكاله ورحت وسويت

_من كل عقلللج سويتله وكاله عامه؟؟؟

_اني شمعرفني

_اي ليش محجيتي
_ماعبالي شي مهم وهسه يكولي روحي بعد ما الج حق..وطردني وكال حتى حسن ميدفعله وشتردون تسوون سوو

_اوف مهمتنا صعبة..جد ضي مو محامي؟واختي همين محاميه راح اخابرها

_ايي محامي..اوف عمر انت اول انسان اجيت بالي ماعرف ش اسوي

_ولا يهمج هذا ناقص اني اله ..هسه مال ادخل اكتله وابرد قلبج وقلبي

_عوفه الله يخليك لخاطري ماريد فضايح اكثر

_لخاطر عيونج بس خليها بالج وين مااشوفه اكتله

_عوفه والله هذا نذل وغدار اخاف عليك منه