حتى شروق الشمس

الفصل الثاني

-

‏قد يمنحك أحدهم الأمل و داخله مدينة من الإحباط قد يمنحك النُور و داخله مملوءٌ بالعتمة ، من قال أن فاقد الشيء لا يُعطيه ! 🖤

-#مقتبس
.
.
الأحد

ساعتين تفصلنا عن نتائج الامتحان التوتر قوي بسبب اجتهادنا في سبيل النجاح

جمانة:بنات آني كلش خايفه اوكع وينزل المعدل مالتي هالكورس

حرير:اهوو ست جمانه انتي دوم تبجين بوجه الله وبعدين يجي معدلج اعلى شي بينا

جمانة:اعوذ بالله صلِ على محمد ..انا تعرفين كلش زين ماريد اوكع اريد انجح لو بأيدي اخلي سنين الدراسه تركض حتى اكسب وقت وأكون نفسي

ضي:الحلو أنو تتعاركون واني جوعانه بنات امشو ناكل

جمانة:مالي نفس

ضي:اهو جمانة سويتها مناحه ب تالي مثل م كالت حرير تطلعين اعلى شي 😂😂

حرير: غير انا مااحجي افاجئكم بمواهبي

جمانة: روحو آني رح ابقى هنا ..وعود جيبولي عصير وياكم

حرير: تأمريني امر ست جمانة المهم رضاتج🤦🏻‍♀️

خرجت انا وحرير من القاعه الدراسيه متجهين الى كافتريا الجامعه ..لمحت من بعيد زميلنا عبدلله فور رؤيته لنا تقدم نحونا بأبتسامه ..اكره نضراتة تربكني دائماً اكره وجوده جانبي..

عبدلله: صباح الخير..ضي شلونج طمنيني عنج بالي ضل يمج واتصلت ب حرير حتى اتطمن عنج

حرير : احم احم استاذ عبدلله واني افا بجذب ماسلمت عليه شنو بنت البطه السوده

ضي:صباح النور عبدلله ..الله يسلمك شكرا ليضل بالك

قبل ان اسمع جوابه هربت منه واتجهت نحو البائع وتركت حرير بجانبه . .

عبدلله:حرير آسف ..سلمت ع ضي اول لان هي مريضه وجنت حيل خايف عليها ..بس ماحبيت اسلوبها وياي وليش هالبرود وياي غيرها تفرح لان سألت عنها..مهما يكون انا كنت خايف عليها..

حرير : عبدلله هي هاي ضي من يومها هيج ماتحب تختلط ولا تحجي وي اي شخص غيري اني وجمانة.. وعبود نصيحه مني لاتبني آمال لان ضي مراح تفكر بيك غير شي لا هسه ولابعدين صديقتي واعرفها

عبدلله:حرير شبيج ضي مثلها مثلج زميله وصديقه لا اكثر ولا اقل ..واهتمامي جان فقط لان خفت عليها من وكعت قبل ايام

حرير: العاشق عيونه تفضحه واني فاهمتك كلش زين هاي ثالث سنه واحنة سوه واعرف شنو ضي بنسبه الك بس انت مو راضي تعترف

عبدلله: اسف حرير صديقي منتظرني وتاخرت عليه ع عموم ديربالج عليها وخليها تاكل زين

حرير:ههه ماشي