حتى شروق الشمس

الفصل الرابع❤

أنا آخر المتعبين في الصف اقف على صبر مكسور سنده الوحيد الانتظار...
#مقتبس ..💔

#٢٠٠٤
أبراهيم..
كنت جالس في نادي الجامعة لأراجع مادتي الامتحانية ..ومن غير قصد سرقني السمع لأسمع معاناة طالبة تتحدث مع صديقتها عن شيء لاتفهمه في هذه المادة ..
فجأة وبدون مقدمات استدرت الكرسي وجلست امامها بدون سابق انذار :

_انطيني الكتاب..
_عفواً؟؟؟
_ماضل وقت كدامج ساعه ونص انتي هسه بين خيارين يا سكتين وتخليني اشرحلج هاي النقطه الي مافاهمتها وهي ضروريه واحتمال تجيلج ..يا تكولين روح ماريد مساعدتك وانتي كدامج طريقين ودقايق معدوده ف يا تقبلين مساعدتي يا ترفضين

صمتت الفتاة التي لااعرفها وبعدها فاجئتني بجرأتها..

_كدامك نص ساعه تشرحلي وانا راح اسكت واتغاضى عن تطفلك واتمنى تطلع كدها وتشرحلي زين

_شرطي وياج اذا فهمتي ودخلتي للامتحان وجاوبتي على هذا سؤال ونجحتي بي ..تعزميني

_واذا لا..

_انتي حره تسوين الي ترديه وانا م راح اسئلج عن اي شي يخصج لان موضوعي وياج هسه مو تعارف فقط مساعده وخليها بالج اول مره اقدم هيج نوع من المساعده..

_وشمعنى....

لم اعطيها باب للحوار قطعت حديثها وبدأت بتدريسها..

بعد الانتهاء من الدراسه :
_شلونه شرح مالتي
_هواي فهمت متوقعت هيج امكانياتك
_طبعا ماابين كل نقاط قوتي كدام اي شخص
_هسه شنو شلون اشكرك واني ماعرف اسمك
_شرطي عليج تدخلين الامتحان وتنجحين يلا يصير حديث ثاني وياج ..
_بلا مانجحت؟
_بس اني متأكد راح تحجين وحيكون لقاء ثاني مختلف ..
_بس النتائج بعد شهر
_عادي
_اوكي استاذ مجهول اشوفك بعد شهر
_بس ها اريد منج وعد لاتسألين عني اي شخص ولا آني اتفقنا؟
_هاي هي اتفقنا..

#الحاظر..

شمس..

لوهله لم اصدق مارأته عيني..
هل هو ابراهيم؟؟
اخر شخص اتوقع رؤيته بجانبي ..
حاولت ان استعيد قوتي الي بنيتها منذ سنين ..اغمضت عيناي وسحبت نفس عميق وبعدها وقفت بشموخ امامه لا اريد ان يراني ضعيفه امامه ك سابق..