حتى شروق الشمس

الفصل الخامس عشر..

‏•

أكون كاذبًا لو قلت بأني سأجنّ أو أموت. فالإنسان يعتاد سريعًا ويصبر على الأشياء التي كان يظن بأنه لن يحتملها أبدًا. سأعيش، ولكن كيف سأعيش!

•
.
.
بعد مرور أيام....

حرير#
الليلة السابقه لم تنم ضي معي ذهبت الى منزلها لأن جدها مريض قليلاً وخالتها شمس لديها مناوبة في المشفى ..

شعرت بالوحده وعدم الأمان في المنزل..حظنت ملابس امي وأبي ونمت بينهما لأشعر في الأمان على سريرها واتذكر حياتي السابقه..

اه كم أشعر بالضياع والوحده بخلافهما..

ذهبت الى غرفتي وارتديت ملابسي وقمت بتحضير حقيبه ملابس لحسن ليغيرو ملابسه القديمه..

فور نزولي وجدت وليد جالس وينتظرني وعيناه مرعبه كأنه ناوي على شر..ثم قال:

_وين رايحه الخاتون؟
_يعني وين اكو مكان ثاني غير المستشفى اروحله؟
_اشوف روحاتج كثرانه
_ترى اخوك الي بين الحياه والموت ماتوقعت انت لهدرجه قلبك قاسي بجذب ماسألت ولا تعرف عنه شي ملتهي مدري بشنو عبالك غربه مو أخوان

_تارك الحنيه الج
_طبعاً اكون حنينه عليه ماعندي غيره
_اي طبعاً معتبرته بس هو اخوج
_اكولك وليد بلا هالحجي وخليني اروح
_اي طبعاً تأخرتي ع حبيب القلب هسه واكف منتظرج باب المستشفى..

_شقصدك؟
_تعرفين شقصدي
وقف بطوله الفارع وتقدم نحوي ووضع يده على شعري وقام بسحبه ثم قال:
مسويه حسن حجه حتى تلتقين بهذا الخسيس الي اسمه عمر عبالج ناسي هالشغله
قمت بدفع يده وصرخت بأستغراب وقلت له:

_انت مخبل؟؟؟؟ياعمر يابطيخ اني بيا حال وانت تكولي عمر وحبيب القلب ترى ماكو شي بالدنيا اهم من حسن وهذا عقلك المريض خلي الك وبعد اذا مديت ايدك عليه والله اكول ل...

توقفت عن الكلام وتذكرت أنني الآن بدون حماية انا ووليد وجهاً ل وجه لااستطيع تهديده بأبي من هنا شعرت ب اليتم ..اصبحت يتيمه بدون سند وهممت بالبكاء ف استغل وليد ضعفي وقال:

_ههه كملي تهديدج ست حرير
ثم تقدم مره اخرى نحوي وقبض يديده حول فمي وبدء يضغط على وجهي اشعر بأن فكي انكسر بين يديه :

_منا ورايح آني الآمر والناهي بهذا البيت ..لسانج مال قبل راح وي الماتو ..هذا بيتي ولسانج اكصه اذا مديتي مره ثانيه اكسر راسج

_عوفني تأذيت عوفني

ترك وجهي ودفعني ف وقعت على الارض ..ثم نظر لي بأنتصار وقال:

_هذا تلفونج بعد ماكو ..ماكو شي نفس قبل حدج هذا التلفون النوكيا القديم وراح يكون مراقب وفقط تتصلين بيه وبصديقاتج اذا شفتج محاجيه هذا الي اسمه عمر وحق الله امنعج من الروحه للمستشفى وتحلمين تشوفين حسن مره ثانيه عندي ناس تجيب تحركاتج فهمتي..؟