هاله\\انت ليه م عايز تسمع كلامي وتعمل لي بيت براي؟تعبت انا من نقت اخوانك زهجتا ياااخ م قادره استحمل!!!!
احمد\\يااا هاااله انا عارفك تعبتي بس ديل اخواني وانتي عارفه انا برضو علاقتي معاهم م كويسه بس لاذم استحمل عشان خاطر ابوي...
هاله\\اابوك فوق راسي نسوقو يقعد معانا..
احمد(وظهرت عليهو علامات اليئس)ابوي م حيمش وانتي عارفه لانو اصلا م عارف الحاصل بيني وبين اخواني ومفتكر انو علاقتي معاهم كويسه لانهم اصلا م بظهرو الا كدا قدامووو...
هاله ونزلت الدموع من عيوونا انت م عارف هم بعملوو فيني شنو؟؟اتخيل امبارح ونحن في المطبخ اختك عبير ومعاها مرت اخوك عزام انا عملت ليهم الملاح قلت ليهم اانا جهزتا الملاح وحده فيكم تعووس القراصه ووحده تقطع السلطه عشان ماشه ارضع هبه قالو لي لالالا اصلوو م بنعمل اي حاجه نحن علينا الغده وانتي الفطوور قلت ليهم طيب ماف مشكله بس استحملوني الليله عشان البت بتبكي تكون جعانه امشي ارضعه اتخيل قالولي خليها التموت نحن م بنعمل اي حاجه ليه يااخ هم بعملو كدا مش في النهايه انت اخوهم حتى لو م كنت اخوهم الشقيق...
(احمد شاب ثلاثيني متزوج من هاله ليهم خمسه سنه عندهم وولد انور سبعه سنه وبنت هبه سنه ونص...
معانات احمد ابتدت لمن امو اتوفت وعمرو خمسه سنه اخوالو جابوهو لابووهو الكان متزوج من ام احمد ومخبيها من زوجتو الاولى العندو منها وولدين وبنت عزام الاخ الاكبر متزوج من بنت عمو سميه وبعديهو عبير م متزوجه وحسن متزوج من داليه....
احمد م لقااء معامله كويسه من اخوانو ولازوجة ابوهو الاتوفت قبلي سنتين بس كان مستحمل عشان ابوهو...
والدو كان بريدو شديد وم بقصر معاهو في اي حاجه لحدي م كبر واتزوج في الاول كان عايز يفصل بيتو براهو بس والدو رفض رفض تاام اني يمشي يخليهو واحمد م كان بكسر كلمه لابوهو...
والدو عندو محلات تجاريه في السوق جمب بعض ولانو احمد كان شاطر في التجاره هو ماسك الاداره لمحل واخوانو ماسكين الاداره للمحل التاني وطبعا م كانو متقبلين الوضع دا بس مضطرين يستحملوو عشان ابوهم)....
احمد وهاله دايما بلقوو اذيه من اخوانو وزوجات اخوانو م عدا داليه هي الوحيده الكانت علاقته كويسه معاهم...
نشوف حيحصل شنو مع احمد وهاله واحمد حيقدر يتخلص من ظلم اخوانو كيف؟؟؟؟؟
.............................
احمد\\يلا ياا هاله انا طالع عايزين حاجه اجيبه معاااي؟؟
هاله\\ااي جيب معاك بامبرز وعيش...
احمد\\طيب كويس وهو طالع جاء اتعلق فيهو انور بابا ماشي معاكك؟؟
ماشي معاي ووين ي ولد انا ماشي الشغل""ااي مااشي معاك الشغل..
هاله\\سووقو معاك عليك الله معذبني نوم م قعد يخليني انومو..
احمد\\هههه خلاص طيب ارح ...
...................
حسن\\نحن حنعمل شنو وحنجيب القروش دي كلها للبضاعه من ووين؟؟؟
عزام\\من احمد اكيدّ!!1
حسن\\بس حنشيلا منو كيف دا؟؟
عزام\\لالا اصلا م عندو مشكله هوو مسكين ساااي وحتشوف حيدينا ليها كيف؟؟؟
...........
عمار\\دا منو الجانا دا الليله؟؟؟
احمد\\هههه اتعلق قال الا يجي معاي الليله
عمار\\ههههه كويس يتعلم ويجي يبقااا لينا تاجر شاطر زيك كدا..
(عمار ابن عم احمد شغال معاهو في المحل ويعتبر ايدوو اليمين)...
احمد\\الطيب اتصل قال البضاعه جاهزه بعدين اضرب لخالد يجيب الشاحنه عشان تمشو تجيبوها...
عمار\\اسي كان بتكلم معاي قال العربيه في الورشه الا بكره
احمد\\ي زول والله دي مشكله دي خلاص م مشكله بضرب لي الطيب اكلمو..
.......
داليه\\هاله ي بت هاله ووينك؟؟؟
هاله\\ااي ي داليه تعالي اانا في الاوضه
داليه\\مالك قاعد هنا م ظهرتي علينا بهناك؟؟؟
هاله بوطيت صووت وزعله اظهر شنو على العقارب ديك اسي يسمعني كلام فارق ساي\\
داليه\\والله م عارفاك مستحمله كيف؟؟؟في اللحظه دي عبير ندهت على داليه اااي يااعبير
عبير\\ووين انتي؟؟؟
داليه\\هنا مع هاله..
عبير جات عليهم قاعده هنا مالك؟؟
داليه\\ساي جيت اسلم على هاله واشوفا الليله م ظهرت علينا بهناك مالا
عبير ردت وهي بتعاين لهاله بقعر عينه البجينا حبابو والماجانا م كايسين عقابوو ارحكي بعد دا ديل بقوو جيه نحضر الغداء....
أنت تقرأ
قلوب ملتحمه
General Fictionدراما سودانيه تحكي عن غدر الاقارب والحقد وحب السيطره على الثروه...للكاتب بكري علي..
