قلوب ملتحمه

الحلقه الثالثه عشر

فجأه جاء اتصال لمعاذ من الوووو صاحب التلفون عمل حادث وتم نقلو لمستشفى ابراهيم مالك...
معاذ اتخلع وسريع سريع جهز وجرا على المستشفى سئل في المستشفى وصفو ليهو القرفه الراقد فيها احمد جرا عليها لقاهو قاعد والممرضه بتلف ليهو في رأسو بشاش وعاملين ليهو جبيره في يدو...
معاذ بخلعه احمد مالك يازول ان شاء الله خير؟!!!
احمد بطمن في معاذ لالا انا تمام مجرد حادث بسيط كدا والحمدلله عدا بسلامه..
معاذ قاليهو الحمدلله لكين دا حصل كيف؟!!احمد قاليهو كنت سايق وشكلو سرحته شويه لقيت نفسي خاشي في شجره..
معاذ لالا الحمدلله عدت سليمه...احمد ااي الحمدلله ارح وصلني البيت عايز ارتاح شويه....
معاذ قاليهو تمام ارح.........
معاذ واحمد ماشين على الطريق واحمد طوول الطريق سرحان وبالووو شارد بعيد معاذ استغرب فيهو وحبه يسئلو يعرفو مالو؟؟!!قاليهو مالك يااحمد شكلك ماطبيعي؟!!!!
احمد اخد ليهو سكته كدا وجرت نفس وقاليهو الحاجه الكنت خايف منها حصلت....
معاذ قاليهو حاجه حاجة شنو يااحمد الحصلت؟!!!احمد هاله طلبت الطلاق^^
معاذ**طلاق معقوله هاله قالت عايزه تتطلق؟َ!!!احمد**ااي...
معاذ قاليهو وانت قلت ليها شنو؟!! احمد*قاليهو وبكل خيبة امل تفتكر حقوليها شنو تاني غير بكره ورقة طلاقك حتصلك؟!!انت عارف يامعاذ الدنيا دي عمرها ماحتتفتح في وشي وتكون معاي ميه ميه لاذم ترميني في الارض وارجع اقوم من تاني وقبلي مااقوم كويس القاها رمتني من جهه تانيه انا خلاص بقيت ماعارف اعمل شنو بقيت ما عارف منو معاي ومنو ضدي؟!!منو بحبني ومنو بكرهني؟!!انت عارف انا لمن عرسته هاله وانت عارف لمن عرستها ماف حصر عرسي غيرك انت وابوي من الاسره لانو اصلا ماكان في زول راضي بيها ولا اهلها كمان كانو راضين بي بس بالرغم من كل دا ومن كل التحديات الواجهتنا دي قدرنا نكون مع بعض كنت حاسي انو لو كل الدنيا دي اتخلت عني مستحيل هاله تتخلى عني في يوم من الايام بس شكلو كنت غلطان بس تصدق عندها حق يااخي عايزه شنو بزول حياتو كلها مشاكل وعداءت...
معاذ قاطعو وقاليهو انت مابراك يااحمد انا معاك وان شاء الله دي زيها وزي ااي حاجه حصلت معاك وعدت وبتعدي ان شاء الله انت زول مؤمن هي بس كلها كم يوم وهاله بتهدأ وبترجع ليك ان شاء الله انت بس خلي عندك امل وماتتسرع في اجراءت الطلاق اسي....
وفي اللحظه دي كانو وصلو على البيت واحمد نزل وقاليهو ان شاء الله....
...........
معاذ طوالي مشا على بيت ناس هاله وقال الا يتكلم معاها بعد وصل ودقه الباب وسلم على اهله طلب يشوفه ويتكلم معاها وفعلا مشا ليها وسلم عليها وقعد معاها وحبه يخش في الموضوع طوالي.....
معاذ*هاله انتي تقريبا عارفه انا جاي لشنو؟!!هاله قالت ليهو عارفه وانا الموضوع دا انتهى بالنسبه لي...
معاذ**شوفي انا عارف دي مشاكل خاصه بيكم ومالي حق ادخل فيها لكين لمن اشوف صحبي واخوي بيتعذب قدامي من الموضوع انا مابقدر اسكت والله....
هاله قالت ليهو وانا يعني مامتعذبه انا متعذبه اكتر منو وانت عارف انا بحب احمد قدري شنو؟!!
معاذ قاليها طيب السبب شنو ياجماعه انا ماقادر افهمكم  ولا انتي عايزه تسيبيهو ولاهو عايز يسيبك المشكله شنو ياجماعه؟!!!
هاله قالت ليهو ودموعه جاريه والله انا ماعارفه المشكله شنو بس فجأه لقينا نفسنا في الموقف دا وحياتنا اتقلبت فوق تحت....
معاذ قاليها لاذم يكون في سبب والحاجه الانا عرفتها انتي البديتي المشاكل وانتي الخليتي البيت وجيتي بيت اهلك هنا وانتي الطلبتي الطلاق المشكله فيك انتي ياهاله انتي الماعايزه علاقتكم دي تستمر...
هاله قالت ااي انا خلاص زهجتا وفجأه بقيت اكرهو واكره القعده معاهو في البيت بقيت ماطايقاهو
معاذ قاليها ليه هو قصر معاك في حاجه؟!!قالت ليهو لالالا معاذ سئله عن السبب شنو طيب البخليها تعمل دا كلوو قالت ليهو ماعارفه قاليها هاله انتي عارفه بسبب اعمالك البتعملي فيها دي احمد عمل حادث وكان ممكن يموت هنا هاله اتخلعت وقاليها اطمني طلع سليم المره دي ومافيهو حاجه لكين مامعروف المره الجايه يحصل ليهو شنو وطلب منها تراجع نفسها وترجع بيته من تاني وفات خلاها....ِ
................ِِ