وفي اثناء ما عايز يقول لابوهو على الحصل عزام وحسن جوو واتهجمو عليهو بطريقه وحشيه جدا لدرجة الضرب بالايادي اتدخلوو النسوان(زوجاتم)وابوهم قدرو شويه شويه يهدو الوضع من ناحية الضرب..
عزام بغضب شديد ورفيع يدين عااارفك انا عايزنا نقع بأي طريقه وجوو عينك حتدينا القروش دي لانها اصلا ماحقتك براك...
عبدالله يااااولاد في شنو فهموني الحاصل؟!!
احمد ماحديكم اااي قروش انا واعلى مافي خيلكم اركبووو
حسن سامع يااابوي بعمل في شنو وقاعد تشكر فيهوو كمان..
عبدالله احكووو وروني الحاصل...
وعبد الله بتكلم معاهم وهم لسه في جوطتم وكواريكم لحدي ماا عبد الله وقع على الارض...
احمد بخلعه ابوووي...ابوي وكلهم جرو عليهو وسريع سريع لحقوووهو المستشفى....
بعد نص ساعه من مقابلة الدكتور جاء طالع احمد واخوانو جوو جارين عليهوو طمنا يادكتور ابوي مالو؟؟
الدكتور ابوكم اتعرض لصدمه قلبيه خطيره جدا والحمدلله قدرنا ننجدو بس خلووو بالكم منو اكتر في الايام الجايه دي...
عزام الحمدلله شكرا ليك يادكتور...
احمد ممكن نخش نشوفو يادكتور....
الدكتور\\حاليا هو محتاج راحه شويه بس بعد ساعه ممكن تخشو ليهو...
........
معاذ وهو بتكلم مع خالد في التلفون اهاا ياخالد الشاحنه طلعت من الورشه ولالسه؟؟؟
خالد بخيبة امل والله لسه يامعاذ ياااخ
معاذ لاحول الله الشحنه دي كدا حتتأخر خالص والذبائن كدا حيضايقوو
خالد طيب اسمعني انا ممكن اتصل على واحد سايق يجيب لينا البضاعه دي..
معاذ جميل جدا كلموو طوالي..
خالد بس دا حيكون عاوز قروش كتيره شويه..
معاذ امممم طيب دقيقه اضرب لاحمد وارجع ليك...
معاذ اتصل على احمد ووراهو بالقالو ليهو خالد احمد قاليهوو خلاص تمام يازول شوفو عايز كم واديهووو
معاذ خلاص تمام يازول مالو صوتك تعبان كدا...
احمد\\الوالد تعب شويه وجبناهو المستشفى
معاذ بخلعه ياازول بتين الكلام دا ووين انتو اسي انا جاي عليكم
احمد\\لالا بقااا كوويس خلاص الحمدلله انت خليك متابع الشغل هناك
معاذ\\ياازول انت متأكد؟؟!! اااي يااامعاذ ....
......
داليه جابت المويه ليهم كلهم هاله قالت ماعايزه هاله بقت تحنس فيها عشان تشرب وهنا عبير نطت وقالت خليها ان شاء الله عنها ماشربت اصلا هي وراجله السبب في الحصل دا
داليه\\ماتقولي كدا ياعبير عيب
سميه\\عيب شنو كلامه صح في داعي راجله يعمل كدا وما يدي اخوانو القروش
هنا هاله غضبت وقالت ليها على اساس لو اداهم القروش كانو حيرجعوها يعني وابتدت اصواتم تعلى في المستشفى لحدي ماجوو رجالم ادخلووو
احمد\\خلاص يااجماعه نحن في مستشقى وفي مرضى هنا وياريت نحتفظ بمشاكلنا لحدي مانمشي البيت..
وفي الاثناء دي جات الممرضه وورتم انو ابوهم صحه وممكن يخشو يشوفوهو وخشو اطمنو عليهو...
........
عمار\\لاحول الله الابعد تلاته يوم
خالد\\اي والله قال في سفريه مابجي الا بعد تلاته يوم
عمار\\طيب ماممكن شاحنتك تتصلح قبلي التلاته يوم دي
خالد\\ممكن اااي
عمار\\خلاص تمام يازول خير...
....
جاء اليوم التالت من رقود حاج عبدالله في المستشفى والليله المعاينه الاخيره...
الدكتور\\ضغط الدم كويس وضربات القلب كمان انتظمت وبقيت فل الفل انت ياعم عبدالله...
حاج عبدالله \\الحمدلله ياولدي..
احمد\\الحمدلله كدا يعني ممكن يطلع يادكتور..
الدكتور\\اايواا ممكن بس لاذم يكون في اهتمام شديد على صحتك ياعم عبدالله سامعني انت..
حاج عبدالله\\ان شاء الله ياولدي ان شاء الله....
أنت تقرأ
قلوب ملتحمه
General Fictionدراما سودانيه تحكي عن غدر الاقارب والحقد وحب السيطره على الثروه...للكاتب بكري علي..
