قلوب ملتحمه

الحلقه الثانيه

والد احمد(عبد الله)\\واثناء ماجابو الغداء ليهم كلهم بجو ياكلو مع بعض اهاا الشغل ماشي كيف يااحمد؟؟!
احمد\\بابتسامه كويس والله ياابوي ماشي كويس امبارح وصلت شحنه كبيره من الصين مفروض نمشي نجيبا الليله بس للاسف الشاحنه اتعطلت اضطرينا نئجله لبكره...
عبد الله\\طوول عمرك شاطر في التجاره يا ولدي طالع لابوك(في اللحظه دي عزام وحسن اتمغسو كيف يسني على احمد وم يسني عليهم)اهاا وووانتو الشغل ماشي معاكم كيف؟؟؟
عزام بلبكه الشغل!الشغل ماشي كويس ياابوي لكين ياابوي في بضاعه نحن لو دخلناها حنكسب كتير منها...
عبد الله\\كويس جدا دخلووها طوالي...
حسن\\لكين ياابوي محتاجين رأس مال ليها ونحن كل رأس المال بتاعنا دخلناهو في البضاعه الجبناها الاسبوع الفات..
عزام\\لكين ممكن نشيل من احمد دفعه من احمد...
عبد الله\\طيب جميل جدا
احمد\\ايواا بس يااابوي انت عارف انا عندي بضاعه محتاج اجيبا
عزام\\حنرجعم ليك بس نحن اسي عايزين نجيب البضاعه دي بأي تمن عشان اصلا ماف في السوق والطلب عليها عالي...
احمد\\انا اصلا كل رأس مالي دخلتو في البضاعه الجايه اسي دي
حسن\\يااحمد دي بضاعه بسيطه وم استهلكت منك رأس مال كتير شايف ياابوي لمن بنقوليك احمد م عايز يتعامل معانا م قعد تصدقنا...
احمد\\م كدا بس انا محتاج رأس المال في الفتره الجايه دي وبشده كمان
عزام\\حنرجعو ليك في اقرب وقت قلنا ليك..
عبد الله\\خلاص يااحمد مدام قالوليك بنرجعو ليك اديهم خليهم يسترزقو اصلا انت وهم واحد
احمد\\خلاص ياابوي التشوفو...
............
ساره\\انا م عارفه انت اصلا شغال مع ود عمك دا شنو؟!!انت مفروض اسي تكون فاتح محل برااك مش لسه شغال في محل...
عمار\\اووووف ياااخي ياااساره مية مره كلمتك انا البتتكلمي عنو دا ود عمي يعني من لحمي ودمي وبعتبرني يدوو اليمين في الشغل وم قعد يقصر معاي في حاجه انا م عارف انتي بتكوركي علي شنو؟؟؟
ساره\\اااي عارفه انو ود عمك وااي حاجه بس على الاقل خليهو يفتح ليك مكان تستلم انت ادارتو
عمار\\ياااخ انا م عايز هو كم مره قالي الكلام دا لكين لسه في حاجات انا م اتعلمتها عايز اتعلمه منو وبعداك الله يسهل ونشوف البحصل شنو؟؟
ساره\\تتعلم سنو هو انت ليك كم سنه عشان تكون لسه م اتعلمته؟؟
عمار قفلت معاهو خلاص وزهج وعاين لساره بعين حارره وقاليهاا يااااا اللله يااااساره ياااخي عليك الله اسكتي خليني انوم...
ساره والشرار طاير من عيونا الحق علي انا يعني العايزاك تعمل محل خاص بيك وتأمن مستقبل اولادنا بعدين يعني...
عمار وبرفعت ايد لا يااستي الحق م عليك الحق علي انا القاعد معاك في البيت دا وطالع خاليهو ليك زاتو...
ساره ااي اتهرب ياااعمار اتهرب...
طلع عمار من البيت وهو زهجان وقافله معاهو وبتكلم مع نفسو وبقول م كفايه العاملنو فيهو اخوانو كمان عايزاني انا اتقلب عليهو مره متخلفه...
...............
هاله بطيرت عيون وخوف انت حتديهم بالجد يااحمد؟؟
احمد شال نفس طويل اهاا اعمل شنو يااا هاله لو م اديتم حيجو يتكلمو قدام ابوي واسي هم قاصدين اتكلمو قدام ابوي عشان عارفني م قعد ارفض ليهو طلب...
هاله\\ااي بس ديل عملووو نفس الحركه دي ووقالوليك حنرجع وليومي يومك دا ماشفنا منهم حاجه...
احمد وظهرت عليهو علامات الاستياء والله م عارف اعمل شنو ياهاله انا طالع اشم هواء وجاي راجع لحدي بكره يحلها الله...
احمد طلع واتصل على عمار قاليهو قاعد في الجبنه...
عمار\\ابو احميد مالك ظاهر عليك تعبان كدا؟؟!
احمد\\والله انا وقعتا في مشكله عديل؟؟
عمار\\كيف الحصل شنو؟؟
...................
داليه\\انت يااحسن ليه بتعاملوو اخوكم دا كدا؟؟!
حسن بغضب مية مره يااداليه قلت ليك م تدخلي في الموضوع دا
داليه\\طيب م تزهج
حسن\\يلا امشي البسي لي القميص الاحمر وخلينا نعيش اليوم..
داليه بخجله كدا ومعاها ابتسامه عريضه قالت ليهو طيب..
...................
عمار بخلعه ياااخ معقوله انت لو عملتا كدا واديتم المره دي ماف زول حيطلعنا منها انت عارف المره الفاتت قربنا نقفل الدكان عديل لو م الله ستر ولقينا اليدينا
احمد\\اهااا طيب اعمل شنو ياعمار ماباليد حيله ابوي طلب مني اديهم ولو م اديتم حيكلمو ابوي وابوي حيزعل....
عمار ياااخ اسمعني كلم ابوك عديل ووريهو الحاصل م معقوله انت حتكون عايش في الذل والهوان دا طول عمرك...
احمد بخلعه لالا ياعمار ابوي لو عرف ممكن يروووح فيها انت عارف براهو عيان هووو...
عمار والله انا شايف م عندك حل غير كدا
احمد\\كدي يااازول نشوف لحدي بكره البحصل شنو طلبت حاجه انت ولانجيب اتنين شاي...
............