قلوب ملتحمه

الحلقه الحاديه عشر

احمد جاء خاشي البيت اتصدم انو لقاء هاله مافيشه في البيت شال تلفونو وحاول يتصل بيها كم مره تلفونه مقفول...
...
هاله وصلت على بيت اهله امها فتحت ليها الباب واتخلعت لمن شافته شابله شنطته ومعاها الاولاد سجمي هاله مالك؟!!
هاله طوالي اتشقت بالبكاء وحضنت امها...
بعد هدت شويه وقعدو امها سئلتها في شنو يابت انتي لسه مافهمتيني اي حاجه؟!!قالت ليها احمد ياامي..مالووو قشرن؟؟!!بقااا يومو كلو مقضي في الشغل ولابقا شغال بينا ولابهمتا بلولاد ولا بي ولما اجي اتكلم معاهو يعمل لي اللف حاجه وحاجه وفي الاخر بقاا يتهرب مني...كلمتك انا من الاول قلت ليك الود دا مابنفع معاك وقفتي كدا قلتي الا تعرسي كنت عامله حساب يوم زي دا انا..خلاص ياامي عليك الله ماقادره اسي انا..امشي ارتاحي طيب لحدي ماابوك يجي بعدين ونشوف حل للموضوع دا....
.........
احمد راقد بهناك في بيتو وبفكؤ كدا ياهاله تخلي البيت وتمشي وانتي عارفه اني محتاجك انتي شكلك بقيتي مابتحبيني زي الاول وانا خلاص حخليك على راحتك ولو طلبتي الطلاق حطلقك...
وهاله كمان راقده بجاي بتبكي وبتفكر ي ربي نحن الوصلنا للحاله دي شنو؟!!شكلو نحن خلاص حياتنا حتنتهي هنا...
.........
عبير \\انتي ياداليه هاله شالته شنطته ومشت ووين؟!!
داليه\\قالت ماشه بيت اهله
عبير\\ايواا ماشه زياره يعني...
داليه\\عبير خلي لفك ودورانك دا انتي عارفه ليهم كم يووم بتشاكلو هي واحمد واصلا دا الكنتي عايزاهو انتي يعني احتمال تقعد معا اهله وتاني ماتجيك نهائي...
(داليه بعد قالت ليها الكلام دا طوالي مشت خلتها)
عبير بقت تضحك ومبسوطه وقالت الاجري اكلم عواطف...
...........
جاء بكره واحمد مشا على شغلووو جاء معاذ عليهو وقاليهو خير مالك شكلك مدي على انك مانمته الليل كلوو؟!!قاليهو ااي والله مانمته هاله سابت البيت ومشت...معاذ بخلعه مشت!!مشت ووين..بيت اهله ياسيدي المهم خلينا في الشغل..
معاذ قاليهو الحمدلله الشغل ماشي فل وقدرنا نسدد القسط الاول للبنك
احمد قاليهو الحمدلله ودا العاوزنو..
معاذ هنا قال لاحمد انت يااحمد انا عايز اسئلك سؤال كدا محيرني صراحه...اتفضل ياامعاذ اسئل..
انت قلت ماعايز تبلغ الشرطه لاخوانك معقوله عايز تخليهم كدا بس؟؟!
احمد قاليهو الله عليك انا امبارح كنت بفكر في الموضوع دا برضو وفكررتا في كم خطه اول حاجه نحن لاذم نرجع الزبائن بتاعننا وتاني حاجه اضرب للطاهر خليهو يجيني اسي دا..
معاذ استغرب لمن احمد قاليهو اضرب للطاهر خلي يجي قاليهو الطاهر!!عايز بيهو شنو الطاهر احمد قاليهو اضرب بس ولمن يجي حتفهم كل حاجه.....