قلوب ملتحمه

الحلقه السابعه

احمد جاء قعد مع والدو حاج عبدالله وظاهر عليهو علامات الحزن والارق لكين لسه ماكلم ابوهو بالحصل وفي الاثناء دي عزام وحسن جووو خاشين عليهم...
عزام\\لاحول الله سمعنا بالحصل يااحمد ربنا يعوضك ان شاء الله
حسن\\وماتخاف نحن معاك لحدي ماتقيف تاني...
احمد\\شكرا ليكم مابتقصرو والله...
حاج عبدالله\\ليه هو الحصل شنو؟!
احمد\\مشكله بسيطه كدا ياحاج في الشغل""
عزام\\بسيطه كيف ياااحمد ونحن سمعنا قالو البضاعه كلها اتحرقت 
حاج عبدالله\\بضاعة شنو؟؟احمد
حسن\\للاسف ياابوي مخزن احمد كلو اتحرق وكان فيهو البضاعه الجات من الصين...
حاج عبدالله\\لاحول ولاقوة الا بالله ربنا يعوضك ياابني ربنا يعوضك...
احمد\\ان شاء الله ياابوي ان شاء الله...
...................
داليه\\لاحول الله وبتين حصل الكلام دا هاله؟!
هاله\\امبارح....
داليه\\ياحليلو احمد حيكون متئثر شديد
هاله\\ااي والله ياداليه لو شقتي حالتو امبارح غايتو بس حسبي الله ونعم الوكيل في العمل كدا..
داليه\\العمل كدا!!ليه هو في ناس قاصدين يعني عملو كدا؟!
هاله\\غايتو على حسب كلام عمار انو الشرطه قالت ليهو بفعل فاعل..
هنا داليه طوالي اتذكرت لمن جاء التلفون لحسن وانو في اليوم داك كان مقلق وماعلى بعضو ....
واثناء ما هاله قاعده مع داليه في بيتم عبير اتلبتت جات شافتم قاعدين ومشت عاينت بهناك لاحمد قاعد مع ابوهو واخوانو طوالي مشت على غرفتم وسريع سريع بقت تفتش في غرفتم عن الفرشه والمشط وفعلا لقتم وشالت منو خصل شعر واثناء ماهي طالعه لاقته هاله على الباب هاله بخلعه عبير!!بتعملي هنا في شنو ياعبير...عبير طبعا اتلبكت وماعرفت تقول شنو بعد شويه قالت ليها بتمتمه سمعتا صوت الشافعه بتبكي جيت نومتها ومشت طوالي هاله عاينت للشافعه وهي اصلا خلتها نامت واسي جات لقتها نايمه فكرت كدا وفي الاخر ماختت في راسه حاجه....
.................
عزام\\طيب انت اسي حتعمل شنو يااحمد؟!!
احمد\\والله ماعارف 
حسن\\ماتخاف يااحمد نحن معاك وان شاء الله حنحاول نقتي ليك حق الزبائن ونديهم من بضاعتنا..
..............
وبهناك عمار الزبائن متلمين ليهو جمب المحل وشابكنو انو لاذم يدوهم حقهم لانو تجارتم كانت واقفه على البضاعه دي ...
عمار\\ياجماعه الحصل دا مابيدنا وانتو مفروض تقيفو معانا في حاله زي دي..
واحد من الزبائن\\وطيب نحن حنئكل اولادنا من ووين دكاكينه فاضيه ومافيها بضاعه حنتاجر بشنو؟؟
عمار\\تتحله يااخوانا ان شاء الله بس انتو اصبرو علينا شهر واحد بس وان شاء الله نرضيكم كلكم..
الزبائن اتشاورو مع بعضم وقررو يمهلوهم شهر....