قلوب ملتحمه

الحلقه الخامسه عشر

داليه دخلت الاوضه وبقت تفتش وبهناك هاله منتظره مكالمه من داليه ماسكه تلفونه وماشه وجايه في الحوش امها تقوليها يابت تعالي اقعدي لفيتي راسي دا معاك^^قالت ليها ماقادره ياامي اصلو ماحيهدأ لي بال الا اعرف العملتو لي العواليق دا شنو؟!!وعلى فكره لو داليه مالقت حاجه في الاوضه انا بمشي اجرها من شعره واخليها تقول عن مكان العمل العملتو دا^^
امها قالت ليها سجمي تعملي كدا كيف وانتي اصلا مامتأكده من الكلام دا وعشان تبقي عارفه انا زاتي كلامك القلتيهو دا ماخشه راسي نهائي...
هاله جات قعدت جمبها وقالت ليها لالا والله ياامي انا متأكده انو عبير دي عملت كدا اصلا دي فعايله وبأي طريقه كانت عايزه تطلعني من البيت داك
امها قالت ليها تستاهلي الحصل ليكم دا انا كم مره قلت ليك زني ليهو في راسو واطلعو من سجم البيت دا ابيتي تسمعي الكلام تعالو ان شاء الله تقعدو معانا هنا مالو البيت كبير واصلا مافيهو غيري انا وابوك....
اتكلمتا وفترته ياامي لكين انتي عارفه احمد مابقدر يخلي ابوهو ويطلع من البيت لكين لو طلع انو بالجد عبير عامله حاجه وانا متأكده من كدا اكيد حيكون عندو وجهة نظر تانيه اصبري لي بس انتي وفي الاثناء دي داليه اتصلت على هاله
ااااي اهااااا لقيتي حاجه؟!!!داليه قالت ليها بري والله مالقيت حاجه هاله قالت ليها فتشتي كويس الدولاب وتحت السرير داليه قالت ليها ااي والله فتشته وبرضو مالقيت بعد شويه داليه عاينت في الركن في زهريه قاعده ولاحظت زي انها ماقاعده كويس قالت لهاله لحظه لحظه خليك معاي على الخط...............
..........
بهنا احمد ومعاذ قاعدين قصاد البحر وخاتين جمبهم قهوتم والهمبريب ضارب فيهم احمد قال لمعاذ الله يامعاذ ياااخي والله انابشكر لطلعه دي ياااخ فعلا غيرت جوو ومزاجي زاتو اتغير ونسيت همومي كلها
معاذ قاليهو معقوله ياخوه تشكرني تصدق انا زاتي كنت محتاج جوو جميل زي دا وان شاء الله بعد العلاقه بينك وبين هاله تتصلح نجي كلنا سوا هنا ونعمل قعده على الاقل نغير للاولاد جو كمان ويكون في تقارب اسري اقوا بينا كمان
احمد قاليهو اي والله يامعاذ غريبه ماجاتنا الفكره دي من زمان الخوف يكون اوانه فات
معاذ قاليهو لالا يازول ماتقول كدا اوانه ولافات ولاحاجه وان شاء الله بتشوف براك وبتقول معاذ قالي
احمد ضحك وقاليهو ان شاء الله يامعاذ ان شاء الله ارح نمشي بعد دا...
.................
هاله اهاااا يابت لقيتي حاجه ولا لا داليه بعد رفعت الزهريه ولقت الورقه قاعد تحته اااي يااهاله لقيتها لقيتا وهاله بهناك بقت تنطط من الفرح........
صادف انو عبير جات تتفقد الورقه وتغير مكانه واثناء ماخشت الاوضه لقت داليه ماسكه الورقه في يدها وبتتكلم مع هاله في التلفون عبير اتهجمت هجمه شديده خلاص ونططت عيونه قدر الليله وبكره داليه لمن شافته زاتها اتخلعت ومسكته خوفه لانها عارفه عبير ممكن تعمل شنو خصوصا في موضوع زي دا يكون فيهو فضيحه كبيره بالشكل دا المهم عبير قالت ليها انتي بتعملي هنا في شنو؟؟!!
داليه خلت التلفون فاتح وهاله بقت سامعه كلام عبير وسريع دست الورقه وراها قالت ليها بتمتمه كنت بنظف الاوضه لاحمد^^
عبير عاينت ليها بعين حاره وقالت ليها هوو طلب منك تظفيها داليه قالت ليها لالالا انا بتكلم مع هاله هي القالت لي كدا....
عبير قالت ليها اممممم ودا شنو الداسه وراكي دا؟!!!هنا داليه خوفه زاد وعرفت انها خلاص عبير دي عرفته عرفته وماف مفر غير تواجهه طلعت الورقه من يدها وابتسمت ليها ابتسامه فيها شر وقالت ليها دا مفروض انا اسئلك منو؟!!
عبير عاينت ليها كويس وقالت ليها جيبي الورقه دي وحزراك تفتحي خشمك بالموضوع دا^^
داليه ضحكت وقالت ليها ماخلاص انتي اتفضحتي واصلا هاله عرفت خلاص وعلى فكره هي حاليا بتسمع فينا بالتلفون الخط فاتح
هاله سامعه الكلام دا كلوو وتقول لامها انا ماشه لداليه تقوم عبير دي تعمل فيها حاجه وامها ماسكه فيها وحلفت ماتخليها
عبير لمن سمعت كلام داليه النار انطلقت جواها وبقت زي المجنونه وبقت ماشه على داليه وتقوليها جيبي الورقه دي وداليه راجعه منها لورا وتقوليها مابديك ليها لحدي مامسكو في بعض وبقو يتشاكلو
هاله لمن سمعت انهم بتشاكلو جري لبست توبه وطلعت سريع سريع وقفت ليها ركشه...
اهاااا ديل بجاي قايمه بينم مشكله كبيره خلاص شي ضرب وشي كفيت وشي جر شعر وزول حاسي بيهم ماف لحدي ماهاله وصلت وهي جاريه عايزه تخش البيت احمد ومعاذ كمان وصلو البيت احمد شاف هاله جاريه قال لمعاذ هاله دي مالا جاي جاريه كدا سريع سريع نزل من العربيه وكورك ليها وهاله ولااشتغلت بيهو الشغله وجرت خشت البيت لقت ديك متكفتات لسه احمد كمان جاء جاري وراها ولقاء المنظر داك قدامو لمن اتخلع المهم شويه شويه احمد ومعاذ قدرو يفكوهم من بعض واحمد بقاء يكورك فيهم في شنو انتو مجانين مالكم عاملين جوطه وشكله كنتو حتموتو بعضكم يعني لو ماجينا ولاشنو؟؟!!
في شنو ياداليه عبير تعاين ليها طبعا قلعت منها الورقه وبقت داسها في يدها تعاين لداليه وتقلب ليها في عيونه عشان ماتتكلم داليه قالت لاحمد اسئل عبير وخليها تطلع الورقه الفي يدها دي ....
احمد عاين لعبير وقاليها في شنو ياعبير وورقة شنو البتتكلم عنها داليه؟!!
عبير ماتكلمت هاله طوالي مسكته من يدها وقلعت منها الورقه بغضب وقالت لاحمد............