قلوب ملتحمه

الحلقه الثالثه

جاء بكره واحمد مشا على شغلوو....
معاذ\\اهااا يااحمد قررتا شنو؟!
احمد واثناء م هو عايز يتكلم جاء واحد خاشي ليهو...
الطاهر\\السلام عليكم استاذ احمد...
احمد\\وعليكم السلام الطاهر اتفضل...
(الطاهر قريب احمد من بعيد شويه شغال مع اخوانو)
تشرب شنو ياالطاهر؟!شكرا ليك والله جاهز...طبعا عارفني جاي لشنو انت!!
احمد صلحت قعدتو وقاليهو اسمعني ياالطاهر انت تمشي من هنا تقول لاخواني احمد قاليكم م عندو ليكم اااي قروش...
الطاهر طير عيونو واستغرب كيف احمد يقول كدا لاخوانو وهو عمرو م عمله وقاليهو اااي بس شغلنا واقف على القروش دي...
احمد قاليهو شوف ياالطاهر انت زول قريبنا وعارف الحاصل بيني وبين اخواني وانت عارف لو اديتم القروش دي م حيرجعوها تاني زي الحصل المره الفاتت...
الطاهر ردا ليهو انت جرب يمكن تكسبم تاني...
هنا معاذ بغضب قاليهو احمد دا قرارو نهائي وياريت ما تعصر عليهو اكتر من كدا...
الطاهر عاين لمعاذ وقاليهو اااي بس نحن كدا شغلنا حيقيف..
احمد هنا ردا ليهو بغضب وقاليهو ماانا المره الفاتت شغلي وقف وجيت اتكلمتا معاهم وانت قاعد وحاضر الموقف عملووو شنو بس الحمدلله لقيت ابن حلال اداني غرض وانا يادوب سددتا الديون العلي دي وبديت اقيف على حيلي جاين ترموني تاني...
الطاهر ردا ليهو بخيبة امل وقاليهو خلاص تمام يازول انت عارف انا ما عندي حاجه معاك بالعكس انت عارف كيف انا بريدك وبعزك....
احمد وانا كمان والله ياالطاهر ما عندي معاك مشكله وقاليهو بمداعبه كدا بس لو كان خليت الجماعه ديك وجيت اشتغلتا معاي امورك بتظيط....
الطاهر ابتسم وقاليهو ان شاء الله والله بفكر في الموضوع دا يلا سلام عليكم....
......
نجي البيت هنا وهاله لقت عبير واقعه في انور ضرب شديد طوالي جرت عليها وحجزت انور منها وبغضب قالت ليها مالك ياعبير في شنو بدقي في الولد كدا؟؟
عبير ردت ليها وبترفع السوط في وشها ولدك دا قليل الادب بنادي فيهو وماعايز يجيني...
هاله قالت ليها اول حاجه نزلي السوط دا من وشي وتاني حاجه اصلا ماف حاجه تخليك تضربي طفل بالطريقه دي عمل ااي غلط تجي تكلميني انا وبعرف اتصرف معاهو...
عبير ختت يدها في نصها وعاينت ليها بعين حاره وقالت ليها اصلا انتي مربيه عشان تعرفي تربي...
هنااا هاله مااستحملت القالتو ليها عبير وخلاص قفلت معاها شوفي ياعبير انا من قبيل محترماك وما عايزه اتكلم واذا كان على التربيه الحمدلله متربيه احسن تربيه وانتي عارفه كدا كويس واصلا لو مامتربيه كويس اسي كان شوفتي مني حاجه تانيه غير الكلام البتكلمو معاك اسي دا....
عبير اتنفخت وقالت ليها اااي اظهري وباني على حقيقتك وفي اللحظه دي احمد جاء خاشي سمع الجوطه جاء جاري عليهم وقاليهم في شنو ياجماعه صوتكم جايب اخر الشارع...
ردت ليهو عبير تعال شوف مرتك وقلت ادبه
احمد ردا ليها باستغراب هاله؟!!مالا
نطت هاله وقالت ليهو جيت لقيته بتضرب في انور بطريقه وحشيه جدا وانا قلت ليها ماعندك حق تضربيهو بالطريقه دي تعالي كلميني وانا بتصرف معاهو...
احمد كان عايز يقفل الموضوع وقاليهم خلاص ياجماعه حصل خير وساق هاله ومشا على غرفتو...
عبير قالت في سرها اماااا وريتك ياهاله ماااكون انا عبير بت عبدالله...
.......
عزام بغضب وضرب بيدو على الطربيزه كيف يعني قال مابيديك؟؟!!
الطاهر والله دا القالو لي هووو
حسن بغضب قلت ليك انا تاني مابدينا ماصدقتني انت...
عزام كوويس بوريهو انااا جيب العربيه ياااحسن وارح البيت...
.......
احمد بعد استحما وجاء طالع..
هاله تعال شوف عملت في ولدك شنو(اثار الضرب كانت ظاهره على انور)
احمد اهاا طيب كان مفروض اعمل ليها شنو ياهاله ادقها يعني وهي بت وفي الاول والاخر اختي الكبيره..
هاله وبغضب طيب كان تخليني انا اتصرف معاها..
احمد يااهاله لو ابوي كان سمع الموضوع دا ما كان بحصل خير وعلى ذكر ابوي انا ماشي اتكلم معاهو في موضوع مهم هو ان شاء الله يقدر يتقبل الموضوع دا بس خلي مشاكلكم دي..
هاله هنا سئلتو بفضوول موضوع شنو؟؟!
احمد اتئفئف وقاليها موضوع اخواني ياستي ماقدرتا اديهم القروش واحسن امشي اكلمو انا بدل يمشو يكلموهو هم ويذيدو من عندهم....
هاله بابتسامه الحمدلله والله ياااحمد مااديتم القروش..
احمد ابتسم ليها ابتسامه متكلفه وطلع مشا على ابوهو لقاهو بصلي بعد انتها من الصلاه جاء قبل ايدو وقاليهو تقبل الله يااابوي..
عبدالله منا ومنكم ياااابني سئلو من شغلووو وعامل كيف معاهو واحمد طمنو ابوهو قاليهو طيب ليه شكلك ما مطمني زي العايز تقول حاجه ماكويسه احمد شال نفس طويل وقاليهو في حاجه مهمه ياابوي عايزك تعرفه وفي الاثناء دي.....
....