قلوب ملتحمه

الحلقه الثامنه

معاذ\\هاله كيفك؟؟؟
هاله\\اهلين يامعاذ... 
معاذ سئله وين الشخص دا قالت ليهو قاعد جووه خش ليهو معاذ خشه ليهو لقاهو قاعد ولسه متئثر من الحصل قعد سلم عليهو وقاليهو
شنو يااحمد انت حتفضل كدا كتير ولاشنو؟؟احمد وطه راسو ..
معاذ قاليهو ماتوطي رأسك يااحمد انا عارف انت شايل هم الزبائن وانا اتكلمتا معاهم وادونا فرصه شهر نجمع نفسنا فيهو بس انت بطريقتك دي ولاحتى لو ادوك فرصه سنه ماحترجع ليهم حقهم...
احمد زي الامل رجع ليهو شويه بعد فكر شويه كدا قاليهو وانت فاكر نحن حنقدر نجيب القروش دي كلها خلال شهر
معاذ وهو متحمس جدا وعايز بأي طريقه يدخل طاقه ايجابيه في احمد كيف ماحنقدر انت عارف نحن سمعتنا وعلاقتنا كويسه مع تجار السوق وانا اتكلمت مع كم واحد وقالو مستعدين يمولونا ببضاعه نتصرف فيها ونشيل قرض من البنك ونقيف من تاني وبكدا نكون كسرنا عين العمل فينا كدا ووريناهو انو نحن اقوا من الظروف....
هنا احمد استغرب وقال لمعاذ العمل فينا كدا قصدك شنو بالجمله دي؟!!!! معاذ زي اتلبك شويه وقاليهو انا في الاول ماكلمتك عشان اعصابك كانت بايظه..
احمد قاطعو وقاليهو قصدك شنو يامعاذ... معاذ قاليهو في التحريات بتاعت الشرطه اثبتت انو الحريق ولعوهو ناس مقصود يعني...
هنا احمد اتصدم صدمه كبيره وقاليهو دا منو ليهو مصلحه يعمل كدا ونحن اصلا ماعندنا مشاكل مع زول في السوق عشان يعمل فينا كدا
معاذ قاليهو ااي نحن ماعندنا مشاكل مع زول في السوق لكين العمل الحريق دا ماالا يكون من نفس السوق مش يمكن انت عندك اعداء في حته تانيه...
احمد عاين لمعاذ وفكر شويه كدا وقاليهو ماتكون بتلمح بكلامك دا لاخواني؟!!!!معاذ سكت ماردا ليهو
احمد قاليهو لالا مستحيل اخواني يكونو بكرهوني للدرجه دي مستحيل....
........................
عواطف اهااا يابت قدرتي تجيبي القالو ليك الشيخ...
عبير بخوفه وطي صوتك قدرتا ااي لكين انتي متأكده من شيخك دا
عواطف جرته من يدها كيفن دا كلامك ارحكي وساقته مشت على الشيخ....
....................................
فايزه جات على الغرفه لقت الطاهر سرحان وبالو بعيد وهي لاحظت انو ليهو كم يوم طوالي بكون سرحان كدا قالت تسئلو تشوفو مالو؟؟!!
بصوت عالي قالت ليهو ااانت ياالطاهر الطاهر لمن اتخلع ونطه من سريرو طير عيونو وقاليها والله انتي يامره كانت ماقتلتيني اصلك مابترتاحي....
عاينت ليهو ولوت خشمه قاليها اهاا مالك دايره شنو؟؟!!
قالت ليهو انت طوالي الايامت دي انا ملاحظه ليك بتكون سرحان خير ان شاء الله فكرتا تجيب التانيه ولاشنو؟!!الطاهر حمر ليها وقاليها اسي عليك الله الهجمه الهجمتيني ليها دي كلها عشان تسئليني سؤالك دا اطمني لافكرتا اجيب وحده تانيه لاشئ التفكير دا كلو في الشغل وانقلعي امشي اعملي الغدا خلينا نتغدا....
...................
عزام\\ههههههههه شايف كيف كل الزبائن الكانو بتعاملو مع احمد قبلو علينا وبكدأ نحن حنبقا الاوائل ان شاء الله
حسن\\ههههههه بس انت عارف انا خايفو بقوم تاني...
عزام\\وووين تاني مابقوم اسي ولحدي مايقوم نكون نحن سيطرنا على الزبائن ديل
حسن\\والله ان شاء الله ياااخي ووين الطاهر الليله؟!!
عزام\\الطاهر الليله قال تعبان قلت ليهو اخد اليوم اجازه...
..........
عبير مدت الشعر للشيخ وهي خايفه وسئلتو اهاا يامولانا حيفترقو بتين؟؟!! الشيخ عاين ليها بنظره مخيفه وبقااا يعمل في حاجات ويكتب في ورقه وفي الاخل دخل فيها الشعر وطبقه وقاليها امسكي الورقه دي وتمشي تختيها في غرفتم وبعداك شويه شويه الجماعه بتقوم مشاكل بينم وبفترقوو....
....