قلوب ملتحمه

الحلقه السادسه عشر

هاله بعد قلعت الورقه رفعته لاحمد وقالت ليهو دي سبب النحن فيهو دا!!!احمد استغرب ومافهم قاليها سبب النحن فيهو كيف يعني قصدك شنو؟!!!
هاله مسكت عبير من يدها قووي وعاينت ليها بغضب شديد وبقت تقول لاحمد يعني دي البسببه المشاكل قامت بينا دي الكنه حنطلق بسببه مشت وعملت لينا عمل عشان تفرق بينا!!!
حاج عبدالله بهناك سمع الجوطه القايمه دي وجاء يشوف الحاصل شنو؟!!وكمان حسن وعزام جوو داخلين من الشغل لمن حسن سمع الجوطه قال لعزام دي شنو الجوطه الحاصله جوووه دي؟؟!!
عزام قاليهو ماعارف والله تعال نشوف....
احمد لمن سمع كلام هاله وفهمو بقااا ماعارف يقول شنو ولا يعمل شنو؟!!جاء داخل حاج عبدالله سئل الحاصل شنو ياجماعه ماف زول جاوبوو وحسن زعزام لمن سئلو احمد اتفجر فيهم وقاليهم في شنو؟!!انتو بتسئلو في شنو؟؟!!!ماتقتلوني ياااخي وترتاحو مني احسن بدل العزاب المعيشني فيهو دا...
عزام قاليهو مالك يازول انت مجنون ولاشنو عملنا ليك شنو نحن؟؟!!
احمد قاليهو ايوااا ياااخي مجنون والجنون دا جاني بسببكم انتو ديل وحده عامله لي عمل عشان تفرق بيني وبين مرتي يااخي لو ماعملتي حساب لينا اعمل حساب لاولادنا الصغار ديل يااخي زنبهم شنو يكبرو من غير ابوهم ولا امهم.....
وانتو يابشوات تحرقو بضاعتي تحرقو شقاا عمري ليه ياااخي عشان مااديتكم قروش انا حر يااخي مابديكم بس برضو راعيت ومابلغته عنكم الشرطه عارفين ليه عشان انا احسن منكم عشان انا براعي حق الله في صلة الرحم البيني وبينكم دي...
حسن وعزام لمن سمعو الكلام بقووو مخلوعين وماعارفين مكان يخشووو حاج عبدالله لمن سمع الكلام دا اتهجم هجمه شديده خلاص لانوو مااتوقع اولادو بعملو في اخوهم كدا بقااا يسئل فيهم الكلام دا صح
ماف واحد فيهم عايز يجاوبو شال عكازو وبقاا يضرب فيهم ويبكي ويقوليهم دي تربيتي فيكم دا اخوكم لحدي مابقااا يتعب ووقع في الارض ساكت........
جرووو عليهو وبحاولو يصحوو فيهو ماف فايده سريع سريع شالوهو على المستشفى لمن وصل ودخلو على الغرفه الدكاتره لقوو النبض بتاعوو ضعيف جدا حاولو بالصدمات الكهربائيه يقوو النبض بتاعو ماف فايده..
بعد شويه الدكتور جاهم طالع احمد جاء عليهو سئلوو طمني يادكتور ابوي بقااا كيف؟!!!
الدكتور عاين ليهو وقاليهو للاسف ماقدرنا ننقذ ابوك الدوام لله شد حيلك^^
الكلام دا نزل على احمد زي الصاقعه وكلهم بقوو واقفين مخلوعين من الكلام دا وزي المامصدقين احمد مشا الغرفه المرقدين فيها ابوهو لقاهم مقتين ووشو بالملايه فتح وشوو وبقااا يبكي بطريقه ماعاديه ويلوووم في نفسوو ويقول انا السبب جاتو هاله تصبر فيهو وتهديهو اهدأ يااحمد استغفر ربك كلنا موعودين باليوم دا ماف زول دائم....
بعداك شالوو الجثمان وغسلوهو وتم الدفن بتاعووو.......
>>>>>>>>>>>>>>>>>>>>>>>>>>
بعد مرور شهر من الوفاه...........
معاذ مبروك البيت الجديد يااحمد|||الله يبارك فيك ياامعاذ اخيرا كدا الواحد ياخد نفسوو
داليه والله ماشاء الله ياهاله البيت كبير وسمح ياحليك والله تاني حشتاق ليك هناك...
هاله وتشتاقي لي لشنو بيتي فااتح ليك اربعه وعشرين ساعه يااختي وقت ماتحبي تجيني وانا زاتي بجيك ان شاء الله.....
.........
بكره عزام وحسن اتصلو على احمد وطلبو منو يجي عشان يوزعو الورثه وفعلا احمد جاهم....
احصوو الاملاك وفي الاحصاء دي احصوو معاهم محل احمد....
احمد قاليهم اول حاجه انا محلي ابوي مسجلوو لي بأسمي واعتقد كدا ماعندو علاقه بالورثه...
الجماعه طبعا شموو الوضع لانو كانو خاتين المحل قصاد عينم المهم بعد وزعو واحمد طلع منهم....
حسن قال لعزام اهاا العمل شنو؟؟!!
عزام قاليهو ماتخاف من الورثه دي ماحيلحق اااي حاجه والكلام دا على ضمانتي.....
حسن قاليهو والكلام دا حيحصل كيف؟!!!عزام ابتسم ليهو ابتسامه فيها شر كدا وقاليهو بتعرف بكره....