قلوب ملتحمه

الحلقه الخامسه

عبير وهي بتتكلم مع جارته عواطف وكان شفتي اليوم داك عشان دقيت ولده قايمه وقاعده لكين انا كان ماوريته التصبر لي بس...
عواطف انا ماكلمتك بالكان قعد تعملو معاي نسيبتي؟!كلمته وحده صحبتي ساكنه جمبنا هناك ساقتني ودتني لشيخ ولي الليله نسيبتي ماشفتا منها شي تاني...
عبير باستغراب شيخ شنو كمان ياعواطف...
عواطف وطت صوته وجات عليها والله ياعبير ارحكي اوديك للشيخ دا والبعملو فيها ماف زول يقدر يطلعو منها...
عبير وهو بعمل فيها شنو؟!ااي حاجه انتي دايراها يجننا ليك تحصل مشاكل بينا وبين راجله وتحلف الا تتطلق وغيرو كتير...
عبير نطت وقالت ليها بس تحصل مشاكل بينا وبين راجله دي الانا عايزاهو يطلقه ونتفكه منها وبعداك نتفكه منو هو كمان قووومي ارحكي ليهو.....
............
عزام\\كويس هو عامل فيها معلم صح انا بوريهو حركاتو دي كيف؟!
حسن باستغراب حنعمل ليهو شنو يعني؟؟
عزام حخسرو زي ماخسرنا واكتر كمان..
حسن\\كيف الكلام دا
عزام\\انا سمعتا الليله بضاعتو حتصلو واكيد ماحيجو الزبائن يستلموها الليله طوالي حيختها في المخزن..
حسن\\اهااا نسرقه يعني قصدك ولاكيف؟!
عزام بغضب نسرقه شنو انت غبي حنحرقه..
حسن اتخلع نحرقه كيف انت مجنون..
عزام اسكت وطي صوتك نحن اصلا كدا كدا ماحنظهر في الصوره انا حئجر كم واحد كدا وهي الحينفذو العمليه نحن مالنا..
حسن\\والله ما عارف لكين مامطمن للكلام دا
عزام\\ياااخ اسكت انت وخليك بعيد انا حتولى الكلام دا كلوو شال تلفوونو واتصل على واحد وكلمو بالعايز يعملوو والزول الاتصل عليهو دا وافق على الموضوع ليكن قبيل ساعة قاعدين يتكلمو هو واخوهو حسن الطاهر سمعم وقعد يفكر بينو وبين نفسو يمشي يكلم احمد ولا لا...
............
احمد\\اخيرا ووصلتا البضاعه دي ياخالد والله بالغته عديل..
خالد وهو بضحك دي الشاحنه العملتو فينا ياااخ كيف اخبارك؟!
احمد\\بخير والله الحمدلله امورك شنو انت؟؟
خالد\\ميه ميه والله ياااحمد الحمدلله ووين معاذ؟!
احمد\\طلع اسي يجيب شاي ويجي
(وفي الاثناء دي جاء خاشي معاذ)
معاذ\\معقوله خالد منورنا الليله بجاي..
قعدو وشربو جبنتم وشايم واتونسو وخالد خلاهم مشا وعايزين يقفلو الدكان خلاص وماشين على بيوتم...
احمد\\البضاعه نزلتوها في المخزن صح...
معاذ\\ااي في المخزن وكلووو تمام
احمد\\تمام بكره لاذم نفتح بدري عشان الذبائن مستعجلين لبضاعئم دي..
معاذ\\خير ياازول ان شاء الله
..................
وبجاي عبير وجارته عواطف وصلو للشيخ وقعدو معاهوو
الشيخ\\دايره شنو انتي؟!
عواطف\\بري مادايره انا دايره صحبتي دي...
عبير بتردد انا عايزه افرق بين اتنين..
الشيخ\\اممممم اتنين كيف يعني؟؟
عبير\\مره وراجله..
الشيخ عاين ليها وابتسم وقاليها لكين دا بيكلفك كتير 
عبير مامشكله القروش بس المهم يتفرقووو
الشيخ قاليها تجيبي لي من كل واحد فيهم شعره وبعداك انا بقدر اتعامل معاهم...
........
احمد وصل البيت ولقا هاله متظبطه ومتجيه ليهوو..
احمد\\الله الله دا شنو الليله الجمال دا كلوو؟!
هاله ابتسمت ابتسامه خجوله في الاول بعداك قالت ليهو يعني الايام الفاتت كنت قعد اكون شينه؟!
احمد طير عيونو وقاليها لالالالاطبعا بس الليله زايده حلاه يعني وبعدين طوول عمرك جميله وحلووه انتي...
..........
بهناك الطاهر راقد في سريرو ويفكر ويقول في نفسووو ياربي اسي انا اعمل شنو اكلمو ولا لا انا خايف لو كلمتو اخوانو ديل يعرفو ويقطعو رزقي لالالا هي لو بقت على الرزق مامشكله ديل ممكن يعملوو فيني حاجه مجانين وبعرفم انا غايتو الاحسن لي انسى الموضوع واتعامل كأني ماسمعتا حاجه...
جاتو مرتو فايزه تقومو للعشاء اتخلع ونطه...
فايزه\\بسم الله ياراجل مالك؟؟؟
الطاهر\\ياالله يافايزه يااخي قلت ليك مية مره ماتجيني فجأه كدا
فايزه\\اجيك فجأه شنو ياالطاهر انا جبتا الطربيزه جمبك وختيتها وجبتا العشاء ختيتو فيها ودا كلوو انت ماحاسس بي...
الطاهر\\اااااااه حاسس بيك ااي حاسس بيك اكلي اكلي...
......................
زي الساعه وحده ليلا عزام صاحي ومنتظر الجماعه يدوهو خبر العمليه تمت ولالسه قالو ليهو انو العمليه تمت والمخزن اتحرق طوالي اتصل على اخوهو حسن عشان يوريهو...
حسن وهو صاحي اصلا منتظر المكالمه من اخوهو التلفون ضرب ردا عليهو وعزام وراهو انو العمليه تمت...
داليه\\امممم دا منو ياحسن الاتصل في الوقت دا..
حسن بخوفه وخلعه دا دا عزام اتصل قالي حاجه بخصوص الشغل:...