قلوب ملتحمه

الحلقه التاسعه

احمد ومعاذ سعووو لحدي ماقدرو يئمنو بضاعه يمشو بيها حالم وشالو قرض من البنك كفو الديون العليهم من التجار ....
احمد شال نفس طوويل وقال لمعاذ الله يامعاذ انت عارف انا نهائي مااتصورتا نقدر نقوم من تاني ...جاوبو معاذ بابتسامه عيب عليك انت زول مؤمن وعارف ماف حاجه بعيده من الله..
احمد قاليهو والنعمه بالله يامعاذ لكين انا الشاغل بالي وموترني عايز اعرف دا منو العمل كدا دا الشرطه لسه ماادتك خبر بامعاذ ...لسه والله يااحمد ماف ااي اقوال منهم....
.............
الطاهر قاعد في بيتو ولسه بالو مشغول قام قرر انو يفاتح فايزه زوجتو في الموضوع دا ويشوفه تفوليهو شنو؟؟فايزه..فايزه
ردت ليهو فايزه وهي في المطبخ بتعمل في حلته اااي ياااالطاهر...تعالي عايزك في موضوع فايزه جاتو اهااا مالك الحله في النار 
الطاهر قاليها الحله شنو كدي اسمعي كلامي دا وريني اعمل شنو؟؟!الطاهر حكى ليها الحصل كلوووو...
سجمي ياالطاهر ديل اخوانو العملوو كدا؟؟ّاااي والله يافايزه تصدقي فايزه مطيره عيونا ومهجومه ياكافي البلا ديل اخوان شنو ديل وانت كمان كنت عارف ياالمايل وما كلمتو؟!!الطاهر طير عيونو اهاا اعمل شنو انا خفتا عليك انت والولاد لو الناس عملو فيني حاجه حتمشو ووين؟؟؟!!بنعرف مكان نمشي نحن وقوم اسي من محل دا كلم احمد وريهو الحصل خليهو يعرف انو ديل ما اخوانو ديل اعدائو وشيل الذنب دا من عليك قووم ياالطاهر قووم...
الطاهر شده حيلوو ومشا على احمد عشان يكلمووو.......
...........
حسن وهو زهجان وقافله معاهو ماقلت ليك بقوووم تاني شبكتني تاني مابقوم بسهوله هندا قااام في 15يووم بس 
عزام قاليهو اسكت ياحسن عليك الله يااخي وخليني افكر حنعمل شنو؟؟حسن قاليهو بعد ماكسبنا الزبائن الخوف يختفم مننا تاني...
عزام اتلفت عليهو وقاليهو لالا الزيائن مابقدر عليهم تاني اسي نحن لاذم نعمل ليهم حاجه عشان نضمن كدا ميه في الميه...
.....................
داليه وعبير وجارتم عواطف قاعدات يتونسو بعد شويه عبير جرت عزاطف بعيد وقالت ليها انت شيخك دا غشاني ولاشنو؟؟لسه ماشوفتا ااي حاجه انا؟!!عواطف طيرت عيونه وقالت ليها اصبري حبيبتي الصبر طيب وان شاء الله قريب بتشوفي المفعول
داليه شكت في ملعوب بحصل بين الاتنين ديل...
...........
الطاهر وصل لدكان احمد وخشه بعد سلم عليهم واخدت ونستو معاهم وشرب كباية شايو قال لاحمد احمد انا داير اقوليك كلام مهم جدا
احمد استغرب وقال في نفسو الطاهر دا عايز يقولي شنو ياربي؟!!ردا ليهو اتفضل ياالطاهر موضوعك شنو؟!!
الطاهر حكى ليهو الحصل يالتفصيل واحمد بقااا مهجوم وماعارف يقول شنو؟!!
معاذ قاليهو طيب انت مدام عرفتا ماكان تجي تكلمنا قبلي الحريق جاي تكلمنا اسي حنستفيد شنو بعد خسرنا كل حاجه...
الطاهر قاليهو لانو كنت خايف على نفسي وعلى اكل عيشي اولادي ماعندهم غيري وانت عارف كدا كويس يااحمد
احمد لسه مصدوم وبعاين لطاهر بغضب وقاليهو الطاهر قووم امشي..الطاهر قاليهو حاضر انا حامشي بس عايز منك تسامحني وياريت ماتوريهم اني جيت كلمتك لانو انت عارف ممكن يعملو فيني شنو؟؟!!وقااام مشا وفي الاثناء دي تلفون احمد ضرب....
...............