قلوب ملتحمه

الحلقه السادسه

الصباح بدري زي الساعه 6\30 كدا....
هاله\\احمد...احمد
احمد بكسل ما فتح عيونو زاتو اممممم
هاله\\قووم مش قلت الليله عايز تمشي الشغل بدري
احمد طوالي فتح عيونو وقام مشا الحمام استحما واتسوك وشرب الشاي وجهز(يلا خلاص انا طالع)
اتحرك احمد على شغلوو واتصل على معاذ عشان يجيهوو وصل احمد على المحل وكانت صدمتو لمن شاف الدخان طالع من المخزن طوالي جرا عيهو لقاء كل البضاعه محروقه اتصدم وقعد على الارض وفي الاثناء دي معاذ جاء خاشي ومصدوم لقاء احمد قاعد في المخزن وخاتي يدو على راسو..احمد..احمد قووم قووم حتتحرق واحمد لسه ما مجمع ولا سامع كلام معاذ...
معاذ جراهو من يدو وقفو على حيلو وساقو طلع بيهو برا...
............
عزام وحسن طالعين على شغلم بعد ركبو العربيه...
حسن\\انت متأكد من ناسك ديل لو اتقبضو ماحيفتونا معاهم
عزام\\يااالله ياحسن ياااخ قلت ليك اطمن ماف زول حيعرف كدي اسي خلينا نمشي نشوف من بعيد بعيد الحصل شنو
>>>>>>>>
شويه شويه احمد ابتدت صدمتو تخف لحدي ماوصلت الشرطه وابتدو يعملوو في التحريات ....
معاذ\\امسك اشرب المويه دي يااحمد
احمد مسك المويه شرب منها وهو برجف وقال لمعاذ اسي حنقول لزبائن شنو؟!حنودي وشنا وين منهم ديل ممكن يفتحو فينا بلاغ ويودوني في خبر كان
معاذ\\لالا ماتقول كدا يااحمد هم حيتفهمو الوضع وان شاء الله حيصبرو علينا
احمد\\وحتى لو صبرو انا تاني حجيب من وين؟!
معاذ\\تدبر ان شاء الله يااحمد انت بس اهدأ وارح اوديك البيت عشان ترتاح شويه ...
في اللحظه دي الضابط المسؤل نده على معاذ وقاليهو انو من خلال التحريات وضح انو الحريق دا بفعل فاعل وسئل لو عندهم اعداء ممكن يعملوو كدا معاذ ماحبه يجيب سيرة اخوان احمد بس قاليهو انا شخصيا ماعندي واسي احمد في صدمه مابقدر يجاوب على حاجه انا بوديهو البيت يرتاح وبعداك بستفسر منو وبديك خبر...
معاذ ساق احمد على البيت ولمن وصلو على البيت احمد كان تعبان شديد وظاهره عليهو علامات التعب هاله شافتو اتخلعت سجمي احمد مالو؟!
معاذ ردا ليها دقيقه يااهاله حفهمك كل حاجه بس خليهو يرتاح وصلو احمد على غرفتو ورقدهو ولسه هو في حالة صدمه...
هاله\\طمني يامعاذ احمد مالو؟ّ!
معاذ وظهرت عليهو علامات الاسف والله ياهاله للاسف كل بضاعتنا اتحرقت...
هاله\\ووااااي اتحرقت!!!!
معاذ اكتفا بهز راسو...
هاله\\لاحول ولاقوة الا بالله وحصل كيف الحريق دا..
معاذ\\والله انا العرفتو من الشرطه انو الحصل دا بفعل فاعل..
هاله بغضب بس ديل بكونو اخوانو ديل اصلوو ماف غيرم
معاذ\\وطي صوتك ياهاله لسه احمد انا ما كلمتو بالحاجه دي خليهو لحدي مايروق بعدين نكلمو واسي انا ماش اكمل الاجراءت مع الشرطه واشوف لو في حاجه لسه مااتحرقت.....
...................
احمد وهو راقد وبفكر ااااااخخ يااحمد حتعمل شنو اسي وحتجيب حق الناس دا كلو من وووين؟!هاله واولادي حيعملوو شنو من بعدي واثناء ماهو بفكر في تفكيرو دا جات هاله تتكلم معاهو..
هاله\\اتصبر يااحمد دا كلو امتحان من رب العالمين وان شاء الله حيفرجه..
احمد اترمه في حضن هاله وبقاا يبكي زي الطفل خله هاله كمان تتفقع بالبكاء معاهو ودي كانت اول مره تشوف فيها احمد ضعيف للدرجه دي....
....................
عزام\\نحن لاذم الليله نحتفل بالانتصار دا ههههههه
حسن\\طوول عمرك شقي انت
عزام\\كيف اتعلم وشوف من اخوك الكبير
في اللحظه دي الطاهر جاهم خاشي ولقاهم مبسوطين وبضحكو قاليهم خير ياجماعه في شنو الليله مبسوطين كدا...
عزام وحسن اتكبكو ردا ليهو عزام \\تعال اقعد ياالطاهر مبسوطين عشان وقعنا على صفقه مهمه وحترفعنا فوق ان شاء الله...
الطاهر\\ههههه االف مبروك والله وقعد وبقااا يفكر بينو وبين نفسو اكيد لو كان في صفقه وقعو عليها كنت حعرف ياربي يكون عملووها وحرقو بضاعة اخوهم
وفي اللحظه دي جاء واحد خاشي شغال معاهم كلمم بالخبر بتاع الحريق وانو بضاعة اخوهم اتحرقت طبعا اظهرو علامات الحزن وانو زعلانين على اخوهم لكين جواهم مبسوطين والطاهر طبعا عرف طوالي انو ديل هم وبقااا يقول في نفسو لا اله الا الله محمد رسول الله بالله ديل اخوان ديل سبحان الله نحن في اخر زمن فعلا بس انا كدا اعتبر مشارك في الجريمه دي لاني كنت عارف وما كلمتو ياريتني كلمتو ياااخ...
عزام\\الطاهر...الطاهر..
الطاهر\\اههه اي اي
عزام\\سرحان وين انت نحن ماشين لاحمد خلي بالك من المحل..
.................