قلوب ملتحمه

الحلقه العاشره

الاتصال كان من هاله احمد قفل الخط.....
معاذ قال الاحمد اهاااا يااحمد نمشي بلغ الشرطه...
احمد عاين ليهو وقاليهو لالالالا انا بعرف اتصرف معاهم كويس وهم الاختارو كدا بس اهما حاجه ماف زول يعرف بالموضوع دا غيرنا....
معاذ استغرب من كلام احمد وقاليهو قصدك شنو يااحمد؟!!احمد قاليهو مع انو دايما تعاملم معاي سيئ الا برضو ما كنت بفكر يوم بئذيهم لكين من الليله تعاملي حيختلف تماما...
معاذ عرف انو احمد ناوي على شر قاليهو اواعا يااحمد تعمل حاجه تندم عليها بعدين...
احمد قاليهو اطمن ماحعمل حاجه اندم عليها...
.............
داليه وحسن قاعدين في غرفتم وبتكلمو داليه قالت لحسن عايزه اسئلك سؤال؟؟!!!
حسن استغرب داليه دي عايزه تسئل من شنو؟!!قاليها اهااا سؤالك شنو؟؟!!قالت ليهو انا ليه حاسه انكم عندكم ايد في الحصل لاحمد دا؟!!
هنا حسن اتلبك وماعرف يرد يقول شنو؟!بعد شويه ردا ليها بغضب انتي مجنونه ولاشنو؟!جبتي الكلام دا من وين؟!!داليه اتخلعت وخافت من ردت فعلوو قالت ليهو قلت ليك حاسه مجرد احساس بس..
حسن قاليها احساس يخليك تظني فينا ظن سئ زي دا وطلع من الغرفه.....
...................
احمد جاء راجع على البيت من الشغل قابلتو هاله زهجانه وقافله معاها وقالت ليهو اخيرا شرفتا البيت؟!!احمد استغرب من ردت فعلها وقاليها في شنو ياهاله مالك ماانتي عارفه كنت في الشغل..
قالت ليهو شغل شغل حياتك كلها شغل انت ولامهتمي بينا بقيت زاتو تطلع من الصباح تجي راجع ترقد تنوم حرام عليك ياااخ راعي اني زوجه وعندي حقوق عليك...
احمد قاليها انتي عارفه كويس انو لاذم اعصر نفسي الايام دي في غروض شايله من البنك ولو ما دفعتها ممكن اتسجن وبعدين دا ما كلامك طول عمرك بتصبري علي في شنو اسي؟!!
قالت ليهو زهجتاا ياااخ وتعبتا بقيت ماعارفه القاها منك ولامن اخوانك...
احمد ياالله من الاسطوانه البقيتي تعيديها كل يوم دي في شنو ياااخ انا كل يوم اجي هنا تعملي لي اااالف موضوع وموضوع
قالت ليهو بجيبه من راسي المواضيع دي ماانت البخليني افتح المواضيع دي... 
زهج من كلامه وقاليها اهااا مش البيت دا خليتو ليك وطلع...قالت ليهو ااي امشي وخليني امشي يااحمد...
...................
عبير سمعتم يشكلوو واتبسطت وجرت على جارته عواطف توريها انو العمل بقااا يجيب مفعول..
...............
طلع مشا قعد في الجبنه واتصل على معاذ جاهو....
معاذ لقاهو زهجان وقافله معاهو قاليهو خير ياازول مالك شكلك زهجان كدا؟!!احمد ردا ليهو بعدم نفس كدا هاله ياااخي بقت جنها مشاكل كل يووم بتجيب لي مشكله جديده بقيت ماعارف اتعامل معاها زاتو..
معاذ ردا ليهو باستغراب معقوله هاله دا نحن كنا بنحسدك عشان عندك مرا صبوره زيها ...احمد قاليهو ماادا الشي المحيرني زاتو فجأه بقت مابتستحملني وحاسي انها بقت مابتحبني زي الاول ...معاذ حبه يطمنو وقاليهو لالا يازول عادي الامور دي بتحصل في كل بيت وعندك انا اقرب مثال كل يوم في مشاكل مع مرتي نعمل شنو غير نستحمل يس ونصبر..
احمد لينا خمسه سنه نحن ما كان بحصل معانا كدا وانا زاتي بقيت خلاص ماقادر استحمل مع المشاكل الكتيره العندي دي..
............
هاله بهناك زهجان ودايره تتشقه وتلملم في شنطته وتتكلم مع نفسه كويس يااحمد مش يتمشي وتخليني انا حمشي واخلي ليك البيت كلوو امشي ياانور جيب هدومك من هناك...انور نحن ماشين ووين ياامي؟؟!!ماشين ناس جدو جبيبي امشي جيب هدومك انور قاليها وابوي ماحيمشي معانا...ماحجي بعدين امشي جيب الهدوم خلينا نمشي....