عزام
:
توتر كثيرآ وهو يهز رجليه ..
حط ماجد
يده على يده عزام وضغط عليها يحاول
يهدي من توتره وابتسم
له يحاول يهديه ..
قليلآ وهو يلمح الموظف قادم لهم
وقف على حيله .. وهو يستعجل
بنفسه اللقاء ..
الموظف : لو سمحت المدير يبيك
مشى عزام خلفه وطلب منه ماجد يروح لحاله
يشوف موضوعه
دخل على المدير وهو يتنفس ببطئ
المدير : حياك تفضل اجلس
جلس عزام بصمت
وكمل المدير كلامه
المدير: انا مستغرب ياخوي
انا بعد 16 السنه تسألون عن النزيله
عزام : انا ماكنت ادري انها موجوده هنا
استغرب المدير كلامه
المدير : كيف ماتدري مو هذي جدتك
توتر عزام اكثر هل يقوله قصته
وفضل السكوت
عزام : المهم ماكنت ادري وخلاص
المدير : انا ناديك هنا عشان
اقولك انك تاخرت
عزام : تاخرت ليش ؟
المدير : جدتك توفت من خمس سنين
تلون وجه عزام وارتعش جسمه
اخر خيط للوصوله لخواله انقطع
حس عليه المدير وقام من كرسيه
المدير : باين عليك وراك قصه
مثل جدتك
عزام اللي ماكان يسمع المدير وش يقول
وقف على حيله ومشى خارج الغرفه
والمدير يناديه بدون لا يلتفت له
وصل ناحيه ماجد وهو شبه شارد
وكلمه ماجد ولا رد عليه
مشى ماجد وراه وراح
عزام يركض بعيدآ عنه
حاول ماجد يلحقه
وفجئ اختفى عن انظاره ..
كان يبي يبعد الى ابعد مكان
بعد ما احس ان كل باب في وجهه
يتسكر ..
جلس عند احدآ الزوايا
وبدأ يجهش بالبكاء
وهو يمسح باطراف كمه دموعه
حاول يقاوم شعور الوحده والغربه
وهو يحس كل اللي حوله غامض
وهو يردد بنفسه
اليوم لازم استسلم ..
مافي مكان لي غير بيت عمي
وآتجه لبيت عمه ناصر ..
:
:
بيت ام ريان
:
رفع عن عينه خصله
شعره وهو يلعب بيده الاخرى
في شعره ..
تأفف بكل نعومه
وهو يسمع كلام امه
ام ريان : قلت بتتزوج هالبنت يعني بتزوجها
ريان : مامي شنو اتزوج بنت
ام ريان : لو ماتزوجت بحرمك من كل شي
ريان : يووه مامي مافي شي بالغصب
ام ريان : فضحتني انت ابي اثبت للناس
انك رجال وتتزوج
ريان : وانا شكو بالناس حياتي وكيفي
ام ريان : مابيك تعارضني ولا مايحصل خير
دق بهالوقت جوال ريان
وشاف المتصل وابتسم بدلع ..
وقام عن امه وهي تكلمه
اتجه للغرفته
وهو يرد : هلا حبيبي ..
اما ام ريان
اللي انزعجت كثير من وضع ولدها الوحيد
وكلام الناس عنه وعنها ..
مالقت حل الا تزوجه بنت لقيطه
تستر على ولدها دام مافي بنت عائله
ترضى عليه ..
لحظات ورن تلفون البيت
وكان المتصل ام طلال
بعد ماتبأدلوا السلام
والسؤال عن الحال ..
أم طلال : انا موافقه على ريان
ام ريان : كنت عارفه انك ماترديني
وبعدين البنت لقيطه
أم طلال : تراها بحسبه بناتي لا تقولين لقيطه
ام ريان : العذر ام طلال
بس متى تبين نجي نحدد كل شي
ام طلال : حياكم بأي وقت
بس انا عندي طلب
ام ريان : امري انتي مو تطلبين
ام طلال : مابي احد يدري عن الخطبه
لين نملك والملكه قريبه يعني بهالاسبوعين
ام ريان : ولا يهمك والملكه انا كنت ابيها
أم طلال : اجل حياك باي وقت يناسبك
أم ريان : ان شاء الله بكره
وسكرت منها ام ريان
وحست براحه وهذي الموافقه وتمت
