الأخيـــــــر
ويبقى صوتـ الأنسانيه
يصرخ بـوجع في ألان الصماء ..
وتمضي الأيـام ..
:
مزون
بعد مافاقت من صدمتها
ذهبتـ لـ سديم .
حتى تسألها
سمعت من اهلها ألاسباب
لكن تبي تسمع منها ..
ومالقت الا بقايا حطام
وانسانه شبه ميته
الا من صوت انفاسها
حست بالحزن والألم
وسديم
تحكي قصتها من البدايه
ومزون اللي تعرف النهايه
لكن تجهل التفاصيل
ماتوقعت بيوم
ان فيه ناس بهالقسوهـ
وعدتـ سديم
انه تتنازل عن حقها
لان اللي سوته
انقذها ..
سديم اللي طلبت
منها ماتننازل
لان القصاص لها
ارحم من انها تعيش بهالعذاب
بكت مزون بقوه
وهي تضمها ..
كان قلبها يتقطع
ويتألم
وعاهدتـ نفسها ..
انها تكرس نفسها
لهالمرض ..
وتحاول تقذ اللي تقدر عليه
اخذت قرارها ..
وقررت تسافر للخارج
تكمل الدكتوارهـ
وتتركـ المها وراءها
وتحمد ربها
اللي انقذها من المرض
قبل مايلامس جسدها ..
تنازلت عن حقها
من سديم ,
وجهـزت نفسها ,,
للسفر
:
:
بيت بو خالد
:
ماجد وهو يمسك راسه
والصداع متمكن منه
اخ يبه كل مالقينا خيط
ينقطع
بوخالد بصبر : لا مانقطع الخيط
صح اخوك خالد صار مشلول
بس زوجته اكيد تعرف
ماجد وهو يرجع لذاكرته
صح عبير زوجته قالت انها تعرف
وشلون طافتني
بوخالد : لان انشغلنا بمرض
خالد
نسيت ان عبير تدري
ماجد وهو يقوم طاير
يبي يروح لبيت عبير
بوخالد : خذني معك ياولدي
ماجد : انت تعبان يايبه
وين اخذك ؟
بو خالد : بروح معك
ابيها تقولي هم وين
ماجد : ارتاح يايبه
انا بجيب لك كل الاخبار
بو خالد : بتأخذني
ولا اقول للسواق يوديني
استسلم ماجد لرغبه ابوهـ
وراح معه بيت عبير
انتظروا شوي
لين فتحت لهم الشغاله الباب
ماجد : وين المدام
الشغاله : المدام موجود
ماجد : زين قوليلها
ماجد يبيك
راحت الشغاله تنادي على عبير
اللي شوي نزلت لهم
وهي متغطيه
ضيفتهم
وجلست تستمع لهم
ماجد : اكيد عارفه ليش
حنا جائيين ؟
عبير : اي ادري
وكنت انتظر زيارتكم
ماجد : طيب ممكن تقولين لنا
كل شي
وننتهي من هالدوامه
عبير بقل حيله :
يمكن البنت سهل بنلقاها
بس الولد ماتوقع
ماجد : البنت وينها ؟
عبير : عند ابو طلال
بو خالد وهو مصدوم : ابو طلال
التاجر ؟
عبير : ايييه
بس للأمانه
يوم اخذوا البنت قلنا لهم
مالها اهل
مايدرون انكم اهلها
ماجد بعصبيه : انتم وشلون
سويتوا كذا
كل هذا عشان فلوس
والله لو داري قلت لكم خذوا كل
اللي تبونه
بو خالد : لاحول ولا قوه الا بالله
والولد وين وديتوهـ
عبير وهي تمسح دمعتها : الولد
وديناه ملجئ
ماجد : وش اسم الولد ؟
عبير : مدري سلمه لهم
خالد وقال انه لقاه عند مسجد
ماجد : يعني بدون هويه
عبير : بس فيه امل
اذا طلع مدير الملجئ نفسه القديم
لان خالد يعرفه
ويعرف مين الولد
اللي سلمه خالد له
بو خالد : الله كريم
هانت دام لقينا الاول
والبنت بنلقى الثاني
ماجد وهو ينهد :
الله يسامحك ياخوي حرمت ثلاث
اطفال من بعض
وربي بلاك في مصايب
يارب رحمتكـ من عقابك
عبير وقلبها يوجعها
تكفون سامحوني
مستعده اسوي اي شي بس
هم يسامحوني
انا بروح لـ ام طلال
واجيب البنت لكم
ماجد : انتي استغفري ربك
انه يتوب عليك
اللي سويتوه شي كبير
بس الشرهه على اخوي
لكن بالنهايه
مااقدر اقول غير ربي يسامحه
سحب عربه اخوه وطلع
من البيت
ومقرر فيه نفسه
يروح الملجآ
ويسأل عن المدير
اذا هو نفسه من 18 سنه
