«حِلْم بعِيد!»✔️⁩

" الحلقـة الأولـىٰ . "

' سُبحـان الله و الحمـدلله و الله أكبـر و لا إله إلا الله💙'

' صلّوا ع النبي قبل ما تقرأوا و اوهبوا الثواب لـ محمود البنا _ رحمه الله _ 💙⁦🙏🏻⁩'

_____
_ بعد مرور 15 سنة ..

" اِفْهَم بقَا ! ، مِتْشَوَقَة .. كلّمْ لي قلبَـك فَهِمُّه ، لو كان عنِيد هيدُوب أكيد و بـ نَظْرَة مِنّي هَعْلِمُه و هَغْلْبُه و أغْلِبُه .. عشان عيونُه يِسْلّمُوا ! "

كانت حـيـاة قاعدة بتسمع الأغنية دي و هي بتسرح شعرها آخر اليوم مستنية جوزها أما يرجع من شُغله ..

_ أما مادلين مطر دي عليها إحساس يا يُونِس ..

_ هو بابا لسه هيشوف غُلب تاني يا ماما ، مش كفاية بقا و لا إيه ؟

_بصت له بـ نص عين و قالت :

_ عوّض عليّا عوض الصابرين يارب ! ، إنت عايز إيه يا يُونس النهارده ؟

_ مش عايز ، أنا سايبهالك مخضـرة ، رايح أجيب دوا من أسيل أحسن دماغي ورمت من أغانيكِ اللي مبتخلصش ، و في الآخر أبويا مبيسمعهاش و بتضرب في دماغنا أنا و حيـاة ..

_ خُد يا عديم التربية هنا .. يُونِــــــــس !

سابت الفرشة من إيدها و طلعت تجري وراه و هي بتنده عليه ، و في لحظة واحدة لقيت نفسها راشقة في حُضن جوزها ..

_ هيييييه (شهقة)

رفعت رأسها بخضة و شعرها ضرب في وشه ، مسك دراعها و قال باستفهام :

_ في إيه اتخضيتي كده ليه ؟!

_ أصل ،، ماهو .. اااا ..

سكتت شوية ، خدت نفس و خرجته و بعدين اتكلمت بهدوء و هي لازالت تكاد تكون حاضناه :

_ كنت بجري ورا يونِس !

رفع حاجبه باستنكار و قال و هو بيشاور ع وشها :

_ بتجري ورا يونِس ؟ ، بشعرك كده ؟! ، و بالعباية البيتي القصيرة اللي إنتِ لابساها معرية دراعاتك و رجلك و رقبتك ؟! ، و إحنا معانا في البيت بدل الراجل إتنين ؟ ، فسريلي بقا لو سمحتِ عشان أعصابي خلاص هتفلت حالاً .

في آخر كلامه كان وشه كله بقا أحمر دم من الغيرة و الغضب ، و قبضتين إيديه اشتدوا على دراعاتها و هي حست بالألم بس سكتت و بتدور ع تفسير تحاول تفسر له بيه اللي حصل ده ..

بلعت ريقها بتوتر و هي بتحاول تستجمع رباطة جأشها مرة تانية و قالت و هي بتحط إيدها ع دقنه و بتبص في عينيه بـ حُب :

_ عندي ليك خبر حلو !

_ أنا بكلمك في إيه دلوقتي يا حـيـاة ؟

أردف إسلام بـ نفاذ صبر ، و تماسكه بدأ يتلاشى قدام لمساتها ع وشه ..

مسكت حـيـاة كفُه العريض و حطته ع بطنها و رفعت عينيها لـ عينيه و قالت بـ فرحة :