نار لا تنطفيء

البارت الثاني عشر

الكاتبة الاسدية

روح وداعـــت الله ويــــاك لارديـــت
اريد اخلص واعيش البقة من سنيني
عشرتك بس اذيه وكلها هم واحزان
وكــــل ذكرى تمرني وياك تجويني
راح انساك وانسه كلشي جان وياك
واطلع صورتك واشمرها من عينــي

علي صابرين كومي لمي هدومج بعد مالج ضله اهنا اني اوديج الاهلج اكللهم ماعدها رجال

واذا بيج خير اتطلكي وخلصي وعيشي حياتج

اخذت ملابسي ورحت البيت اهلي وصلني علي

ابو صابرين ها بابا شو رجعتي شنو الي صاير

صابرين حجيت البابا على سوالف سامي وابوية ضل يسب ويغلط عليهم

شلون ميحافظون على شرفهم وعرضهم

ثاني يوم الصبح عبد الله جاب اميرة البيت اهلي

اميرة لج صابرين لوتشوفين مرت عمي اشكد حجت عليج وشكد ضلت تغلط على اساس انتي تلعبين على ولدها وانتي تردين مشاكل

صابرين الله يسامحهم وياخذ حقي منهم لان ما اذيت احد بيهم

اميرة عمي راح على هادي وصارت العركة بفلس وكاله عمي اذا انت هيج متريد البنية طلكها ليش هيج مخليها معلكة

هادي صابرين مرتي واحبها وماطلكها لو مهما يصير

صابرين هذا من كل عقله يكول مرتي

اميرة حتى علي وعمي كال اذا مرتك وتريدها ليش تعوفها وتروح البيت خالتك متسال عليها

صابرين اي شنو يكول

اميرة يكللهم اني متعلم على بيت خالتي شكد ماحاول ارجع للبيت ماكدر احس نفسي روحي متعلقة هناك

حتى مرات اجبر نفسي ماروح ماشوف غير رجلي تاخذني وتوصلني

صابرين بعد ماكو فايده من الحجي الي صار صار

اميرة صابرين الحجي بيناتنا علي اشترة كاع ويريد يبنيها ونطلع من بيت عمي

صابرين اي مبروك حبيبتي والله تستاهلين خلصي من الخدمة والذل

اميره اي والله وعلي يكول بعد منبقة يم سامي اذا هيج سوه وية صابرين باجر يرجع عليج هذا واحد فاسد

ضلت اميره كل فترة تجي وتروح لو مرات تبات لو مرات تجي الصبح وترجع بالليل

ضليت اكثر من تسع اشهر اني زعلانة بيت اهلي

مرت ابوية كولش حبابة وتحبني وتنصحني وتعلمني على هواي شغلات

بس المشكله احمد اخوية جان ابد ميحبها ويومية مشكله هو وابوية علمود زواجه

شكد جانت مرت ابوية تحاول تكسبة وتغسل ملابسة وتجهزله اكل

بس هو جان فد مره قافل عليها