نار لا تنطفيء

البارت الثامن عشر

الكاتبة الاسدية

احمد اخوية اقترح نكعد وياهم بالشقة لان بيها غرفتين وصاله وهم ميحتاجون غرفتين

وحتى متكلفنا ايجار وهو لازم يصرف على بيتين اني واهله

كعدنا ابيت اخوية واخيرا خلصت من الضيم والذل والقهر

رغم اخوية احمد عنده اطفال اثنين وتصير مشاكل بين ابني علاوي وبين جهال احمد

بس جنة نكدر نتجاوزها ونعيش مرتاحين

شوي صحتي ردت الي وسمنت وبطني كبرت

مرت تسع اشهر وجبت ابني الثاني محمد

رغم كل هذا عمتي وبناتها ماعافوني الحالي تقريبا يومية يجون من الصبح لليل

وضلو يدورون علية الزله ونفس طبعهن يدورن مشاكل وياية

صار عمر ابني سنة وهنا صارت عندي نفس اعراض الحمل

خمول ودوخة ولعبان نفس

ماهتميت كلت احتمال حامل وهذا رزق رب العالمين

بس وضعي ساء اكثر واكثر

تحسين صابرين مالازم تبقين هيج لازم ترحين للمستشفى حتى نشوف شبيج

صابرين اي والله لان احس نفسي كولش تعبانة ومابية حيل

حتى من اكوم ماكدر واني عندي اطفال اثنين يحتاجون رعاية وهم كولش متعلقين بية

رحت للمستشفى اخذني تحسين ومن دخلت للدكتور

الدكتور تفضلي اختي احجيلي من شنو تشكين

صابرين شرحت الاعراض الي تصير عندي للدكتور

الدكتور زين نحتاج منج تسوين هاي التحاليل والاشعة والسونار

كملت بعض الفحوصات وسلموني النتائج وبعضها لا تتاخر يومين حتى تطلع نتائجها

رجعت للدكتور ضل يقرا بالنتائج

الدكتور اختي هسة منكدر نعرف شبيج الا تكتمل النتائج كلها

تحسين زين دكتور كفحص اولي شنو بين عندك اكو شي

الدكتور لا هاي النتائج مو مهمة الي مهم هي النتائج الي تتاخر يومين او ثلاثة بس ان شاء الله خير

رجعت للبيت واني ماعرف اول مره اخاف من شي جنت احس ان بية شي خطير مو سهل

بعد يومين رجعت للمستشفى استلمنا النتائج مال الفحوصات ودخلنا للدكتور هو رأسا عرفني من شافني

الدكتور اهلا صابرين جبتي النتائج

صابرين قدمت التقارير وكتله اي دكتور هاي التقارير

ضل الدكتور يكلب بالتقارير والاشعة مال السونار وهو ساكت ومصدوم

تحسين ها دكتور بشر شعدها صابرين