نار لا تنطفيء

البارت التاسع

الكاتبة الاسدية

لا تخجل
سولف گول الك واهس تضل وياي
واذا ما الك واهس گول لا تخجل
ما اقبل احبك وانت ما مرتاح
وما ارتاح احبك وانت ما تقبل
اذا متشدني بيك وبيه اشدك حيل
انحل بالسهل من عندك وتنحل
بكيفك من اجيت وما جبرتك يوم
وما اجبرك بكيفك لو ردت ترحل
فكر باليهمك والمهم شتريد
انه كل اليهمني المهم لا تزعل
ما مليت منك اگدر ابقه وياك
بس المشكله خاف انه راح انمل

صابرين من اخذني هادي الحظنة وبدا يبوس بية حسيت بمدى حبه الي يعني ماجان يكذب من يكول احبج

بدينا نندمج بهاي اللحظات ماحس الا هادي عاط بصوت عالي

هادي صابرين احس كهرباء كهربت كل جسمي حسيتي بيها

صابرين لا ماكو شي ماحسيت

هادي كمت من الجرباية وضليت اتلمس بالفراش مالتي احس كهرباء قوية

صابرين تعالي خلي ايدج احس تكهربت

صابرين اجيت اتلمس بالمكان الي يكلي عليه كلشي ماكو

رجع نام على الجرباية بدون ميحجي اي شي

صابرين راسي يوجعني دمرني الوجع

صابرين ضليت محتارة شسوي كتله اجيبلك حب وجع راس من جوه

هادي لا اني راح انزل اشرب حباية وارجع

نزل هادي واني ضليت انتظر هسة يصعد هسة يجي وهادي ماكو

استحيت انزل واشوف وين صار هسة شيكولون عليه

شوي وجان تفتح الباب خاله هادي

الخاله صابرين اشبي رجلج ليش يكول كهرباء ماعرف شنو بالفراش

صابرين والله خاله مادري حتى تلمست المكان كولشي ماكو

الخاله يمة رجلج يعيط من راسة ومندري شبي

صابرين اي هو كال اشرب حبوب مال وجع راس وبعد ما اجاني

بهاي الاثناء دخل علية عمي ويه مرت عمي وهو يسال شكو عمو شنو الصار

صابرين عمو مادري كال كهرباء ماعرف شنو ونوب وجع راسه

الخاله صابرين انتي جهازج وملابسج منو خيطهم منو جابهن

صابرين خالة انتو جبتولي كلشي اني مارحت ولا شتريت شي

ام هادي كولي اشربتي ابني اشوكلتي احجي اذا صار بابني شي اموتج قليل

صابرين والله عمة كلشي ما اكلنه ولا شربنا ليش هادي شبي

ابو هادي جوه يصرخ ويضرب راسة من الوجع

صابرين هسة كلشي ماجان بي

الخالة هسة انتي نامي والله كريم بلكت يصير زين