نار لا تنطفيء

البارت السابع عشر

الكاتبة الاسدية

رجعتلكم بعد غياب وانقطاع النت

مشتاقتلكم هوااااي ياغوالي ربي ميحرمني منكم

اتمنة تستمتعون وياية بهذا البارت وتصوتون مو تنسوني

خطية جان جاي محمل اشكال الي والبيت احمد حتى فلوس انطاني كال خاف تحتاجيهن

عشر ايام مرن عبالك ساعات بسرعة خلصن

رجع ابوية للعراق واني رجعت للضيم من جديد

ابوية كالي اتحملي بوية شتردين تسوين هذا زواجج الثاني والناس ماترحم

صدكيني كلها تسوي الخلل بيج يعني اثنينهم موزينين وانتي الزينة والناس بيت بله

رجعت للبيت وعمتي والبنات طلعن علية هاي الايام كلها بس شغل وسب وغلط تعوفني وحده تستلمني الثانية

وماعرف وين اروح وين اولي المن اشكي والمن التجأ

حتى ابوية عرف الوضع الي جنت عايشة بي بس هو هم شبيده

جان كل اسبوع يتصل علية لان الرصيد غالي وهو امكانيتة مو مثل قبل

صار سنة على جيتنا الى هاي الدوله
صدكوني اذا احلفلكم اني ابد ماطالعة ولا شايفة منها اي مكان عدا بيت اخوية احمد

تالي الليل من ادخل الغرفتي حتى انام اذب روحي مثل الجنازه

حتى مرات ماحس من يجي تحسين من الشغل وهو هم من التعب ميصدك يخلي راسة وينام

نايمة واسمع صوت عمتي تصيح وتغلط عليه

ولج صابرين اليوم اسوي اسود على راسج نايمة للضهر ومحد بعينج

شنو قصدج يعني موبعينج احنا

صابرين عمة والله تعبانة وماحسيت بنفسي نايمة

التمن عليه ويريدن يكتلني كوه خلصت نفسي منهن ونهزمت

حتى ابني ماشفته ولا عرفت هو وين
ضليت اركض كلشي ماندل ولا اعرف اني وين لو وين اروح

اركض اركض شفت نفسي وصلت صحراء مابيها احد

زين شوصلني هنا مادري

ضليت امشي وابجي وحلكي يابس اريد قطره مي ماكو

واني ادعي وانخي كون اشوف بشر حتى يخلصني

شفت ابوية من بعيد احاول اوصل اله ماكو يصير ابعد

كل ماقترب منه هو يبعد شايل بيده بطل مي وهو يريد يوصلي هم ميكدر

ابو صابرين بوية عذريني بعد ماكدر اساعدج رجلية متعيني تعالي اخذي المي

اني اريد اوصل ماكو جان يختفي ابوية واني اعيط يابة وينك وادور