نار لا تنطفيء

البارت الخامس عشر

الكاتبة الاسدية

حبايب اطلب منكم طلب وحده من المتابعات واكعة بمشكله طلبت تدعولها يقضي حاجتها ويحل مشكلتها دعاء الغريب مستجاب

الدكتورة انطتني مقويات وكالت حافظي على روحج وعلى طفلج

مو اتعبين هواي مو تشيلين ثكل هواي وهواي امور وصتني اسويها

بالليل من رجع تحسين عمتي كالتله على موضوع الحمل وهو صعد طاير هلكد فرحان ان هو يصير اب

اشوف الفرح بعيون الكل بس اني الخوف بكلبي ماعرف شنو ظام الي المستقبل

جنت ادعي ربي ليل ونهار ان الي ابطني يكون ولد مو بنية

مو لان ماحب البنات ولا بطر على رب العالمين

بس جنت اخاف عليها من هاي الدنيا
اخاف ليكون حظها مثل حظ امها

جان عندي احساس ان اني افاركها بيوم وراح تضل وحيدة بلا ام

بفترة الحمل كولش تعبت نفسيتي
والكل لاحظ علية الحزن والهم

عمتي شوي غيرت من معاملتها الي لان تخاف ليروح حفيدها

بس البنات كلما يشوفون عمتي زينة هم يزيدون بقساوتهم وحقارتهم

تحسين وهو يتلمس بطن صابرين ويحجي وية الطفل

يلا بابا تعال اريد اشوفج اريد اشيلج اريد من اجي للبيت تتلكيني وتبوسيني وتحضريلي الخاولي وتضلين تكمزين على راسي تعالي اشتاقيتلج

صابرين بقهر اني ماريد بنية اريد ولد ان شاء الله يطلع ولد

تحسين اي شي يجي نعمة من الله بس اني اريد بنية البنية حنينة على ابوها واريدها حلوه تشبه امها وهو يبوس صابرين

صابرين واني اريد ولد يكون رجال مثل ابوه يعتني بامة واخواتة من يجن للدنيا اريدلي سند من يتعب الحيل

تحسين كولي يا الله اني وين رحت اني امج واني ابوج واني سندج

صابرين الله يحفظك الي
ماجنت احجي التحسين عن سواية اخواتة بية

اكول خطية كافي عليه التعب طول النهار حتى ميخلينا محتاجين شي انوب ازيد همومة وتعبة

شكد احاول اكسب سعاد وكلشي تريد اسوي الها وتعاملي وياها كله عيني وكلبي اول شي هي مو غريبة وثاني شي اريد اكسب راحة بالي

سعاد عيني صابرين خاتون لتسويلي نفسج حامل وتخافين على الجاهل

وماعرف هذن سوالف النسوان والعياره مالتهن

صابرين ليش ياعيني شنو شفتيني سويت لو حجيت

سعاد مو تستغلين امي بحبالتج ولا تستغلين اخوية لان راح تجيببن جاهل اله اني اوكفلج ووكفج عد حدج