نار لا تنطفيء

البارت الثالث عشر

الكاتبة الاسدية

هادي صابرين الي تريدي ميصير طلاك ماطلك

عافني هادي وراح

واني ضليت افكر شنو هذا حب هاي انانية شنو هذا الموقف من قبل هادي

مرت ايام بين مشاكل وتفاهم من قبل ابوية واحمد وية هادي بخصوص موضوع الطلاق

وبعد جهد ومشاكل وافق هادي يطلكني

بيوم الطلاق بعد اكمال كل الاجراءات رحت الصبح وية ابوية للمحكمة شفت هادي موجود هو وعلي

اول مره اشوف هادي بهيج حاله

حتى بيوم الي عقدنا ورغم الظروف الي جنا بيها

بس ابد مو مثل حالته هاي

حسيت بي حزين ومكسور وحتى نظراته الي كانت بيها نوع من الرجاء

علي السلام عليكم شلونك عمي شلون صحتك

ابو صابرين وعليكم السلام هلا بعلي شلونك عمو اهلك شلونهم اميرة والزغير

علي كلهم زينين ويسلمون عليك

صابرين شلونج متسألين علينا

صابرين اني زينة الحمد لله مرتاحة هواي

ابو صابرين هادي عمو شنو متسلم عليه مهما يكون ابقة عمك حسبت ابوك

هادي شلونك عمي شلونج صابرين

ابو صابرين اني زين من اشوفكم مرتاحين ياعمي

صابرين ولا رديت عليه يمكن خفت اضعف واني ماصدكت

هادي صابرين ما الله هداج وتعوفين موضوع الطلاك

صابرين درت وجهي وكتله يابا شوكت نكمل الاجراءات

ابو صابرين يلا عمو مالكم نصيب سوه ان شاء الله تستقرون بحياتكم

كملنا الاجراءات وطلقنا القاضي وطلعنا باب المحكمة

سلم علينا علي بس هادي حتى مارفع راسة وشافني

من مشينا من يمهم مريت قريب من هادي رفع طرف عينة

وحسيت بيها دمعة محبوسة نزلت وية نظرتي بعينة

رجعت للبيت واني كلبي يوجعني على هادي من وعيت على الدنيا وهادي يمي اول كلمة حب سمعتها من هادي
اول بوسة واول لمسة

كبرت مشاعري وهو الي جان يرويها

بس حياتنا سوه جانت مستحيله

حتى لو جنت اتحمله هو بس بيت عمي ماكدر بعد اتحملهم

وهنا انتهت ماسات حياتي الثانية بعد ماساتي الاولى بوفاة امي وحملي وولادتي