نار لا تنطفيء

البارت الواحد والعشرون

الكاتبة الاسدية

فضلا وليس امرا متابعة الحساب مالتي حتى يوصلكم كلشي جديد

البعض يسال ليش متجيني اشعارات

اكللهم السبب الاكثر ضعف بالنت او عدم متابعة الحساب

تحياتي للجميع

**********************

من هاي اللحظة كدرت افرض احترامي يم ابو سمير

اماني ها صابرين مناقشاتج ماطولت بساع بساع

صابرين خلينا النقاشات الكم اني ماتناقش اني بسرعة اضرب الي يريد يتناقش على حلكة واسكتة

عبالهم كل اصابيعهم سوه
بس ميدرون مو كل طير يناكل لحمة ولا كل وحده طلعت تعمل لازم تبيع لحمها وتبيع نفسها

ضليت كلما استلم الراتب مالتي اشتري ملابس والعاب الاولادي بس وين لاهو الي يجيبهم الي ولا اني اكدر اروح يمهم جنت ابعثها الهم بالنقليات

شكد حاولت اتواصل وية جهالي او اسمع صوتهم ماكو ابد قافلين علية فد مره جانت حياتي عبارة عن الم وحزن ودموع

منا المرض الي ميرحم ومنا الحزن على خسارة اولادي ومنا الوحده الي اني بيها

بعد فترة من عملي اخوية احمد اشترة شقة وتحول بيها هو وزوجتة واطفاله وطلب مني اروح اعيش وياهم

وفعلا مهما يكون سكني وية اخوية احسن الي

اماني لج صابرين شوفي هذا ماشال عينة من عليج

صابرين شسوية كون عيونة فكس ولا يستحي وياة زوجتة وبنتة وهو هيج لعد لو وحده شيسوي

اماني لج شبيج خوش صيده شوفي اشتره شكو شي بالمحل يعني متريش

صابرين الله يزيده

اماني ولج انتي لشوكت تضلين فطيرة استفادي منه جم يوم وبعدين عوفي

صابرين يعني شنو استفاد منه اذا هو يجي يشتري من المحل قابل مشتري مني

اماني ولج موتيني انتي شوفي شلون يباوع عليج الزمي موبايلج اشريله خلي ينطيج الرقم

صابرين كلشي ماريد منه ولا اريد رقمة

اماني لعد راح اني استلمة وانتي ضلي عايشة بالفكر والجم فلس الي ينطيهن الج ابو سمير

صابرين الحمد لله والشكر اني صدكت احصل هاي الكم فلس واعيش بيهن بدون حاجة الاحد

ضجت من الشغل ومن النماذج الي اشوفهن بالشغل من نساء ومن رجال

الي يعيش ياما يشوف والي يطلع من بيتة يشوف وجه ثاني للحياة

مر على شغلي سنة كامله

بس هاي السنة الله اليدري شلون خلصتها من حزني على اولادي ساءت حالتي الصحية وانتشر المرض بجسمي من جديد