نار لا تنطفيء

البارت السادس عشر

الكاتبة الاسدية

اتملكني الخوف وضلت تتردد باذني كلمات عمتي اذا صار بتحسين شي

كمت امشي واني ابجي وادعي ربي نوصل للبيت بسلامة
تحسين هسة متكليلي شبيج على شنو البجي انتي ردتي والد والحمد لله طلع بيج ولد

صابرين تحسين خايفة متشوف الشارع فارغ ولا بشر بي

اني شسوي بالولد اذا انت صار بيك شي
تحسين كولي يا الله الي كاتبه الله يصير

صابرين ونعم بالله

ضلينا نمشي واني ماكو اية ماقريتها شكو دعاء ادعي ربي بي

مو خايفة على نفسي ولا خايفة من عمتي وكلامها

بس صدوك اذا صار شي بتحسين اني بعد شسوي بالدنيا

تقريبا صرنا قريبين من البيت مالتنا ونسمع اصوات عالية كان يركضون ورا واحد وهم يصيحون عليه اوكف

ماحس الا تحسين جرني من ايدي وركضنا اثنينا سوه

ولاعبالك اني حامل حسيت نفسي بخف الريشة

اسمع صوت رمي ورانا ماعرف اذا جان علينا او على غيرنا

بس جان الرمي كولش قريب ماردت التفت او اضيع لحظة بدون ما اركض بيها

تحسين لتخافين اهم شي ركضي وصلنا يلا حبيبتي

صابرين حتى صوت ماعندي اجاوب عيني على بيتنا الباب مسدود يمكن بين مانوكف وندك الباب راح يوصلون النا ويمكن يرمونا قبل لنوصل

شفت سعاد فتحت الباب حتى تشوف شكو وعليمن الرمي

اول مره بحياتي افرح بشوفة سعاد يا الله دخيلك بس كون انطب للبيت

اخيرا وصلنا وطبينا البيتنا حظنت سعاد وضليت ابجي واكول الحمد لله والشكر من وصلنا سالمين

ام تحسين ها يمة هذا الرمي والطلق عليكم جان ارتاحيتي ياخاتون جان موتي ابني

تحسين يمة مو علينا على غيرنا بس خفنا وكلنا لنروح بالرجلين

ام تحسين كتلك لتروح اني اخذها باجر الوضع مو زين متسمع كلام

تحسين يمة هسة رحمة الوالديج كافي لتضيعين فرحتنا

ام تحسين ها يمة بشر فرحني وياك

تحسين يمة الدكتورة تكول بعد ٣ اسابيع يجينا علاوي وصحتة زينة

ام تحسين يمة صدك الف الحمد لله والشكر وك يمة بروح ابوك شفت ولد زين صحتة زينة هيج جبير وحلو

تحسين ههههههه يمة شنو قابل طلعتة وشفنا هو سونر يعني مو كلشي ينشاف بي

صابرين بعد ماوصلنا للبيت وارتاحيت من حسيت بالامان كمت سويت عشة وتعشينا