نار لا تنطفيء

البارت التاسع عشر

الكاتبة الاسدية

مساء الخير حبايب كلبي اتمنة تستمتعون بالوقت الي نقضي معا
واتمنة لتنسوني بالتصويتات

واحب اشكر كل الي متفاعلين وية قصتنا وتدعون للبطله حتى نعرف اي خبر منها

صابرين ضليت افكر بكلامة وين ارجع صحيح علاقتي حلوه بازهار مرت ابوية بس ابوية وراح

واخوتي مو كبار وواحد يعتمد عليهم

مهما يكون اني راح اكون غريبة بينهم
قررت ابقة يم بيت احمد احسن حل

بعد رجوع تحسين واهله واولادي للعراق حسيت نفسي خسرت اولادي للابد

ساءت احوالي وحالتي النفسية اتازمت فد مره

مجنت اتحمل فكره ابتعاد اولادي عني بعد شهر من رجوع بيت عمتي للعراق

الهام مرت احمد رادت تسافر تشوف اهلها لان صار سبع سنوات مشايفتهم
لذلك قررت ارجع وياها حتى اشوف اولادي

وصلنا للعراق الهام راحت يم اهلها واني رحت البيت اهلي

اول ماوصلت للبيت حسيت نفسي مشتاقة الى كل شي بي حتى الحيطان مشتاقتلهم واعرفهم واحد واحد

والاكثر جنت مشتاقة الابوية

مجنت احس هيج صعب علية اطب للبيت وابوية ماكو

هذا البيت الي عشت بي سنين مشفت بي بس القهر واليتم من يوم ماتت امي الى اليوم الي طلعت بي واني زوجة تحسين

بس رغم كل هذا جان بي ابوية حبيبي الي هون عليه مأساة حياتي كلها

بس هسة شنو ابوية ماكو

جنت اشوف طيفة بكل مكان احس بي فرحان بجيتي

اوف يابة تعال شوف حبيبتك وين صفة بيها الزمن

من اول يوم حسيت نفسي غريبة ابيتي صحيح مرت ابوية موجوده واستقبلتني كان اني بتها واخواني موجودين

بس مهما يكون ابقة غريبة بينهم

واخوتي بعدهم زغار مو كد المسؤوليه
بعد وصولي للعراق بيومين سافرت للمحافظة مال بيت عمتي حتى اشوف جهالي

وصلت الهم الضهر جان تحسين بالشغل من شفت الولد واني حسيت روحي رجعت الي

اوف ياحظنهم وياريحتهم هم يبجون واني ابجي

فدوه الكلبهم ماناسبني ابد

علاوي ماما اشتاقينالج ليش عفتينا وحدنا

صابرين ماعفتكم يمة مو تشوفون اجيت اشوفكم

علاوي ماما انتي صحيح راح تروحين بعد ابد منشوفج

صابرين لا ماما اجيكم كل يوم وتشوفوني هواااي

علاوي زين ليش عمة سعاد تكول راح نخلص من امكم تروح يم الله نرتاح منها