نار لا تنطفيء

البارت الخامس

الكاتبة الاسدية

كون ايصير كلشي بعمري مكلوب
وارضه بكل شي يطلع عن أصوله
كون اول حياتي الكبر والشيب
واخر لحظة من عمري الطفولة

صعدتني على السدية كالت يا خطية هاي بعدها طفله وعدها ولاده

اهنا جانت الصدمة الي والمرت عمي

الطبيبة شنو مانتبهتو عليها اني اول ماشفتها عرفت بيها حامل

ام هادي ماشفتها لان هم ماساكنين مويانا ساكنين وحدهم بعيد علينا

الطبيبة ادري يا امي اهلها ماشافوها ماحسو بيها امها ابوها اخواتها

ام هادي امها ميتة وبس هي وابوها واختها الزغيره محد منتبه عليها

صابرين كومتني من السدية طلعت اني ومرت عمي ام هادي ضلينا كاعدين على كراسي الانتضار

ام هادي ولج صابرين هاي منو مصخم وجهج

منو هيج قشمرج ولعب عليج ليش ماحجيتي ليش ماكلتي

صابرين ضليت ساكتة الصدمة ماخلتني استوعب كلشي يعني شنو حامل وشنو عندي ولاده

زين هو مو حلف كال كلشي ماسويتلج

ام هادي ولج احجي مو احاجيج ولج كولي ولج ليش ساكتة

صابرين اسمع صوت مرت عمي بس ما استوعب شنو تحجي

ضل بالي وفكري كله يم ابوية واميره واحمد

شكللهم شنو راح يسوون بية

ام هادي وهي حيل تكرص صابرين من فخذها ولج كولي منو شكول الابوج وعمج احجي لتسكتين

صابرين وهي تصرخ من الالم مال بطنها وتتلوى اسألي هادي لتسأليني

ام هادي منو هادي ابني انتي شتحجين

صابرين واني كمت اصرخ من الالم الحمولي راح اموت

ام هادي وهي تركض على الدكتورة دكتورة هسة وين اودي صابرين

الطبيبة ماما اخذيها الصاله الولاده شعدها ضاله هنا

اخذتني مرت عمي الصاله الولاده شفت النسوان شلون يلوبن والي تصرخ والي كاتمة المها

ضليت افكر اني شسوي هنا وشنو الحالة الي اني بيها

ليش هادي شنو الذنب الي سويتة وياك حتى هيج تسوي بية

وصلنا يم الدكتورة مال الفحص كالت صعدي على سدية خاصة بالولادة جتي الدكتورة تفحصني

اجتي دكتورة ثانية كالت خطية هاي طفله شلون بهذا العمر مزوجيها

الدكتورة الاولى كالت ناس متخاف الله كل هذا ومرت عمي جانت مو يمي لان ماطببوها وياية للصاله

الدكتورة ماما اصعدي خلي اشوفج ميصير تبقين بس تبجين

هسة ترتاحين من تشوفين ابنج لو بنتج بحظنج