بخت مريم

البارت الاول

سلوى.سهام ..تعالو حضرو الريوك...

حاضر يوم..

راحو. سهاد وسلوى يحضرون الريوك تحت اوامر امي الي مايعجبها العجب ...

-انتي شبيج ثولة ديري بالج عالبيض لايحترك ..

جاوبتها سلوى بنفاذ صبر ونضرات مو راضيه على امها الي دائما صارمه ومعدها اسلوب لين ولاتحترم جهالها
-ماشي يوم...

_ووراها وحده منكم تروح تكعد الولد والمسعده الي حاسبه روحها مدلله وصغيره

جاوبتها سهام وهي حضرت السفرة
_هسه حروح يوم بس خطيه مريومه بعدها طفله..

جاوبتها امها بغضب

_مو انتي تعلميني سهام خاتون..

جاوبتها سهام بخوف وعلى رغم عمرها الي راح يصير٢٢سنه بس بعدها تخاف من امها لان يعرفوها شكد قاسيه وماعدها مانع تضربهم وهن بهالعمر

-العفو يوم موقصدي...

-ولي وروحي كملي شغلج...

ضلت الام ادردم ومعاجبها رغم كل هالقساوة كان داخل هالام الم جبير خاضتها بطفولتها وبشبابها خلتها تصير قاسيه ....
كعدو الكل يتريكون ....

الاب الي عمره ٥٥سنه (عبدالله)
والام الي عمرها ٥٣سنه(جواهر)
احمد ٢٧سنه
ياسر٢٥سنه
رياض٢٣
سهام٢١
سلوي١٩
عمار١٧
مريم١٥

ورا مخلصو الريوك ابو احمد صاح ولده وامهم يحجي وياهم بموضوع...

-ها بويه خير ...

حجى احمد بقلق خايف لاصاير شي لان ابوهم ميجمعهم اله واكو شغله صايره..

_ماكو شي بويه بس بيت عمك حسن طلبو ايد سهام لابنهم رسول
_اي بويه والنعم منه رسول خوش وينشد بيه الظهر بس خلي ناخذ رأي سهام..

حجى احمد وايده ياسر ورياض
قاطعتهم امهم بعصبيه. .

_واحنا من يمته ناخذ رايهم للبنات...

جاوبها احمد وهو مو راضي من اسلوب امه..

_يوم الزواج عشرة عمر ومو يوم ويومين المفروض تكون سهام مقتنعه وراضيه وبعدين لتنسين هي معلمه منو يكول رسول يقبل تكمل دوام..

_وعسى ماقبل وهي توافق غصبا ماعليها..

الولد مقبلو على اسلوب امهم وكامو وطلعو

_بلغ اخوك خلي اليوم حيجون يطلبوها

_جواهر

كاطعته بعصبيه...

_عبدالله ياريت تسوي الي كتلك عليه ولاترد على ولدك اكيد اني يهمني مصلحة بناتي وجهالي اكثر
_ماشي

طبعا كلمة الست جواهر سيف ولازم يمشي كل شي مثل ماهي تأمر بيه...حتى على زوجها...

طلعت جواهر وصاحت على سهام....