بخت مريم

البارت الثالث عشر

لو ندمنا على الماضي وخشينا المستقبل لما تبقى لدينا وقت لنعيش الآن

**************&&&&&**********

اتقربت هناء من مريم ...

_مريم ممكن ورا الحفله ..اريد احاجيج بموضوع....

ابتسمت مريم بود ...

_اكيد حبيبتي ..تدللين ...

اتنهد هناء بحزن لان رادت تأذي وحده مثل مريم بريئه صدك طاهر عنده حق يشمئز مني..

_مايدلل عليج ضالم ..

عافتها ...اتقربت لمياء ...

_هاحبي ..شبيج ..هناء حجت شي ..

_لاحبي ...ماحجت شي ..بس آني مشتاكه لأهلي.. 

_ماضل شي ويوصلون ...
ضلت كاعده بمكانها وهي تفكر باهلها ...وبذكرياتها ...مرات تبتسم ومرات تحزن ...

كاطع ذكرياتها صوت جدتهم..

_ها بنتي شبسرعه ماهر خبلج....كمت تصفنين وتبتسمين....

_هههه لابيبي ..اتنهدت بحزن ..بس اشتاكيت لاهلي اول مره ابعد عنهم ...

_اييي يابنتي كلنا مرينا بهالوضع ..اذا انتي نفس المحافظه وقريبين منج ...انا عفت ولايتي وجيت هنا...

_بيبي احجيلي شلون تزوجتي انتي وجدو...

_شحجيلج حبيبه ...ترى زواج زمان مو مثل هسه ...زواج زمان الاهل يقرروه حتى بدون رضى الزلمه....

_يااا يعني جدي مجان قابل...

اتنهدت الجده ...

_لايبنيتي ...مو بس هيج جان يحب وحده ...

_يااا بيبي ..صدك وشصار خليها غير يوم واحجيلج شلاع كلبي ....

_على راحتج بيبي ...بس ترا جدو هسه يحبج ...
ابتسمت بحزن ...

_بعديش بنتي ....بعد ماضيعت حياتي ..وانا انتضر منه جلمه حلوة...اووف الله لايشوف احد الي شفته...

انقهرت مريم عليها واتقرب منها وحضنتها بقوة ...ابتسمت جدتهم وبادلتها الحظن  ...

_يلا خلي اروح اشوف وين وصلو بالتجهيزات الناس كربت توصل ..

كملت مريم صفنتها ...بنفس وكت نزول ام هناء ...

_ها عروستنا هنا...

_هلا عمه ..
كاطعتها ام هناء. ..

_لاحبيبه اريد مثل زوجج ..تصيحيلي يمه ..

_تدللين يمه ....

كعدت بصفها وهي تحجيلها عن ذكرياتها ويه زوجها ...ووكت وصلت من استشهدوه ورا السقوط وكت الي بلشو بقتل الضباط ...كامت تبجي وتنحب ...

_الله يرحمه ...وهيان عافلج جهاله حتى دومه يضل كدام عيونج ..

_ايي الله يحفظهم يارب...